Биылғы жылы өңірде қардың мол түсуіне байланысты су тасқыны қаупі туралы аз айтылған жоқ. Облытағы 87 елдімекенді су басу қаупі жоғары аймақта орналасқан. Биыл өзен бассейндерге жақын маңда орналасқан 57 елдімекеннің суға кету қаупі болжанған болса, бүгінге дейін жүргізілген алдын алу жұмыстары арқылы бірқатарына қауіп сейілді. Дегенмен, әлі де 20 шақты елдімекенді су басу қаупі бар. Сондай-ақ «Қазгидромет» келесі аптада қатты жауын-шашын болатынын болжап отыр.
Мамандардың сөзінше, мұзды кесу жарылысқа қарағанда экологиялық және экономикалық тұрғыдан да тиімді. Өңірдегі су тасқыны қаупі сақталып отырған аймақтар - Орал қаласы, Бәйтерек, Тасқала, Қазталов аудандары. Орал шаһарында қар жауып бастаған 2018 жылдың қарашасынан бері коммуналдықтар ұлпаны шығаруда тәулік бойы жұмыс жасаған болатын. Жыл сайын қар төгілетін қос полигон биыл қыстың ортасында-ақ толып, әкімдік қосымша бес қосын ұйымдастырды.
Облыстағы өзендерге судың 80 пайызы Ресей Федерациясынан келетінін де ескеру керек. Қазрігі уақытта көрішелісе Саратов және Орынбор облыстарынан трансшекаралық өзендердің жағдайымен сол өзендердегі су қоймаларының су жіберуі бойынша күнделікті ақпарат алынып отыр.

РМК «Қазгидромет» Батыс Қазақстан облыстық филиалының мәліметінше, 11-13 наурыз аралығында ауа райының жылынуына орай және жауын-шашынның көп түсуіне байланысты қар қарқынды еріп, ағын сулар пайда болады. Мұз жұқарып, өзен-көлдерде су деңгейі көтеріледі. Бұл күндері облыс аумағында жаңбыр жауады деп күтілуде. Осы орайда төтеншеліктер күшейтілген режимде жұмысқа көшті. Осыған байланысты қазір аймақта төтенше жағдайлардың алдын алуға бағытталған кешенді шаралар қолға алынған. Мамандардың айтуынша, биыл түскен қардың көлемі былтырғыдан 3 есеге артық. Қазіргі уақытта облыс аумағында 1 млн ,265 мың текше метрдей қар шығарылған. Оралда 28, ал облыс аумағында 50 ден аса арнайы эвакуациялық пункт дайындалған. Күн күрт еріген жағдайда күтпеген жағдайлар болуы мүмкін екендігін мамандар да жоққа шығармайды. Сондықтан қазір қолдағы барлық күш пен құралдар су тасқынының алдын алу шараларын бастап кетті. Мәселен арнасынан тасиды деген бірнеше өзеннің мұздары кесіліпті.  Тасқын суға тойтарыс беру үшін 125 мыңдай қапшық қоры, 156 тонна жану-жағармай мен 700-дей техника дайын күйде.