Тасқала ауданында қылмыстық ахуал тұрақты. Дегенмен де жергілікті полиция бөлімшелеріне қызметтік көліктер жетіспейді. Бұл туралы бүгін аудандық полиция бөлімінің бастығы Нүркен Шамғалиев мәлімдеді.Халқының 60 пайызы өзге аудандардан көшіп келгендер болуы себепті бүгінде облыс орталығынан 80 шақырым қашықтықта жатқан Тасқалада ұсақ құқық бұзушылықтар жиі тіркеледі. БҚО полиция департаментінің бірінші орынбасары Жанболат Жаншин бастаған топ өткен жылда орын алған заң бұзушылық деректерді саралап өтті. Бүгінде ауданда ауыр қылмыстардың ашылу көрсеткіші 8,5 пайызға дейін өскен. Соған қарамастан ауданға қатысты 9 округте қызметтік көліктер жетіспеушілігі де байқалады. Бұл мәселені ауыл тұрғындары да атап өтті. Өткен жылы ауданда 25 ауыр, бір аса ауыр қылмыс орын алса, бұл фактілер заңға енгізілген өзгерістерге байланысты деректермен ауысқан. Сонымен қатар аудан көршілес Ресей мемлекетімен шекаралас орналасуы себепті есірткі бизнесі мен контрабандалық заң бұзушылықтар жиі тіркеледі. Өткен жылы осы бағыттағы 10 қылмыстық факті анықталып, іс сотқа жіберілген. Қылмыстың ашылуы 92%. Және бұл құқық бұзушылықтарды өзге ел азаматтарының жасағаны анықталып отыр. Сонымен қатар, карантиндік шектеулерге, отбасылық кикілжіңге байланысты 82 арыз-шағым түсіп, тәртіп сақшылары құқық бұзушылықтардың алдын-алу шараларын ұйымдастырған. Мәселен, облыс орталығынан қашық аудандарда мал ұрлығы өршіп тұр. Осы мәселені шешу жолында заңға бірқатар өзгерістер енгізілді. Тасқалада да өрісте қараусыз жүрген төрт түлікті қорғау мақсатында биыл арнайы бақташылық қағидасын жүзеге асыру мақсатында аудан әкімдерімен жүйелі жұмыстар жүргізілуде.

БҚО сыбайлас жемқорлыққа қарсы іс- қимыл департаментінің бастығы Рустам Ақмырзаев Тасқала ауданында жұмыс сапарымен болды. Мемлекет басшысының "Еститін үкімет" қағидасын жүзеге асыру мақсатындағы жұмыстардың орындалуын қадағалай барған департамент басшысы, ауданда атқарылып жатырған бірқатар жұмыстармен танысты. Соның ішінде жол, спорт кешенінің құрылысы секілді өте ауқымды жобалар да бар.
Тасқала ауданына келген БҚО Сыбайлас жемқорлыққа қарсы іс -қимыл департаментінің бастығы Рустам Ақмырзаев алдымен аудан орталығындағы атқарылған жұмыстармен танысты. Биыл Тасқала ауданында 105 млн қаржыға 6 көшенің жарық шамы мен электр желілері ауыстырылыпты. 30 жыл бойына әбден тозығы жеткен электр желілері мен жарық шамдар үнемі істен шығып мазаны алатын. Енді бұл қиындық артта қалды. Бұл бағыттағы жұмыстарға бөлінген қаржы өз ретімен жұмсалып, аудан тұрғындарына қуаныш сыйлап отыр.
Тасқала ауданында 28 көшеге тас жол төселу жоспарланып отыр. Биыл бірнеше көшеге тас жол төсеу жұмыстары жүріп жатыр. Аудан орталығында бұл жұмыстарға соңғы технологияны пайдалануды ұйғарған.Тас жолдар қиыршық тассыз төселеді. Бұл өз кезегінде қаражатты да, уақытты да үнемдейді дейді мамандар.
Бұдан бөлек Тасқала ауданында болған Рустам Ақмырзаев аудан орталығында құрылысы жүріп жатырған спорт кешенінің жұмысымен танысты. Бұл аудандағы ең үлкен спорт нысаны болмақ. Құрылыс жұмыстары 2021 жылдың тамызында аяқталады деп жоспарланып отыр.
Айта кетейік, Тасқала ауданы бойынша мұндай үлкен спорт нысаны бұрын болмаған.

