Шілденің 19-20 күндері Шешенстан Республикасында ұйымдастырылған аралас жекпе-жектен Оралдық спортшылар жеңіспен оралды. Жас өрендер сайыста алтынды қанжығалап, үш жүлделі орынға ие болды. Спорттық шара Грозный қаласында ұйымдастырылды.

Грозный қаласына жарысқа барған Оралдық жас спортшылар Шешенстан Республикасының президенті Рамзан Қадыровпен жүздесіп, естелікке суретке түсті. Шешенстандық лидермен жүздескен бүлдіршіндердің бейнежазбасы әлеуметтік желіде кеңінен таралып, желі қолданушылары түрлі пікірлерін ортаға салған болатын.

Шешенстан астанасында ұйымдастырылатын жарысқа Оралдық алты спортшы қатысты. Олардың біреуі алтын алса, үш бүлдіршін үздіктердің қатарынан табылды. Көрші елде ұйымдастырылған сайыс Ахмат Хадши Кадыровты еске алуға арналған.

Ал, сегіз жасар Ади Карбоне Шешенстан Республикасында өткен аралас жекпе-жекте қарсыластарынан оқ бойы оза шауып, алтынды қанжығалады. бүлдіршін спортпен 5 жылдан бері айналысып келеді. Кішкентай чемпион келешекте әлемді бағындырсам деп армандайды.

Жақында ғана жарыстан оралған спортшылар екі-үш аптадай демалып, кейін, жаттығу жұмыстарын жалғастырмақ.

Көк байрағымыз Белоруссия көгінде желбіреді. Халықаралық жарыста еліміздің мерейін өсіріп, мәртебесін асырған жас спортшылар өзіміздің Оралдық таэквандошылар. Миниск төрінде өз салмақтары бойынша ешкімге орын бермей үш бірдей алтын жүлдені қанжығалаған өрендеріміздің өнеріне 19 елдің өкілдері куә болған.

11 жастар Алессандро Карбоне ел намысын түрлі халықаралық додаларда қорғап, жүлделі орындарға ие болып жүр. Жас спортшы жақында ғана Минискдегі сайыста қарсыластарынан оқ бойы оза шауып, бірінші орынды иеленді.

19 елдің спортшылары қатысқан байрақты бәсекеде еліміздің атынан 70 спортшы өнер көрсеткен. Олардың төртеуі оралдық. Ел намысын қорғаған жас өрендердің үшеуі алтын медальға ие болды. Бүгінде спортшыларды таэквандо спортына баулып жүрген бапкер шаһарымызда аталмыш спорт түріне қызығып, дайындалып жүрген жастардың қатары көп,-дейді.

Шетелдік жарыста үш алтынды қанжығалаған жас спортшылар келер жылдың наурызында Алатаудың баурайында ұйымдастырылатын Азия біріншілігіне дайындықтарын бастапты.