Оралда Тұңғыш Президент күніне орай концерт өтті. Мерекелік сазды бағдарламаға қаламыздағы өнер майталмандары қатысып, Елбасы Н. Назарбаев қақында сыр шертілді. «Атамекен» өнер ордасында жиналған халықтың қарасы көп болды.Мерекелік басқосуда алдымен ҚР Тұңғыш Президенті Нұрсұлтан Әбішұлының студенттік өмірі мен жастық шағынан сахналанған қойылым көрсетілді. Өңір өнерпаздары ән салып, би биледі. Оркестрдің сүйемелдеуімен дәстүрлі әндер шырқалды. Күмбірлете күй тартылды.Қазақстан Республикасының Тұңғыш Президенті күніне орай «Атамекен» өнер ордасындағы мерекелік іс-шараға облыс әкімі Ғали Есқалиев арнайы қатысып, жиналғандарды мерекемен құттықтады. Елбасының ерен еңбегі, дара жолы мен өмірлік ұстанымы, сондай-ақ егемен еліміздің дамуы жолында қосқан үлесін атады.Еліміздің сан ғасырлар бойғы арман-үмітін ҚР Тұңғыш Президенті жүзеге асырды. Тәуелсіздігімізді алып, зайырлы мемлекет атандық. Меркелік көңіл-күймен жиналған халықтың көңілі көтеріліп тарқасты.

Тұңғыш Президент күні оралдық спортшылар үшін де қуанышты болды. Бұл күні қала іргесіндегі Деркөл ауылында 700 шаршы метрлік, облыс орталығының Егізбаев көшесінде аумағы 453,7 шаршыметрлік спорт кешендері пайдалануға берілді.

Мұнда халықтың түрлі бұқаралық спорт түрлерімен айналысуына барлық жағдай жасалған. Мәселен, «NARYN» спорттық-сауықтыру кешенінің екі деңгейлі ғимаратында волейбол, баскетбол алаңдары, би залы, үстел теннисі жабдықталған.Кешен пайдаланылуға берген алғашқы күннен-ақ  бірнеше спорттық жарыстардың алуа жанды, яғни,  тұңғыш Президент күніне орай мұнда үстел теннисінен ерлер, мемлекеттік қызметкерлер және тірек-қимыл жүйесі зақымданғандар арасында үстел теннисінен республикалық ашық турнир басталды. Айта кетейік, Орал қаласы аумағында бұған дейін 7 спорттық-сауықтыру кешені спортсүйер бұқараға қызмет ететін. Бүгін олардың саны 9-ға жетті. Мұның бесеуі – мемлекеттік болса, төртеуі – жекеменшік.

1 желтоқсан тұңғыш Президент күнінде ең үлкен қуаныш Орал қаласындағы соңғы жылдары пайда болған «Көктем» шағынауданында болды. Мұнда 120 пәтерлік жаңа үй пайдалануға берілді. Құрылыс құны 1 млрд теңгеге бағаланған жаңа үйдің құрылысын «ЖайықСелСтрой» ЖШС бір жылдан аса уақыт ішінде аяқтаған. Бұл жерде 6-7 жыл бұрын бос жатқан дала болатын. Қазір қараңыз жағдай мүлде бөлек, адам айтса нанғысыз.  Осы біз айтып отырған орында тұрғын үйлер бой көтеріп, мектеп салынып, халықтың тұрмыс тіршілігі үшін қажетті жағдайдың барлығы жасалған.  Тұңғыш Президент күні қарсаңында  бұл жерде 120 отбасы қоныс тойын тойлады. Зашаған кентіндегі 9 қабатты тұрғын үй «Нұрлы жер» бағдарламасы бойынша салынған. Тәуелсіздік күніне орай Оралда жаңа мектеп, тағы да көпқабатты тұрғынүйлер пайдалануға беріледі, - деген өңір басшысы пәтер иелеріне жаңа баспана тек жақсылықтың, бақ пен берекенің ұясы болуын тіледі. Жалпы биыл шаһарда «Нұрлы жер» бағдарламасы бойынша тұрғын үй құрылысына 11 миллиард теңге бөлінген. Бұл қаржыға биыл жалпы саны 1506 пәтерлік 13 көп қабатты үй тапсырылуы тиіс. Үйдің ауласы абаттандырылып, жолдарға асфальт төселген, балалардың ойын алаңдары жасақталған. Ішкі әрлеу жұмыстары да баспаналы болғандардың көңілінен шықты.

Тұңғыш Президент күніне арналған шаралар жалғасуда. 1991 жылдың 1 желтоқсан күні тәуелсіз Қазақ елінде, алғашқы сайлау өтіп, онда басым дауыспен Назарбаев жеңіске жеткен болатын. Осы атаулы дата, міне 7 жылдан бері Елбасы күні ретінде тойланып келе жатыр. Ал бұл мейрам өңірде де ауқымда аталып өтуде. Бүгін Х. Бөккева атындағы қазақ драма театында мерекелік шара өтіп, өңірдің дамуы жолында еңбек еткен тұлғалар марапатталды.

Қазақстан ширек ғасырда бірлігі мен берекесі жарасқан нағыз тәуелсіз елге айналды. Ұлт көшбасшысы Нұрсұлтан Назарбаев - қазақ елін әлемдегі барша жұртпен достық байланыс орнатқан еңсесі биік мемлекетке айналдыра білді. Бірінші желтоқсан - Қазақстан Республикасының Тұңғыш Президентінің күніне арналған салтанатты жиында БҚО әкімі Алтай Көлгінов осылай деді.

Қалың қазақтың мақтанышына айналған елбасының сындарлы да салиқалы саясаты Отанымызға тыныштық, жерге ырыс-құт қондырып, береке сыйлады. Бұның бәрі бүгінгі мерекелік шарада аталып өтілді. Сонымен қатар игі дәстүр бойынша еліміздің дамуы жолында уақытпен санаспай еңбек етіп жүрген бірқатар Ақжайық азаматтары "Астана 20 жыл" меркелік медальымен марапатталды. Олардың қатарында әріптестеріміз Ғайсағали Сейтақ, Мұнайдар Балмолда және арнамыздың операторы Манарбек Кушалиев бар.

Салтанатты шара мерекелік концертке ұласты. Патриот, талантты жастар өз өнерлерін көпшілікке паш етті.