БҚО-ға 7 қаңтарда 5 блокбекет қойылды. Арна тілшілері Орал қаласына кіреберістегі бекетке барып, жұмысымен танысқан еді. Тәулігіне облыс орталығына шамамен 15 мыңдай көлік қатынайтын көрінеді.Тәртіп сақшылары аса сақтықпен көліктерді тексергеннен кейін қалаға кіруге рұқсат береді. Үшінші блокбекет арқылы тәулігіне қатынайтын көлік саны 4 мыңнан асады.Мәселен, бұл көлік Арал қаласынан Оралға бет алған. Үш күннен бері жол жүріп келе жатқан жол талғамайтын көлік иесі облысқа жұмыс сапармен келгенін айтады. Бұдан бөлек Ақжайық ауданы Тайпақ ауылында «Орал Атырау» және «Орал Ақтөбе» шекарасында, Бор тауы аумағыда блок бекеттері бар. Елмізде төтенше жағдай 19-шы қаңтарға дейін созылмақ.

Әзірге Оралдан Алматыға ғана ұшақ ұшпайды. Бұл туралы Орал халықаралық әуежайының әкімшілігі хабарлады. Естеріңізге сала кетеміз, әуе қатынасы облыста кешеден бастап қалыпқа келді.Кеше «Эйр астана» мен «FlyArystan» компанияларының әуе көліктері Нұр-Сұлтан мен Ақтау қалаларына қатынады. Бүгін де аталмыш компанияның ұшақтары тұрғындарға қызмет көрсетуде. Ертең Франфруд қаласына қатынас жанданат.Айта кеткен жөн, су жаңа терминал осы айда қызметіне кірісетін болады. Сонымен қатар, Оралдан Атырауға, одан әрі Түркістан қаласына аптасына екі рет әуе қатынасы ашылады деген жоспар бар. Оған қоса
«SCAT» және «Qazaq Air» ұшақтары сұранысқа байланысты жұмысын бастайды. Кешеден бері темір жол, әуежай жұмысы қалыпты қызметіне көшкендіктен бұл нысандарда да қауіпсіздік шаралары қатаңдатылыпты. Жолаушылар тек толықтай бақылаудан өткен соң ұшаққа жіберіледі. Ал әзірге Алматы қаласына ғана қатынас тоқтап тұр. Бұл мәселе осы аптаның аяғына дейін шешілетін болады.

Сурет ғаламтордан жүктелген.

Күн райы жылынған кезде табиғат аясына барып, отбасылық демалыс ұйымдастыратын жандар бар. Бірақ қазіргі жағдайда вирус таралмасы үшін карантин талаптарын бұзуға болмайды. Бұрынғы әдетке басып, табиғат аясында демалыс ұйымдастырған жандарды құрықтау үшін төтеншеліктер мен полиция қызметкерлері бірлесе рейд шарасын ұйымдастырыпты. Шара барысында орман алқабында өрт жағып, қауіпсіздік ережелерін сақтамаған 2 адам әкімшілік жауапкершілікке тартылған.

Демалыс күндері орманда қауіпсіздік ережесі мен карантин талаптарын бұзған жандарды анықтау мақсатында төтеншеліктер мен полиция қызметкерлері арнайы рейд шарасын ұйымдастырды. Оның нәтижесінде 2 адам орманда өрт қауіпсіздігін сақтамағаны үшін жауапкершілікке тартылыпты. Сала мамандары жалпы карантин талаптарын 800-ден астам адамның бұзғандығын айтады.

Жалпы 2020 жылы Орал қаласында 68 өрт оқиғасы тіркелген. Сала мамандары қызыл жалынның зардабынан биыл екі адам қаза тауып, 5 азамат түрлі жарақат алды,-дейді. Тұрғын үй секторында қауіпсіздік ережесін сақтамаудан қызыл жалын тұтанса, орман алқаптарында от жағудың салдарынан өрт тіркеліп отыр.

Сала мамандары орман алқаптарында өрт болмасы үшін рейд шараларын келешекте де жалғастырмақ.

