Өкінішке орай, Қазақстанда жыл сайын 12 мыңнан астам өрт орны алып, салдарынан 400-ден астам адам қаза табады. Төтеншеліктердің ұсынып отырған статистикасы осындай. Күн суытып, жылу беру маусымы басталып та кетті. Осы мерзімде сақтық шараларын қатаң бақылауда ұстау керек дейді мамандар.

Төтеншеліктердің айтуынша, газды дұрыс пайдаланбаудың кесірінен жыл сайын 30-дан астам адам уланып көз жұмады. Ескірген және жарамдылық мерзімі өтіп кеткен баллондарды пайдалану жиілеп кеткен.

МАРАТ КҮЛДІКОВ - ҚР ТӨТЕНШЕ ЖАҒДАЙЛАР МИНИСТРІНІҢ ОРЫНБАСАРЫ «Жылу беру кезеңіндегі күрделі мәселенің бірі – тұрмыстық газды пайдалану. Көбінесе, бір пәтерде газ баллонын дұрыс пайдаланбау және оны сақтау көрші пәтердегі адамдарға қауіп төндіреді. Тұтынушылардың көпшілігі, әдетте, баллондарын жақын маңдағы жанармай құю бекеттерінде толтырады. Алайда, заңға сәйкес жанармай құю бекеттерінде тұрмыстық баллондарды толтыруға тыйым салынады, бұл газбен жабдықтау жүйелерінің қауіпсіздік талаптарын бұзу болып табылады»

Вице-министр жылдың 10 айындағы статистикалық деректер бойынша, жатақханаларда 22 өрт тіркеліп, 6 адам қаза тапқанын айтады. 106 мыңнан астам отбасын өрт қаупсіздігі бойынша есепке алды. Төтеншеліктер, жылыту кезеңінде халықтың әлеуметтік осал санаттарына ерекше назар аударатындарын айтады. Жылдағы дәстүр бойныша, өрт қауіпсіздігіне қатысты рейдтер жүргізіліп, үйлерді аралап тұрады. Алайда, кемшілік анықталған үйлерге айыппұл салып жатқан жоқ.Тек ескертумен шектеледі. Бірақ осы ескертудің өзін елемегендер, кейін опық жеп жатады.

Жылыту маусымында  жеке тұрғын үй секторларында өрт қауіпсіздігін сақтау аса мыңызды. Осы орайда қалалық төтенше жағдайлар басқармасы мен  «Казтрансгазаймақ» АҚ өкілдері бірқатар мекенжайларда болып  үй иелеріне түсінік шараларын жүргізді. 9 ай ішінде қала аумағында тұрғын секторда 26  өрт тіркелді. Бір қуантарлығы  тілсіз жаудан зардап шеккендер тіркелмеген. "Сақтансаң сақтармын"- демекші сала мамандары  тұрғын үй иелерімен тілдесіп, түсіндірме шараларын жүргізді. Өрттің негізгі себептері - электр жабдықтарын монтаждау және техникалық пайдалану ережелерін бұзу, тұрмыстық электр құралдарын пайдалану кезінде, пештерді орнату және пайдалану кезінде өрт қауіпсіздігі ережелерін бұзу, отты абайсыз пайдалану, төсекте темекі шегу, пеште дайындалатын тамақты бақылаусыз қалдыру және балалардың отпен ойнауы болып табылады. Сол себептол себепті мамандар сақтық шараларын алдын алу аса маңызды дейді. Мұндай шаралар алдағы уақытта үздіксіз өткізіліп тұрмақ.