"Саламатты Қазақстан" медициналық пойызы Бәйтерек ауданына қарасты Переметный станциясына тоқтады. Дәрігерлер 2 күн бойы ауыл тұрғындарының денсаулығын тексереді.

Переметный ауылының тұрғындары бұл күнді асыға күтті. «Саламатты Қазақстан» медициналық пойызын ауылдық ағайын құшақ жая қарсы алды. Дүйім жұрт темір жол станциясында ақ халатты дәрігерлерге ақ ұсынып, құрмет көрсетті. Облыс әкімінің орынбасары аймақ басшысының алғыс хатын табыстап, дәрігерлерге ризашылығын білдірді.

Салтанатты жиыннан соң дәрігерлер бұқараны қабылдай бастады. Тұрғындар кезекке жазылып, ақ халатты жандардың қабылдауына асықты.

Игі жоба 2013 жылы басталды. Жыл сайын медициналық пойыз еліміздің шалғай ауылдарындағы ағайынның саулығын тексеріп, тиісті ем-дом тағайындайды. Білікті дәрігерлерді ауыл тұрғындары тағатсыздана күтеді. Осы пойызда анализ тапсырып, 40 минуттың ішінде қорытындысын алып, дәрігерден ем-шараны қабылдауға болады. Қазіргі таңда «Саламатты Қазақстан» пойызында 28 ақ халатты жұмыстанады. Медициналық пойыздың бас дәрігері ауылдық жерде ультра дыбыстық зерттеуден өтеуге деген сұраныс көп,-дейді. Ал травмотолог дәрігер шағын ота жасай алады. Сонымен қоса, балаларды мектеп пен балабақшаға қабылдауда қажет «Денсаулық төлқұжаты» үшін арнайы медициналық тексерістен өткізу қызметі де жұмыс істейді.

Дәрігердің қабылдауына келген халықтың қарасы қалың. Олар білікті дәрігерлерден кеңес алғандарына дән риза.

Биыл «Саламатты Қазақстан» медициналық пойызында азаматтарға құқықтық көмек көрсету де қолға алыныпты. Пойызда заңгер мен медиатор да жұмыс істейді. Олар БҚО аумағындағы станцияларда 400-ге жуық тұрғынға құқықтық тұрғыда жәрдемдескен.

«Саламатты Қазақстан» пойызы 13 шілдеге дейін батысқазақстандық тұрғындарды қабылдайды. Кейін медициналық отарба Қостанай облысына жол жүрмек.

Өткен аптада балалар алаңдардында қатарынан үш оқыс оқиға болып, елді алаңдатқаны барлығына аян. Олардың екеуі әткеншектерге саусақтарын қысып, буындарынан айрылса. Ал үшіншісінің үстіне футбол қақпасы құлап бақилық болған еді. Осындай оқиғаларды қайта болдырмау мақсатында «Басты мақсат - қауіпсіздік» атты қала аумағындағы ойын алаңдарында тексеріс жұмыстары жүргізілді. 

Өткен аптада ойын алаңдарында болған жазатайым оқиғалар көпшіліктің жағасын ұстатқанды. Алаңсыз ойнап жүріп саусақ буындарынан айрылу, ең сорақысы бала өмірінің қиылуы әрине бей-жай қарайтын жағдай емес. Осындай жайттардың алдын алу мақсатында қоғамдық кеңес мүшелерінен құралған топ қала ішіндегі «Орал» спорт клубына қарасты балалар алаңдарына тексеріс жұмыстарын жүргізді.

Қоғамдық кеңес төрайымы Ляна Тұрсынованың балалар алаңдары туралы ойы мынадай:
«Ең алдымен біздер бұл алаңдардың қай мекеменің балансында екендігін анықтап, кейін қашан қолданысқа берілгендігі және жөндеу жұмыстары қай уақытта өткізілгендігі туралы ресми ақпараттармен таныстық. Содан соң алаңдардың сапасын тексеруге кірістік. Бүгінгі тексеріс барысында біраз олқылықтарды анықтадық. Бұл ойын орындары мүлдем балалардың қолдануына лайықты емес. Төсемелерінің сапасы сын көтермейді. Тіпті қарапайым футбол қақпалары мен баскетбол сақиналарының торлары орнатылмаған»

Ал балалар алаңдарына жауапты «Орал» спорт клубының жетекшісі болса нысан үнемі бақылауда екендігін алға тартып отыр. Оның айтуынша, жөндеу жұмыстары керек болған жағдайда бірден жасалады екен. Және алаңдардың балалар өмірі үшін қауіпті күйге енуі сол жерде ойнап жүрген бүлдіршіндердің кінәсінен,- дейді ол. Сондай-ақ алаңдарды қайта жаңғыртуға қазіргі мезетте қаражат жоқ екендігін де тілге тиек етті.