Бүгінгідей қым-қуыт кезеңде де жергілікті билік пен қайырымды азаматтар қазыналы қариялардан қамқорлықтарын аямауда. Бұл туралы халықтың осал тобына жататын азаматтарға қызмет көрсететін қалалық жұмыспен қамту және әлеуметтік бағдарламалар бөліміне қарасты зейнеткерлер мен мүгедектерге әлеуметтік қызмет көрсету аумақтық орталығы басшылығы мәлімдеді.Сондай қайырымдылық іс-шараларының бірі – оралдық егде жастағы жалғызбасты қариялар мен мүгедектерге дайын ыстық тамақ тарату акциясы. Бұл игілікті істі Орал қалалық әкімдігі мен «Nur Otan» партиясы Орал қалалық филиалының қолдауымен   және жергілікті кәсіпкерлер ұйымдастыруда. Ұйымдастырушылар осы жылдың 16 сәуірінен бастап  шаһардағы 70 жастан асқан 200-ге жуық жалғызбасты қариялар мен мүмкіндігі шектеулі жандарға ыстық тамақ таратуда.Дайын ыстық тамақ тарату шарасын санитарлық қауіпсіздік талаптарына сәйкес кәсіби курьерлер жүргізуде. Шараны ұйымдастыру барысында тазалыққа үлкен мән беріледі. Ал мемлекет тарапынан көрсетілдген көмек үшін ардагерлердің алғыстан басқа айтары жоқ.Облыс орталығында бұл қызмет түрін алушылар саны – 896 адам. Олардың ішінде жалғызбасты зейнеткерлер мен мүгедектер – 774, сонымен қатар мүмкіндігі шектеулі балалар – 78, психоневрологиялық аурулары бар  18 жастан асқандар – 44. Оларға қызмет көрсететін 120 әлеуметтік қызметкер жалғызбасты қарттарға үйлерін тазалауға, тамақ дайындауға, дәрі- дәрмектерін әкеліп беруге, коммуналдық төлемдерді төлеуге жәрдемдесіп, денсаулықтарын тексеріп тұрады.Айта кеткен жөн  төтенше жағдайларға қарамастан әлеуеметтік төлдемдер кешіктірілмейді.

20-шы сәуірден Орал қаласында карантин талаптары тағы да күшейтілмек. Енді оралдықтардың талаптарды сақтауы үшін арнайы рейд шаралары ұйымдастырылады. Сала мамандары қалада жұмыс жасайтын қызметкерлер стопковид сайтында тіркеуден өтуі тиіс,-дейді.

Сәуірдің 20-сынан бастап облыс орталығында карантин талаптары күшейтіледі. Талаптардың сақталуы үшін полиция қызметкерлері арнайы рейд шараларын ұйымдастырады. Қазірдің өзінде төтенше жағдай режимін бұзған азаматтар әкімшілік жауапкершілікке тартылуда.

Күшейтілген карантин жағдайында азаматтардың без -берекет көшеде жүруіне болмайды, тек үйінен жұмысқа баруына рұқсат. Жұмыс демекші, "стопковид" сайтына тіркелген мекемелер ғана төтенше жағдай қызметін жалғастыра алады.

Төтенше жағдай талаптарын сақтамаған жандар 476 бабы бойынша жауапкершілікке тартылады.

