Темір Масин көшесі бойында салынып жатырған тынымбақтың жалпы аумағы 2,5 мың шаршы метрді құрайды. Аталмыш тынымбақ жергілікті меценат, облыстық маслихат депутаттарының бірінің қаржыландыруымен жүзеге асуда. Жалпы бұл жобаның құны 34 млн теңгені құрап отыр.

Тамыз айының соңында басталған құрылыстың бүгінде 70% орындалған. Жұмыс барысы алдын-ала бекітілген сызбаға сәйкес жүргізілуде. Сонымен қатар, қала тұрғындарының тыныштығын қамтамасыз ету мақсатында тынымбақ іші жарықтандырылып, бейне камералар орнатылатын болады.

Жалпы, шахарымызда қала күні қарсаңында осындай екі демалыс орындары пайдалануға берілген болатын. Оның бірі "Ет комбинаты" ауданында, ал екіншісі "Евразия" даңғылында орналасқан.