Әрине, алаңдардың тексеріліп, қалыпқа келтірілуі жақсы іс. Тек мамандардың осындай жазатайым оқиға болғаннан кейін ғана  әрекетке көшетіні әттеген-ай дегізеді.

Орал қалалық мәслихат депуттаттары мен «Ақжайық адалдық алаңы» мониторингтік тобының мүшелері жаздай салынған жолдардың сапасын тексерісуге кірісті. Басты мақсат қазынадан қыруар қаржы бөлінген нысанның сапасын тексеріп, анықталған олқылықтарды түзету. Жолдың сапасын білек сыбана тексеруге кіріскен топ ұзындығы 1 шақырым 800 метрді құрайтын Әлия Молдағұлова көшесіндегі тас жолды қарап шықты.

Бұл-Петровский мен Асан Тайманов көшелерімен қиылысатын Әлия Молдағұлова көшесі. Оның ұзындығы 1,8 шақырымды құрайды. Биыл аталмыш көшенің тас жолы жөнделген болатын. Бұл үшін қазынадан 700 млн теңгедей қаражат бөлінді.

Қалалық мәслихаттың депуттары мен «Ақжайық адалдық алаңы» мониторингтік тобының мүшелері биыл жөндеу көрген жолдардың сапасын тексере бастады. Сала мамандары жолдың тегістігінің, оның қалыңдығын тексеріп, стандарттарға сәйкестігін қарап шықты.

Сала мамандары биыл салынған тас жолда еліміздің жол салу стандарттарына сәйкес келмейтін олқылықтар табылғанын айтады.

Бір көшенің жолын қыруар қаржыға жөндеген мердігер компания өкілдері жөндеу жұмыстары барысында барлық талаптар сақталып, қымбат әрі сапалы технология сақталды,-дейді. Мердігер компания үш жылдың ішінде көше жолының кем-кетігін өз есебінен түзетуі шарт. Жол салған компания Әлия Молдағұлова көшесінің тас жолы сапасы жағынан 10 жыл бойы қызмет жасауы керек деп отыр.

Биыл құрылыс жұмыстары аяқталуы тиіс тас жол қабылданбапты. Келесі жылы жол салған мердігер компания олқылықтарды өз есебінен түземек. Ал, мониторингтік топ пен қалалық депуттаттар жаңадан салынған жолдың сапасын тексеруді келешекте де жалғастыра бермек.

Қазіргі таңда адам тасымалдаумен айналысатын су көліктеріне қойылатын талап көп. Яғни, көлік су айдындарында жолаушыларды тасымалдамастан бұрын, бірінші кезекте техникасын тиісті тексерістен өткізіп, құжаттарын жинақтауы шарт. Сондай-ақ, мамандар құтқаруға арналған кеудешемен құтқару шеңберіне де назар аударуы керек.

Аталмыш талаптардың баршасын орындаған су көліктері ғана жолаушы тасымалдай алатын мүмкіндікке ие. Бүгінгі таңда қала көлемінде 2 кеме адам тасымалдайды. Су көлігінің капитаны техниканы күтіп ұстап, жыл сайын жаңарту жөндеп отырса, ұзақ қызмет жасайды,- дейді. Аталмыш техника 250 адамға арналған. Алайда, мамандар 50 азаматты тасымалдауға рұқсат беріпті.

Сала мамандары өткен жылы су айдандарында апат орын алмағандығын айтады. Алайда, суда техниканы тізгіндейтін мамандар мен қарапайым жолаушылар қауіпсіздікті сақтауға келгенде салғырттық танытатындығын айтады. Яғни, кейбір азаматтар құтқаруға арналған кеудешелерді кимейтін көрінеді. Егер аталмыш факті анықталса, қауіпсіздікке салғырттық танытқан жандардың баршасы жауапкершілікке тартылып, айыппұл арқалайды.