Коронавирус пандемиясына байланыста Қазақстан Республикасы аумағында төтенше жағдай енгізілуіне орай БҚО өңірлік коммуникациялар қызметі алаңындағы брифингте жергілікті атқарушы органдар тарапынан қабылданған іс-шаралар мәлімделді. Сала мамандары төтенше жағдайдың енгізілуіне орай белгіленген талапты орындамағандарға айыппұл салынатынын атап өтті.БҚО тауарлар мен көрсетілетін қызметтердің сапасы мен қауіпсіздігін бақылау департаменті басшысы Мұхамғали Арыспаевтың айтуынша, облыстағы эпидемиологиялық жағдай тұрақты. Аурушаңдық жағдайлары тіркелген жоқ. Коронавирустық инфекцияның таралуының алдын алу мақсатында шет елден келгендерге тәулік бойы мониторинг жүргізілуде. Қазіргі уақытта 89 адам бақылауда. Оның ішінде 1 «А» санатында - алты, 1 «Б» санатында - 50, 2 санатта - 30, 3 санат бойынша - 2 адам қадағалауға алынған. Корнавирустық инфекцияға лабораториялық зерттеу жүргізу үшін Ұлттық сараптама орталығының БҚО филиалында қажетті барлық жабдықтар бар. Төтенше жағдайдың енгізілуіне орай облыс аумағында және Орал қаласында төтенше жағдай режимін қамтамасыз ету жөніндегі штаб құрылып, жұмысын бастады. Орал қаласының әкімі Абат Шыныбеков атап өткендей, тұрғындардың қауіпсіздігін қамтамасыз ету мақсатымен төтенше жағдай режиміндегі жұмыс кестесіне сәйкес барлық мемлекеттік органдар мен кәсіпорындар күшейтілген режимге көшкен.Қала бойынша 80 сауда үйі, 22 базар, 117 мейрамхана, 213 кафе және 26 филиалы бар 11 әмбебап-дүкен бар. Сонымен қатар 653 азық-түлік дүкені, 25 шаруашылық дүкені, 15 фитнес клубы, 5 түнгі клуб бар. Осы шағын және орта бизнес нысандарының иелеріне ескерту хаттары жолданды. Санитарлық-эпидемиологиялық қызметтің талабына сәйкес әр екі сағат сайын санитарлық-дезинфекциялау шараларын жүргізуде. Қала аумағында 21 базардағы санитарлық-эпидемиологиялық қауіпсіздікті қамтамасыз ету үшін тиісті құрылымдық бөлімшелер және жергілікті атқарушы орган өкілдері арнаулы жұмыстар жүргізуде. Қауіпті індет базардағы бағаға да әсер ете бастағандай. Мәселен, күні кеше 100 теңгеге саудаланған картоптың бағасы бүгін 150-170 теңгеге жетіпті. Ал қант сауда сөрелерінде мүлде жоқ.
Осы мәселеге байланысты БҚО кәсіпкерлік және индустриалдық-инновациялық даму басқармасының басшысы Ернар Бекетов түсінік беріп, бұл жайт қазіргі уақытта тексеріліп жатқанын жеткізді.Облыс аумағындағы баға тұрақтылығын қамтамасыз ету жөнінде апта сайын тұрақты мониторинг жүргізіп келеді. Енді күнделікті мониторинг жасауды қолға алдық. Сауданы жүзеге асыратын барлық мекемелерге арнайы ескерту хат жіберілді. Егер бағаның негізсіз өсуі анықталатын болса, нақты шаралар қабылданатын болады. Бағаның межеден арттырғандарға 100 АЕК көлемінде айыппұл салынады. Қазір облыс бойынша әлеуметтік маңызы бар тауарлар өндірісінің балансы жасақталды. Негізгі әлеуметтік маңызы бар тауарларға тапшылық жоқ. Республиканңы басқа да өңірлерімен тығыз байланыс ұстап отырмыз. Оларда артығымен өндірілетін өнімдерді біздің өңірге жеткізу мәселесі пысықталуда.Нақтырақ айтқанда, ірі сауда нысандары 10.00-ден 18.00-ге дейін жұмыс жасауы керек. Сондай-ақ санитарлық шаралар күшейтілуі тиіс. Азық-түлік дүкендері, супермаркеттері, базарлары және автокөліктерге жанармай құю бекеттері мен медициналық тауарларды тарататын нысандар әдеттегі режимде жұмыс жасайды. Дегенмен, санитарлық және дезинфекциялық шаралар күшейтілуі керек. Нан және кондитерлік өнімдер қапталған күйде ғана сатылады. Бұдан бөлек жайма базарлардың жұмысы 11.00-ден 17.00-ге дейін, кафе-мейрамхана және қоғамдық тамақтану орындарының жұмысы 22.00-ге дейін шектеледі. Төтенше жағдайдың енгізілуіне орай бекітілген талапты орындамағандар 10 АЕК көлемінде айыппұл төлейді немесе 15 тәулікке қамаққа алынбақ.

Орал қаласында пиротехниканы заңсыз саудалаған  нысаны анықталды. Заң бұзушылық мереке қарсаңында төтеншеліктер мен полиция қызметкерлері өткізген рейд барысында тіркеліп отыр. Сала мамандары жаңа жылдың ерекше символына айналған от шашуларды қолдану барысында қауіпсіздік ережесін есте сақтау керектігін ескертеді.

Жаңа жыл мерекесін тойлауды от шашусыз елестетудің өзі қиын. Осы от шашу көптеген мерекелік кештердің көркін келтіргені мен одан келетін қауіп те аз емес.

Мереке қарсаңында төтенше жағдай департаментінің мамандары полиция қызметкерлерімен бірлесе отырып пиротехника сататын орындарды тексеру мақсатында рейд шарасын ұйымдастыруда. Шара барысында қауіпті тауардың сақталуы мен оның сапасы тексерілген болатын. Қаламыздағы бір дүкенде пиротехниканы сатып заңдалаған дерек те тіркеліп отыр. Заңсыз саудамен айланысқан нысанның иесіне айыппұл салынған.

Жаңа жылдың көркін келтіретін от шашуды арнайы дүкендерден сатып алу қажет. Ал, сауда нысандарында пиротехниканың құжаттары болу керек.  Сатушылар от шашуды қалай қолдану керектігін айтып, түсіндіру жұмыстарын жүргіземіз,-дейді.

Сала мамандары мереке күндері төтенше жағдай болмас үшін қарапайым қауіпсіздік ережелерін сақтау керектігін еске салады.