түбіртекті талап ет – TDK-42

"Түбіртекті талап ет!" акциясы басталды

Ажар Хамитова — Mon, 28 Feb 2022 12:33:14 +0000

0:00 / 0:00

Орал қаласында "Түбіртекті талап ет!" акциясы басталды. Жоба азаматтық бақылауды көздейді. Яғни, қандай да бір сауда нүктесінен сауда жасаған адамға түбіртек берілмесе осы фактіні құзырлы мамандарға хабарлау керек. Ол үшін ұялы телефонға "WIPON CASHBEK" бағдарламасын көшіріп алу шарт. Осы бағдарламаға түбіртекті бермеген сәтті видеоға түсіріп, жүктеген адамның шотына 1000 теңге көлемінде сыйақы түседі. Өткен жылы аталмыш бағдарламамен 192 шағым қабылданған. Оның 133-і расталыпты. Мемлекеттік кірістер басқармасының мамандары тұрғындарды көлеңкелі экономикамен бірге күресуге шақырады.

Сурет https://qazaly.kz/ сайтынан жүктелді

Түбіртекті талап ет!

Ажар Хамитова — Tue, 26 Oct 2021 12:57:43 +0000

Елімізде "Азаматтық бақылау-түбіртекті талап ет" акциясы басталды. Бұл шараға кез-келген азамат қатыса алады. Егер сауда жасаған кезде, сізге түбіртек бермесе "Wipon Cashbask" бағдарламасына хабарлайсыз. Фискалды түбіртек бермеу фактісі анықталса, өтініш берген азаматтың телефонына 1000 бірлік сыйақы түседі. Бұл акцияның негізгі мақсаты-көлеңкелі экономикаға тоқсауыл жасап, фискалды түбіртек пен төлем карталарын қабылдауды бір ізге салу.

Сурет https://qazaly.kz/ сайтынан көшірілді.

Түбіртекті талап ет те, автокөлік ұтысына қатыс!

Эльмира Рахмешева — Fri, 12 Oct 2018 12:55:04 +0000

БҚО бойынша мемлекеттік кірістер департаменті осындай акция жариялап отыр. Осылайша азаматтар салықтық заңнаманы сақтау бойынша қооғамдық бақылауға қатысып, тұтынушы ретінде өз мүдделерін қорғауда құқықтық мәдениет қалыптастырмақ.

Кез-келген сауда орнында сатушыдан түбіртекті талап етуге әр тұтынушының құқығы бар. Ол азаматтарға өз мүдделерін қорғауда да қажет болмақ. Мәселен, тауар немесе өнімді сатып алып, ол сапасыз болып шықса, қолында түбіртегі жоқ тұтынушының өз құқығын қорғауда дәйегі болмайды. Халықтың құқықтық мәдениетін қалыптастырудың мемлекеттік кірістер департаменті жұмысына да пайдасы зор.

Бас жүлдеге тігілген темір тұлпар ұтысы келе жылы ойнатылады. Акцияға қатысу үшін Wipon мобильді бағдарламасын өзіңіздің ұялы телефоныңызға жүктеп, сатушыдан алған фискальді түбіртектің суретін жіберуі керек.

Ел экономикасының дамуында көлеңкелі бизнеске жол бермеуге атсалысып, сондай-ақ бағалы ұтыс ойнына қатысамын десеңіз "Түбіртекті талап ет!" акциясынан қапы қалмаңыз!