Орал қаласы Северевосток 33 үйдің тұрғындары төбеден аққан суды қайда жіберерлерін білмей отыр. Қазір қыс мезгілінде төбедегі қардың мөлшері де көп.Көктем мен күзде соның кесірінен төбеден аққан қар суы үйді алып кетеді деп отыр тұрғындар.Әсіресе 5 қабатта тұрып жатырғандар көктемде үйіміз түгел суға толып қала ма деп уайымдайды.

Бұл төртінші қабаттағы пәтер.Соның өзінде төбеден кеткен су үйдің сықпытын алып тұр.Қыстың ішінде осындай болып тамшылып тұрған су, ертең көктемде төбемізден шелектеп ағады деп отыр тұрғындар.

Менің үйім төртінші қабатта. Бесінші қабаттағы көршінің жағдайы тіпті қиын. Өздеріңіз көріп тұрсыздар, үйдің ішін ылғал алып кеткен.Құдды бір жаңбыр жауып тұрғандай сарылдап ағады.Қазір қатып жатыр, ертең күн жылынса не болады, төбенің қарын ешкім тазаламайды.

Ал бұл енді бесінші қабаттағы үйдің көрінісі.Төбеден аққан судан бірінші болып зардап шегетін осы бесінші қабаттың тұрғындары.Үйдің төбесінен аққан су барлық жерді ластаған.

Көріп тұрсыздар ғой, төбеден аққан судың кесірінен үйіме жөндеу де жүргізе алмаймын.Төбеден аққан судан зардап шегіп отырмыз. ПИК - не айтып - айтып шаршадық. Енді кімге айтарымызды білмейміз

Тұрғындар "Төбенің қары да уақытылы тазаланбайды деп шағымданады, төбеден аққан мұздар сол күй тұр, ешкім алмайды",- деп налиды зейнеткерлер. Ал осы үйге жауапты "Управдом" ПИК болса, былай дейді.

Біз тұрғындарды тұрғын үйлерді жаңғырту бағдарламасына қатысып үйдің төбесін жөндетуге шақырамыз.Ол жөнінде жұмыстар жасайтын боламыз, ал қар мәселесіне келсек қар уақытылы тазаланып тұрады, тек соңғы жауған қар өте көп болды, аздап еріп төбеден кетіп жатырған болар, біз қарды уақытылы тазалап тұрамыз, дәл қазір үйдің төбесі құрғақ.

Төбесінен су кетіп тұрған бірнеше үй тұрғын үйлерді жаңғырту бағдарламасы арқылы төбелерін жаңартқандарын білеміз.Осы үйдің тұрғындары үшін де сол бағдарламаға қатысу тиімді болар еді.