БҚО Тасқала ауданында ашық әкімдік алаңы ашылды. Ол жерде 38 түрлі мемлекеттік қызмет көрсетілетін болады. Бүгін ашық әкімдіктің ашылу салтанатына БҚО әкімінің бірінші орынбасары Мұхтар Манкеев қатысты.Тақырыпты тілші тарқатсын.

Тасқала ауданында ашық әкімдік алаңы ашылды.Ашық әкімдіктің ашылу салтанатына БҚО әкімінің бірінші орынбасары Мұхтар Манкеев пен БҚО Сыбайлас жемқорлыққа қарсы іс- қимыл департаментінің бастығы Рустам Ақмырзаев қатысты.Тасқала ауданының әкімі аудандық әкімдік тарапынан жасалған игі істерге тоқталып, жұмыстармен таныстырды.Бұл жерде 5 бөлімнің мамандары отырады. 30 - дан астам мемлекеттік қызмет түрі көрсетіледі.
Ашық әкімдік алаңын ашудағы мақсат әкімдіктердің ашықтығын қамтамассыз ету. Әсіресе жер қатынастары, тұрғын үй қатынастары бөлімінің мамандары әрдайым халыққа қол жетімді болуы керек.Ашық әкімдік алаңы жанынан өзіне өзі қызмет көрсету бұрышы да ашылған.Бұл бұрышты ашудағы мақсат адамдар өздеріне қажетті анықтамаларды осы жерден алуды қамтамссыз ету.

Ашық әкімдік жанынан арнайы бөлме де дайындалған.Ол жерде аудан әкімі келгендерді жеке сұрақтары бойынша қабылдайды.

БҚО-да Тасқала ауданында  әйелі мен екі қызын аса қатгездікпен өлтірген тұрғын өмір бойына бас бостандығынан айырылды. Үкім кеше БҚО қылмыстық істер жөніндегі мамандандырылған ауданаралық сотында оқылды. Айыпты Серік Қапизовқа қатысты үкім  әлі заңды күшіне енген жоқ. С.Қапизовқа ҚР ҚК 99-бабы 3-бөлігі, 202-бабы 2-бөлігі 1 және 5-тармақтарына сәйкес айыптау үкімі шығарылды. Сот талқысында белгілі болғанындай, биылғы наурыз айында жұбайы Ж-ға жеңіл дәрежеде дене жарақатын келтіргені үшін Қапизов қамауға алынған. Осы кезде Ж. некені бұзу туралы талап-арыз берген. Биылғы 9 сәуірде С.Қапизов әйелі тұратын үйдің есігін бұзып кіріп, бензин шашып, от қойған. Соның салдарынан Ж. мен оның екі қызы қаза тапқан. Үй иесіне 3 млн теңге залал келтірілген. Сотталушы адамдарды, соның ішінде жас балаларды аса қатыгездікпен өлтіргені және мүлікті қасақана жойғаны үшін айыпты деп танылды. Оның кінәсі куәлардың айғақтарымен және сараптама қорытындыларымен дәлелденді. Осылайша С.Қапизов өмір бойына бас бостандығынан айырылды. Ол жазасын қауіпсіздігі төтенше қылмыстық-атқару жүйесі мекемесінде, соның ішінде алғашқы бес жылын қауіпсіздігі толық мекемеде өтейді. Сот үкімі күшіне енген жоқ. Екі жиені мен қызынан айрылған тасқалалық тұрғын үкімнің әділ болғанын айтады.Еске сала кетейік, өмір бойы басбостандығынан айыру жазасы облыста осыдан екі жыл бұрында тағылған болатын.

Облыс әкімі Қазақстан мен Ресейдің шекарасын жалғайтын тас жолдың құрылысымен танысты. Үш жыл бойы Переметный, Тасқала мен Ресейдің Озинкасын жалғайтын тас жолдың құрылысы биылғы жылдың қарашасында аяқталады деп көзделіп отыр. Қазіргі таңда мердігер компания өкілдері шекара шебінде жол төсеу жұмыстарына дайындықты бастапты. Барлық жұмыстар аяқталғаннан соң, шекара шебінде азаматтарды тексерістен өткізетін екі бекет бой түземекші.

Елімізді көршілес Ресеймен жалғайтын тас жолдың құрылысы қазіргі таңда 95 пайызға аяқталыпты. Енді мердігер компания өкілдері, шекара шебінде орналасқан бекетке жол салу жұмыстарын қолға алмақ. Яғни, шекара бекетінде 600 метрді құрайтын қос жол салынады. Оның өзі 4 жолақты болады деп жоспарланып отыр. Бұл бірінші кезекте, шекара асатын азаматтарға және шекараның қауіпсіздігін күзететін сақшыларға қолайсыздық тудырмай, ыңғайлы болмақ.

