Оралда екі күннен бері 4000 мың куб метр қар шығарылды. Қаладағы қарды тазалап, көлік қозғалысын реттеу үшін қосымша барлық техника жұмылдырылған. Сондай-ақ, коммуналдық қызметкерлерден құралған кезекші топ тәулік бойы жұмыс істеуде. Қазіргі таңда көктайғақты болдырмас үшін оған қарсы 3000 тонна материал қолданылған. Коммуналдықтар 70- ке жуық техниканың қар тазалу жұмыстарына жұмылдырылғанын айтады. Ал жиналған қар Асан ауылындағы  карераға тасылуда.Тұз бен құм араластырылған қосынды алдымен адам көп жүретін және әлеуметтік нысандарға барар жолдарға себілуде. "Жайық таза" қала ЖШС мамандары бұл маусымға дайын екендерін айтады. Осы орайда казгидромет орталығының мамандары ертең облыстың кей жерлерінде +1 градусқа дейін ауа райы жылынып, түнде қар, ал күндіз қар аралас жаңбыр жауады деп болжам жасауда.

Орал қаласының Достық даңғылы 27 мекен-жайының тұрғындары өздері тұратын ескі үй опырылып түседі ме деп қауіптенеді. 2 қабатты 4 пәтерлік ғимаратты өз қалталарынан жөндеуге қаражаттары жетпей отыр. Ал тұрғын үйді жаңғырту бағдарламасын пайдалануға ғимараттың аумағы сай келмейді. Әкімдік қызметкерлері бұл нысан апатты үйлер тізімінде жоқ деген мәлімет берді.

Есік-терезелері сықырлап әрең тұрған көне үйдің 100 жылдық тарихы бар дейді тұрғандар. Шатыры шұр-тесік болып, жабындылары шіріп кеткен ғимаратты жөндеуге аз қаражат кетпейді. Мұндай соманы біздің қалтамыз көтермейді дейді тұрғындар. Енді бір күні қабырғалары үгітіліп құлаудың шақ алдыгнда тұрған үй опырылып түседі ме қауіптенеді.

Үй қос қабатты болғанымен жеке тұрғын үй секторы болып саналады. Тұрғын үйде 4 пәтер бар, орналасқан аумақ та тым шағын. Сондықтан мемлекеттік жеке серіктестік бағдарламасы бойынша мердігердің қызығушылығын туғыза қоюы екіталай. Дегенмен тұрғын үйді жаңғырту бағдарламасына қатысуға тілек білдіруге құқықтары бар. Айта кетейік, облыс орталығында 41 апатты көп қабатты тұрғын үй бар. Олардың қиындығы мемлекеттік жеке серіктестік бағдарламасы арқылы шешімін тауып келеді.