Бәйтерек ауданына қарасты Махамбет ауылының тұрғыны Болат Бекмурзиев 4 жылдан бері гемодиализдің көмегімен өмір сүріп келеді. Бірінші топтың мүгедегін жары сүйемелдеп жүреді. Махамбет ауылының тұрғыны жеке көмекшілерге төленетін төлемақының ауылдық және қалалық жерде әртүрлі берілуіне көңілі толмайды.

55 жасар Болат Бекмурзиев 4 жылдан бері бүйрегі сыр беріп, гемодиализдің көмегімен күн көріп жүр. Науқасқа жары көмектеседі. Ер адам осы жеке көмекшілерге төленетін ақының әртүрлі болатынына қапалы.

Сала мамандары жеке көмекшіге қаржы тек сегіз сағаттан аспайтын, жұмыс күндеріне төленеді,- дейді. Яғни, жеке көмекші науқасты емханаға, дәріханаға, мәдени нысандарға алып барса ғана ақысы төленеді. Ай сайын жеке көмекшілер атқарылған жұмыстың актісін тапсырып, есеп беруі тиіс.

Мамандардың келтірген мәліметіне сүйенсек, қазіргі таңда БҚО-да 1400 астам бірінші топтың мүгедегі жеке көмекшінің қызметін алады. Еліміз бойынша жеке көмекшінің науқасты сүйемелдеп жүруі үшін сағатына 358 теңге төленеді. Бұл тариф барлық жерде бірдей.

Сурет ғаламтордан жүктелген

«Батыс Су Арнасы » мемекесінің мамандары салқын су мен кәріз жүйелері қызметіне берешегі бар тұтынушылардың есігін қағу әдетке айналдырып келеді. Циолковский шағын аудандағы мына пәтер иесі коммуналдық төлемге 80 мың теңге қарыз. Бірақ, төлеуге асығар емес. Тексеріске шыққандарды қала тұрғыны жылы қабылдай қоймады. Қала тұрғындарының су мен кәріз қызметі үшін дебиторлық берешегі - 380 млн теңгеге жеткен. "Батыс Су Арнасы" ЖШС -гі бұған дейін борышкерлерге аталған қызметтерден ажырату түріндегі шара қолданып келгенімен, бұл да оң нәтиже бере қоймаған. Сондықтан кәсіпорын енді қарызын қайтарудан жалтарғандардың мүлкін тәркілеуге кіріспек ниетте.Биылғы жылы жауапты мекеме тарапынан 480-ге жуық атқарушылық сот өндірісі қозғалғанымен, 2019 жылдың 11 айында борышкерлер 113 млн. теңге берешек көрінеді.