Биыл БҚО 3 адам темір жол рельстерінде мерт болды. Қайғылы жағдайдың екеуі Орал-Желаев бағытында болса, біреуі Бөрлі ауданына қарасты "Қазақстан" станциясында тіркелген. Облыс көлемінде қайғылы жағдайдың санын азайту мақсатында сала мамандары арнайы рейд шарасын ұйымдастырып келеді. Десек те, темір жол рельстерінен өтіп, күнде жұмысқа қатынап жүрген жандардың азаймайтыны рас. Ереже бойынша рельсті кесіп өтуге тыйым салынғандықтан, азаматтар тек арнайы белгіленген жерлерден өтуі тиіс. Бірақ, облыс орталығындағы темір жол тораптары тұрғын үйлерге жақын орналасқан. Ал, арнайы белгіленген орындардың саны аз, әрі олар үйлерге қашық. Сала мамандары темір жол рельстерінде қайғылы жағдайға тап болмас үшін, сақтық шараларын есте сақтауға шақырады.