Батысқазақстандық 46 азамат мемлекеттік марапатқа ие болды. Мерекелік жиын Салтанат сарайында өткен еді. Шарада сөз алған облыс басшысы өңірміздің жеткен жетістіктеріне тоқталып, мерекемен құттықтады.

Тәуелсіздік мереке қарсаңында ұйымдастырылған салтанатты шарада сөз алған облыс әкімі Қазақстанның азаматтарға арналған мемлекет екендігін атап өтті. Жыл санап экономикамыздың дамуы мен бизнестің дамуы үшін қолайлы жағдай жасалып келеді. Мәселен, өңірімізде 115 мың адам кәсіпкерлік саласында жасап жатыр.

Ел үшін қызмет жасап жүрген жандар мемлекеттік марапатқа ие болды. Марапаттқа ие болған жандардың қатарында Валерий Голоухов та бар. Ол биылғы жылы оралдықтарға қала күні қарсаңында тынымбақ сыйлаған еді.

Шара соңында облыс басшысы марапатқа ие болған жандарға құттықтап, оларға табыс тілеп, тағы бір мәрте қазақстандықтарды мерекемен құттықтады.

Қазақ халқы тәуелсіздік алу жолында көптеген қиындықтарды бастан өткерді. Батырлардың қиын қыстау күнде ерлік жасауы, ұтқырлық танытып, кемел келешек үшін атқарған жұмыстары бүгінгі ұрпақ үлгі. Өткен ғасырда үлкен империяның құрамынан шығып, тәуелсіздігін жариялаған қазақ елі көптеген қиындықтарға тап болғаны мәлім. Ғасырлар бойы атадан балаға мұра ретінде ұлан- байтақ жері бар жас мемлекет болашағы үшін шекарасын бейбіт түрде бекітіп, дербестігін танытатын рәміздерін қабылдап, экономикасын дамыту керек еді. Тәуелсіздік мерекесінің қарсаңында арна тілшілері азат елдің өткерген қиындықтары мен ел тарихындағы ең маңызды даталарға тоқталмақ.

Тәуелсіздігін жариялаған жас мемлекеттің басты құжаты 1993 жылдың 28-қаңтарда қабылданды. 70 жыл бодан болған қазақ елінің конституциясы 4 бөлім мен 21 тараудан және 134 баптан тұрды. Алайда, араға жылдар салып азат елдің алғашқы ата заңына өзгерістер еніп, еліміздің басты заң құжатын қазақстандықтар референдум арқылы қабылдады.

Ел тарихындағы ерекше даталардың бірі- 1995 жылдың 1-наурызы. Елбасы бұл күні Қазақстан халқы ассамблеясын құру туралы жарыққа қол қойды. Еліміздің ерекшелігін ескере отырып қабылданған шешім бүгінде өзінің өміршеңдігін дәлелдеп отыр.

Тәуелсіздіктің алғашқы он жылдығында қабылданған маңызды шешімнің бірі-астанамыздың Алатаудың баурайынан Арқаға көшірілуі еді. Өлке тарихын түгендеп жүрген Сайлау Хамитұлы тарихи оқиғаның мән-маңызына былай деп тоқталды.

Күн сайын сәулеті артқан Астанамыз биыл 20 жылдық мерейтойын кеңінен атап өтті. Бүгінде тәуелсіз Қазақстанның елордасы әлем мойындаған сұлу астаналардың қатарында. Небары жиырма жылдың ішінде мыңдаған қазақстандықтың құтты қонысы болып, тәуелсіздік пен бейбітшіліктің ерекше символына айналды. Бұның баршасы мыңдаған жанның қанымен, көз жасымен келген- тәуелсіздіктің арқасы. Бүгінде азат қазақ елін әлемнің барлық елі танып, түрлі этностың атамекеніне айналғаны үшін таңдай қағып, үлгі тұтып отыр.

Қазақ халқы тәуелсіздікке дейін талай зұлмат жылдарды бастан кешіп, азат күн үшін күресіп, атқа қонып, ұлан- ғайыр байтақ жерімізді найзаның ұшымен, білектің күшімен қорғай білді. Сын сағатта талай ер азаттық үшін жер жастанып, ел мүддесін өзінің қара басынан жоғары қойып, бүгінгі тәуелсіз ел үшін күрескен болатын. Қазақ халқы өзгеден еншісін алып, өзара хандық құрған жылдан бері талай соғысты бастан кешіп, қара қазан сары баланың қамы үшін қылыш сермеді. Қазақ халқының өр рухы мен келешегі үшін айқастардың баршасы тарихтан өз орынын ала білгендей. 70 жыл КСРО-ның боданына айналған қазақтың жиырмасыншы ғасырдағы ерлігі 1986 жылдың 17 желтоқсанында орын алды. Бұл оқиға тарихта "Желтоқсан оқиғасы" деген атауға ие болды.

КСРО-ның құрамында болған Қазақстан өз тәуелсіздігін 1991 жылдың 16-шы желтоқсанында жариялады. Тарихи шешімді алғаш болып Түркия мен Румыния мойындады.

Егемендігін жариялаған Қазақстан біртіндеп шекарасын бекітіп, 1992 жылдың 4-ші маусымында рәміздер туралы заңнаманы қабылдады. Бұл тарихи шешім болғаны сөзсіз.

Тәуелсіздіктің ерекше символы- ұлттық валюта. Азаттыққа қол жеткізген Қазақ елі алғаш рет 1993 жылдың 15 қарашасында президент жарлығымен төл теңгені айналымға шығаруды қолға алды. Еліміздің аумағында валюта мен монета сарайы болмағандықтан ұлттық теңге Ұлыбританияда жарық көріп, кейін еліміздің аумағына жеткізілген еді. Теңге алғаш айналымға енген кезде қызмет жасаған Ғалия Камшатқызы ақшаны алмастыру туралы жағдайды былай деп еске алды.

Бүгінде төл теңгеміздің қанаты қатайып, әлемдік валюталардың қатарында өз орынын ала білді. Түрлі кезеңді бастан кешкен ұлттық валютамыз дизайны жөнінен халықаралық додаларда түрлі жүлдені қанжығалап жүр. Сондай-ақ, ел үшін маңызды даталарда жарыққа көретін түрлі монеталар да халықтың ықыласына бөленген.
Рәміздерін бекітіп, ұлттық валютасын айналымға енгізген Қазақстан 1993 жылдың 28-шы қаңтарында Ата заңын қабылдады. Еліміздің басты құжаты 4 бөлім, 21 тараудан тұрды. Алайда, демократиялық қоғамды таңдаған қазақия үшін бұл заңнамалар келешек пен заман талабына сәйкес келмей, 1995 жылдың 30-шы тамызында жалпы халықтық референдумда жаңа Конституцияны қабылдады. Сондай-ақ, 1995 жылы Елбасы Қазақстанның көп ұлтты ел екендігін ескере отырып, әлемдік аренада аналогы жоқ Қазақстан Халқы Ассамблеясын құрды.