Орал қаласындағы Чапев атындағы шығанаққа мұнай өнімі төгілген.Бұл БҚО Экология департаментінің жүргізген зертханалық сынағынан кейін белгілі болып отыр. Естеріңізге сала кетейік, 13 сәуір күні Чапаев атындағы шығанақта су бетінде белгісіз дақ пайда болды деп барлық қызмет дүрліккен болатын.Қазір сынама нәтижесі шыққан.Енді ары қарай не болады, табиғатты ластағандар жазалана ма.

Орал қаласындағы Чапев атындағы су  қоймасынан мұнай өнімі табылды. БҚО Экология департаментінің зертханасында жасалған сынама нәтижесі дайын.Қазір БҚО ПД тергеу тобы қылмыстық іс қозғап, сотқа дейінгі тергеу амалдары жүріп жатыр.Оқиға 13 сәуір күні болды. Судан арнайы сынама да алынған. Сол сынама нәтижесі бойынша су бетіндегі мұнай өнімі 6 есеге көп екені анықталан.Қазір  су қоймасы маңайында алты мекеме жұмыс жасап тұр.БҚО экология департаменті мен полиция департаменті кеме жөндеу кәсіпорыны аумағындағы 6 мекемеге қатысты жоспардан тыс тексеру жұмыстарын бастады.Себебі суға мұнай өнімін кім жібергені белгісіз.Ешкім өз еркімен мойындамай отыр. Арнайы тексеріс жұмыстары 10 күнге жоспарланған.10 күндік тексерістен кейін кінәлі тұлға анықталады.Кінәлі тұлға анықталғаннан кейін табиғатқа келтірілген залал есептеліп, кінәлі тарап жауапқа тартылатын болады.

БҚО "Автобус" жедел - профилактикалық іс шарасы басталды.17 қаңтар мен 19 қаңтар аралығында полиция қызметкерлері барлық автобустар мен жолаушы тасымалымен айналысатын жеке тасымалдаушыларды тоқтатып тексеретін болады.Жолдағы қауіпсіздік пен адам өмірін қауіптен сақтау мақсатында ұйымдастырылып отырған шара барысында барлық көліктер тексерілетін болады.Тексеріс барысында жүргізушінің құжаттары, рұқсатнамалары көліктің барлық талапқа сай болу мәселесі жіті қаралады дейді инспекторлар.

"Автобус" жедел - профилактикалық іс шарасы 17 - 19 қаңтар аралығында өтеді.Осы күндері облыс аумағында жолаушы тасымалымен, жүк тасымалымен айналысып жүрген барлық көліктер тоқталып тексерілетін болады.Рейдтің алғашқы күні - ақ "Мерседес" маркалы автокөлік тоқтатылып, тексеріс барысында бірнеше әкімшілік құқық бұзушылықтар анықталды.
Белгілі болғандай Рубеж - Орал бекетінде тоқтатылған автокөлік Шымкент қаласына қарай бағыт алған.Автокөлік салонында Өзбекстан азаматтары екендігі де анықталды. Жүргізушіге қатысты әкімшілік кодекстің 3 бірдей бабы бойынша хаттама толтырылды.Жүргізуші жолаушы тасымыалында олардың қауіпсіздігін ескермеген, яғни белдіктер тағылмаған, одан басқа көлікте басқа жүргізушінің болмауы, әрі қосымша орындықтардың орналастырылуы секілді құқық бұзушылықтар анықталды.
Былтыр қоғамдық көліктердің қатысымен 11 жол - көлік оқиғасы тіркелген. Соның ішінде 7 адам қаза тауып, 15 адам түрлі дене жарақатын алған.Осындай қайғылы оқиғалардың алдын алу мақсатында полиция өкілдері тұрындарға төмендегідей ескерту айтады.
Автобус жедел профилакатикалық шарасы 19 қаңтарға дейін жалғасады.

Өрт қауіпсіздігін сақтау мақсатында өткен шараға қоғам белсенділері, блогерлер мен ТЖД-нің қызметкерлері қатысты. Айта кетейік, қаламыздағы ең үлкен сауда орындарының бірі -"Сити центрда" бүгінгі күнге дейін өте ауқымды жұмыс жүргізілген болатын. Соның арқасында анықталған кемшіліктер толықтай жойылып отыр.