Шекара шебіндегі жолдың құрылысымен танысу үшін арнайы ат басын бұрған облыс әкімі мердігер компания өкілдерінен жұмыстың барысын сұрап, атқарылар жұмыстарға тоқталды. Сондай-ақ, шекара күзетінде тұрған сақшылардан жаңа бекет орнаса, қандай жаңашылдықтар болатынын сұрап, мән-жаймен танысты.
Облыс әкімі Қазақстан мен Ресейдің шекарасында Тасқалалық тұрғындардың да мұң-мұқтажына құлақ асты. Тасқала ауданына қарасты Достық ауылының тұрғыны өңір басшысынан ауылға кіреберіс 3 шақырым жерге ескі асфальт төсеп беруін өтініп, ауыл тұрғындарының өтінішісін жеткізді.
Үш жылға жоспарланған Орал-Тасқала -Озенка тас жолдының жалпы ұзындығы 100 шақырымды құрайды. 2015 жылдан бері үкіметтен қыруар қаржы бөлініп келген құрылыс жұмыстары биылғы жылдың қараша айында толықтай аяқталып, халықтың игілігіне берілмек.

Бар қазаққа тəж болған айбынды Астана. Осындай атаумен кеше кешкілік шаһарымыздағы Қадыр Мырза Əлі атындағы мəдениет жəне өнер орталығының анфитеатрында концерт болып өтті. Атаулы шара биылғы Елордамыз Астана қаласының 20 жылдығына облысымыздағы Тасқала ауданының мерекелік тартуы. Мерекелік шараға жиналған қала тұрғындарына аудан өнерпаздары өз өнерлерін көрсетіп, əн мен күйден шашу шашты.Көрермендерге үлкен əсер сыйлаған концертті біздің тілшілеріміз де барып тамашалады.

Ағымдағы жылы мемлекет көлемінде аталып өтіп жатырған айтулы мерекелердің бірі Астана қаласының 20 жылдығы. Елорда мерейтойын елдің тойы деп қабылдаған халқымыз Астана күнін жоғарғы деңгейде елдің әр өңірінде атап өтуде. Соның бірі осы бүгінгі Тасқала ауданының Астанаға концерттік тартуы.

Кешкілік ашық аспан астында өткен мерекелік шараға шаһар тұрғындары да күннің салқындығына қарамай жақсы жиналды. Жиналған жұртшылыққа аудан өнерпаздары ән мен күйден шашу шашып, көтеріңкі көңіл күй мен айықпас әсер сыйлады.

Жаз бойына әр ай сайын аймағымызға қарасты он екі ауданның мәдениет өкілдері осындай концерт қойып Астана қаласының 20 жылдығын мерекеледі. Өз кезегінде тасқала ауданының өнерпаздары ұсынған мән маңызы зор мерекелік шараны жиналған жұртшылық тұшына тамашалады.

Тасқала ауданына 10 наурыздан бері тым көп қар түскен. тіпті ақ ұлпаның биіктігі 40 смге жетіп, ауданнан 28 мың текше метр қар шығарылыпты. Бұл жағдайды Тасқаланың әкімі арнайы бақылауда ұстап, қауіпті деген аумақтардағы жұмыстарды өзі тексеруде. Аудан аумағы бүгінде учаскелерге бөлініп, әр жерге кезекші тағайындалған. Жұмылдырылған 500ден астам қызметкер тәулік бойы қар тазалауда. Бұл жұмыстарға 8 млн теңге қаржы жұмсалды. Ауыл тұрғындарымен де 34 кездесу ұйымдастырылып, 1 жоспарлы, 4 кезектен тыс комиссия отырыс өткізілді.

Теректі ауданы, Покотилов ауылында жаңа сүт қабылдау пункті өз есігін айқара ашты! Мұнда ауыл тұрғындары табиғи шикізат саналатын сүтті 110 теңгеден өткізіп, осылайша табыс табуға мүмкіндік алған. Биыл өңірде осындай 4 мекеме ашылып, ауыл шаруашылық кооперативтерін құру жұмыстары жаппай қолға алынған. Облысымызға министрлік өкілдері де арнайы келіп, оқыту семинарларын жүргізуде.