Орал қаласында орналасқан Сырым Датов көшесі 32/2 мекенжайының тұрғындарынан маза кеткен. Олар тәулікке жалға берілетін пәтерлерді мекендеушілерден зардап шегіп отыр. Айтуларынша, үйдегі 70 пәтердің 14-і жалға берілетін көрінеді. Бірнеше жылға баспанасын әрең несиеге алған жандар көрші пәтерлерді жалдаушылардың тыныштықты бұзып, жиі-жиі тәртіпсіздік жасайтындарын айтып налиды. Бұны көріп өскен балаларымыз қандай болады. Кетіп қалар басқа үйіміз жоқ. Өз үйімізде өзіміз адам құсап тұра алмай, ұлардай шулаған пәтер жалдаушылардан көресіні көріп болдық деп шағымдануда.

Сырым Датов 32/2 мекенжайының тұрғындары осылайша мұң шағып отыр. Тұрғындар баспанамызды бірнеше жылға несиеге алып, бақытты өмір сүруді армандаған едік,- дейді. Бірақ пысықай көршілері пәтерлерін жалға беріп, тұрғындардың мазасын қашыруда. Көпқабатты тұрғын үй 70 пәтерлік. Оның 14-і жалға беріледі екен.

Тұрғындар пәтерін тәулік бойы жалға беретін кәсіпкер баспанасына өзгерістер енгізіп, әр бөлмеге қосымша жуынатын бөлмелерді орнатқандығын айтады. Бұл тұрғындарға қолайсыздық тудыруда.

Зәулім үйдің тұрғындары аталмыш олқылықтарды анықтап, оны түзетуді талап ету үшін арнайы облыстық мемлекеттік сәулет-құрылыс бақылауы басқармасына шағымданған. Сала мамандары пәтерден олқылық анықталғанын айтады. Пәтердің иесіне 30 айлық есептік көрсеткіш көлемінде айыппұл салынып, бір айдың көлемінде олқылықтарды түзету үшін уақыт берілген. Мерзім аяқталған кезде, мамандар кезектен тыс тексеріс ұйымдастырып, орындалған жұмысты тексеріп шығады. Егер жұмыс орындалмаса пәтердің иесін сотқа бермек.

Тұрғындардың шыдамын тауысқан айқау-шу мен төбелес фактілері бойынша полиция қызметкерлері материал жинап, шу шығарған азаматтарға айыппұл салатындықтарын айтады.

Бірнеше жылдан бері үйінде тыныштық жоқ, баласы үшін алаңдап отырған тұрғындардың жалғыз талабы-мынандай.

Сырым Датов көшесі 32/2 мекенжайында пәтерін жалға беріп отырған кәсіпкерден зардап шегіп отырған азаматтар жетерлік. Құқық қорғаушы қоғам қауіпсіздігі тұрғысынан мұндай пәтерлерді жалға беру қауіпті екендігін айтады. Яғни, мұндай пәтерлерді кім және қандай мақсатта пайдаланатындығы да белгісіз. Құқық қорғаушы қысқа уақытта пәтерін жалға беру заң жүзінде көтерілуі тиіс мәселе екендігін айтады.

Қазіргі таңда Сырым Датов көшесі 32/2 мекенжайының тұрғындары пәтерін жалға беріп отырған кәсіпкермен соттасу үшін құжаттарын жинастырып жатыр.