Батыс Қазақстандықтар "Таза Қазақстан" акциясына ат салысты. Орал қаласының өзі және облыстың барлық аудандарының халқы жұмыла еңбек етіп, барлық су қоймаларының жағалауын қоқыстан тазалауға кірісті."Таза Қазақстан" акциясына Орынбор қаласынан келген қонақтар да ат салысты.Акцияның бірінші аптасында Батыстықтардың белсенділігі өте жоғары болды."Таза Қазақстан" акциясына БҚО әкімі Ғали Есқалиев өзі бастап шықты.Жайық өзенінің жағасында тазалық жұмыстарын жүргізгендердің қатарында Орынбор қаласынан келген экспедиция мүшелері де бар.БҚО -ның барлық су қоймалары мен өзен - көлдерінің жағалауларын тазалу жоспарланып отыр.Акцияның алғашы күні БҚО бойынша 19 мың адам ат салысып, су жағалауларын қоқыстан тазартты.
"Таза Қазақстан" акциясына 114 бірлік арнайы техника жұмылдырылған.Және барлық кәсіпкерлік нысандары, базарлар ат салысып отыр.Әр мекемеден жиналған белсенділер Жайық, Деркөл, Шаған өзендерінің жағалауларын қоқыстан тазартты.Жайық жағалауын тазалау жұмыстарына ірі кәсіпкерлік нысандары тартылып отыр.Акцияның мақсаты адамдарды табиғатты құрметтеуге шақыру, қоршаған ортаның тазалығына ат салысуға үндеу.Акцияның ашылу салтанатында да осы тектес үндеулер мен насихаттар айтылды.
Табиғатты қорғау әр адамның міндеті.Бірақ оны түсінетіндер аз.Оны жағалауда үйілген қоқысқа қарап түсінуге болады.Бұл жиналған қоқыстар қоқыс өндеу зауытында сұрыпталып,кері өндеуге жіберіледі деп жоспарланып отыр."Таза Қазақстан" акциясы бір айға жуық уақыт өтетін болады.

Орал қаласында "Таза жағалау" акциясы ұйымдастырылды. Бұл шараға 20 мың батысқазақстандық ат салысты. Жайық өзенінің жағалауын қоқыстан тазалау үшін ұйымдастырылатын шара облыс көлемінде бесінші мәрте өткізіліп отыр. Тазалық акциясы жайлы келесі материалда.

Облыс көлемінде бесінші мәрте "Таза жағалау" акциясы ұйымдастырылды. Басты мақсат: Жайық жағасын күл-қоқыстан тазалау. Аталмыш шара облысымызға қарасты әрбір аудан мен ауылда болып өтті. Жағалаудағы тазалық акциясына 20 мың батыс қазақстандық ат салысыпты.

Өткен жылы ұйымдастырылған шарада облыс аумағында орналасқан жағалаулардан 560 тонна қатты тұрмыстық қалдық шығарылыпты. Демалысқа қарамастан облыс орталығындағы акцияға қатысқан жандардың қарасы қалың болды.

Екі елге ортақ трансшекаралық "Жайық" өзенінің тағдыры талай жанды толғандырып жүр. Орын алған олқылықтарды жою үшін үнемі ғалымдар бас қосып, түрлі экспедициялар да ұйымдастырылуда. Десек, әрбір азаматтың қоршаған ортаға деген қамқорлығы мен жағалау маңында тазалықты сақтауы жазылмаған заңдылыққа айналған кезде ғана барша адамзаттың дені сау болып, келешегі кемел болатыны бесенеден белгілі.