туберкулез – TDK-42

Туберкулезбен ауыратын науқастар азайған

Ажар Хамитова — Thu, 14 Oct 2021 13:02:56 +0000

0:00 / 0:00

Облыста туберкулезбен ауыратын науқастардың саны өткен жылдармен салыстырғанда азайған. Тіпті осы індеттің кесірінен көз жұмғандар саны да әдеуір қысқарыпты. Өткен жылдың тоғыз айында 12 науқас жұқпалы аурудан жан тапсырса, биыл өкінішке орай 7 азамат дүние салған. Дәрігерлер туберкулез індетін тез анықтаудың маңызы зор,- дейді.

Қазіргі таңда туберкулезді емдейтін ауруханада 105 адам ем алуда. Оның жетеуі бала. Дәрігерлер соңғы жылдармен салыстырғанда жұқпалы індеттің тырнағына іліккен науқастардың саны азайғанын айтады.

Қазіргі таңда туберкулезбен ауырған азаматтар ең заманауи дәрі-дәрмектермен емделеді. Егер науқас бірінші рет ауырса 8 ай ем қабылдайды. Ал бастаған еміне салғырт қарап, дұрыс күтінбесе-20 айлық емдеу бағдарламасы қолданылады екен. Ауруханада тіпті дәріге бой бермейтін, ауруы үдеп кеткен науқастар да түрлі ем-дом қабылдауда.

Кок таяқшаларын кез-келген адам жұқтыруы мүмкін. Індетті жұқтырған азаматтың иммунитеті сыр берсе, таяқшалар денеде таралады. . Туберкулез көбінесе өкпені зақымдайды. Кейде, сүйекті, миды да зақымдайтын кездері болады. Өткен жылы бір науқасқа туберкулез-минингит деген диангоз қойылған. Қазіргі таңда науқас емделуде.

Сурет https://gkb8.ru/ парақшасынан жүктелді

Ақпараттандыру ісі ақсап тұр

admin — Tue, 06 Mar 2018 11:46:18 +0000

Туберкулез ауруының асқынуына тұрғындардың өздері кінәлі. Ақхалаттылардың айтуынша, бұқараның 50 пайызға жуығы туберкулез сынды қауіпті дерт жөнінде еш ақпар білмейтін көрінеді. Эпидемиологтар осылайша тұрғындардың өз өмірлеріне қауіп төндіретінін айтып дабыл қағуда. Ақпараттандыру ісіндегі қателік қай жерден кетіп отыр? Неге облысымыз бұл көрсеткіште кенже қалды? Ұлттық ғылыми пракитикалық орталық жүргізген статистика леуметтік сауалнама санитарлық-ағартушылық жұмыстардың әлі де ақсап тұрғанын аңғартады. Бұған ақхалаттылар да алаңдаулы.

Татьяна Новокрещенова
Бқо туберкулезге қарсы диспансердің директорының орынбасары

Елімізде соңғы жылдары туберкулезбен ауру жағдайлары азайды. Қауіпті дерттен көз жұму фактілері 10 есеге дейін қысқарып отыр. Халықты құлақтандыру жұмыстары да үнемі жүргізіледі. Алайда, қиындықтар да жоқ емес. Мәселен Қалаға көшіп келген тұрғындар, емханалаорға тіркелуге асықпайды. Осының салдарынан флюрографияға да түспейді

Бүгінде 21 Медициналық мекемеде туберкулезге қарсы кабинет бар. Қажетті кеңестер де, медициналық қызмет те осы кабинеттерде көрсетіледі. Бұл ауруға шалдыққандардың әрбір үшіншісі туберкулездің ашық түріне шалдыққан көрінеді. Мамандар, туберкулездің алдын алудың басты жолы - вакцинация екендігін айтады. Алайда, өткен жылдың өзінде 100ге тарта нәрестенің ата-анасы сәбилеріне екпе салдырмаған. Дәрігер мамандар енді ақпараттандыру саласын күшейтіп, нақты жұмыстарға көшпек.

ВИЧ пен туберкулездің кәсіпкерлікке нендей әсері бар?

Tue, 13 Feb 2018 06:50:21 +0000

Жаһандық бәсекеге қабілеттілік туралы есепке сәйкес, Қазақстан 2017 жылдың қорытындысы бойынша "туберкулездің таралуы" факторы бойынша 138 елдің ішінен 90-орын алып отыр. Мамандардың айтуынша, бұл көрсеткіш жаман емес. Десе де бұны одан әрі жалғастыруға болады. Соңғы 10 жылда туберкулезге шалдығу жағдайы 2,4 есеге төмендеген. АИТВ (ВИЧ) көрсеткіші де қазақстандықтар арасында 0,2 пайызды құраған. Эпидемиолог мамандар бұл вирустардың кәсіпкерлік саласына әсерінің жоқтығын алға тартады

Оралдық балабақшалардың бірінде қызмет жасайтын медбике туберкулезге шалдыққан

Ажар Хамитова — Tue, 21 Nov 2017 09:48:41 +0000

Орал қаласындағы №46 балабақшада медбике болып қызмет атқарған маман туберкулез ауруына шалдыққан. Медициналық қызметкер қыркүйек айында скрининг тексерісінен өткен. Аталмыш тексерілістен кейін, медбикенің жұқпалы сырқатпен науқастанғаны мәлім болыпты. Бұл туралы Батыс Қазақстан облысы денсаулық сақтау басқармасының баспасөз хатшысы хабарлап отыр. Қазіргі таңда, аталмыш балабақшада тәрбиеленіп жатқан 300-ден астам бүлдіршіннің, 170-сі арнайы екпе алған. Туберкулезбен науқастанған медбике медициналық орталықта қажетті ем-дом қабылдап жатқан көрінеді.