Кемереводағы жайттан соң ата-аналарды ойын-сауық орталықтарының қауіпсіздігі қатты алаңдата бастады. "Сити центр" ойын-сауық орталығына бас сұққан белсенділер мен блогерлер кемшіліктердің жоқ емесін айтты. Бүгінгі күні өткізілген тексерісте осы олқылықтардың орны толтырылғаны аңғарылды. Нысанның барлық қабатын блогерлер мен ТЖД, қоғам белсенділері мен БАҚ өкілдері аралап, тексеріп шықты.

Осыған дейін департаментпен жүргізілген тексеріс кезінде көптеген сауда нысандарында төтенше жағдайда шығу есіктері қарастырылмағаны және өрт сөндіру жүйесінің дұрыс жұмыс жасамауы айтылған болатын. Облыс бойынша 55 ойын-сауық орталығы тексерілген. Бұл жолы комиссия "Сити центрда" ешқандай кемшілік жоқ деген тоқтамға келді.

"Ескертуден нәтиже шығарған "Сити центр" ойын-сауық орталығында атқарылған ауқымды жұмыс өзгелерге үлгі боларлықтай",- дейді мамандар. "Қауіпсіздік маңызды" деп аталатын аталмыш эстафета өзге нысандарға жолданып отыр.

Кәсіпкерлер палатасының облыстық филиалына сауда орталықтары мен мектепке дейінгі мекеме өкілдері жиналды. Ең алдымен осы нысандар жіті тексерілмек. Төтенше жағдайлар департаменті мамандарының айтуынша, бұндай тексеріс соңғы рет 2009 жылы Перьмдегі өрттен кейін болыпты. Кемеровтағы қайғылы оқиға да елімізге үлкен әсерін тигізгені рас. Халықтың көп жиналатын орындары осы жағдайдан соң ерекше назарға алынып, қауіпсіздік шаралары қадағаланады. Тексерістер кәсіпкерлердің төтенше шараларға миллиондап ақша жұмсағанын көрсетеді. Алайда, қызмет көрсету мекемелері «жатқан жыланның құйрығын баспай», бұған салғырт қарап отырғанға ұқсайды.

Ерлан Төрегелдиев, БҚО ТЖД басқарма басшысы

Сауда үйінің басшысы қызмет көрсету мекемесіне хабарласып маман қажет екенін айтады. Алайда оған кешіріңіз, уақытымыз жоқ, қазір тексеріс көп, ертең келейік, түсқайта келейік деген жауап қайтарады. Алайда бұл уақыт күттірмейтін, өмірлік маңызы бар мәселе.

Ал ең көп кездесетін қателік - бұл эвакуациялық есіктердің жабық болуы, автоматты жүйедегі, электр сымдарындағы ақаулар.

Ерлан Төрегелдиев, БҚО ТЖД басқарма басшысы

Эвакуациялық есіктердің жабық болуына байланысты көп ескерту берілді. Бұл кбарлық сауда үйлеріне қатысты мәселе. Жұмыс барысымен жабылып қалған қосымша есіктеп мәселесі түсінікті, алайда кейбір мекемелерде бұндай есіктер үнемі жабық тұрады.

Ақсай шаһарының кәсіпкерлері палатаға аудандық орталықтағы сумен жабдықтауға байланысты өз шағымдарын білдірді. Құбырдағы қысымның шамасы өрт сөндіруге арналған жабдықтарға жетпейтін көрінеді. Палата басшысы аймақты тексеріп, ақауларды тізбектеп, арнайы акт толтыруға кеңес берді.Қауіпсіздік бойынша тексерістер ашық өтеді. Кәсіпкерлердің өздері де бүгінде бұдан қорытынды шығарып, керекті жұмыстарды бастап кеткен.

Лариса Туктамышева, "City center" сауда, ойын-сауық кешенінің меңгерушісі
Аздаған ақаулар анықталды. Олардың барлығы да жойылды. Сити центрдің өрт жағдайына қауіпсіздігінің жоғары деңгейде екенін жеткізгім келеді. Бұны тжд мамандарының атап өтті. Жүйе ақаусыз, қауіпсіз түрде қызмет атқаруда.

Аталмыш тексерістер нәтижесінде қаладағы екі сауда үйдің басшыларына 10 айлық есептік көрсеткіш көлемінде айыппұл салынған.