Бірдің кесірі көпке тиді. Солардың бірі 6 айлық сәбидің анасы- Елена Каширская. Сусыз қалудың басты себебі- көп қабатты үйдің 3-ші қабатында тұратын көршілерінің ұзақ жылдар бойы пәтеріндегі құбырларын ауыстырмауынан көрінеді. Іс қазір сот орындаушылары дейін жеткен. Бірақ есігін үнемі құлыптап қоятын азамат жөндеуден бас тарып, тіпті өз қаражаттарына құбырды ауыстырып беруге дайынбыз деген көршілерінің өтінішін құлағына ілмейді екен.

Коммуналдық кәсіпорынға ешқандай борыштары жоқ болса да, 1 айды сусыз өткізген тұрғындар көрші азаматтың бей-жәйлығынан мезі болған. Елена Каширская Гагарин 99/1 мекен-жайынындағы үйдің 5ші қабатында тұрады. 6 айлық сәбиін суға шомылдырудың өзі мұңға айналды дейді әйел. Себебі пәтерге салқын су келетін тік құбыр ажыратылған. Сусыз тұрғындар ауыз су мен жуынуға қажетті суды сырттан ыдыспен тасуға мәжбүр. Осыған дейін тек ыстық суды пайдаланып келсе, жақында ғана Қазтрангазаймақ АҚның газды айыруынан кейін жағдайлары мүлдем мүшкіл болыпты.

Елена көршісін көрген кезде алдында тізе бүгіп жалынуға дейін барғанын айтады. Бірақ егдде жастағы азамат көоршілерімен сөйлеспеуге тырасады екен. Елена Каширская мәселені шешу үшін барлық құзырлы органдарға шағымданған. Қазір жеке сот орындаушылары палатасына да арызданған.

Сот шешімі сот орындаушылыраның қолында. Бірақ құбырды ауыстырмайтын азаматпен жүздесу қиын болып тұр. Шалынған қоңырауды жауапсыз қалдыратын азамат үшін тұрғындар өз ақшасына желіні ауыстырып беруге дайын екендерін де айтқан.

Сот орындаушылары аталмыш мәселені шешу үшін барлық заңды әдістерді қолданатындарын мәлімдеді. Тіпті олар үйіне сирек келетін азаматты жолдан тосатын болған. Егер жағдай шешілмесе, орган қызметкерлерімен бірге келіп, есікті бұзатындарын мәлімдеді.

Осыған дейін Шолохов көшесінің бойында ірі құбыр апаты тіркелгені туралы хабардар қылған болатынбыз. Қазір аталмыш кәріз желісіндегі апатты ауыздықтау жұмыстары екі ауысымда қарқынды жүріп жатыр. Айта кетейік, қысымға шыдамай жарылған жер асты шыны-пластик құбыры осыдан 10 жыл бұрын салынған екен.

"Жер қазу жұмыстары аяқталған соң аумақтағы желіні күрделі жөндеу мәселесі қолға алынады",- дейді коммуналдықтар.

Шолохов көшесінің бойындағы құбыр жарылған орында тереңдігі 7 метрден асатын шұңқыр қазылған. Экскаватор мен өзге де техникалар және жұмысшылар оқиға орнында 2 ауысымда жұмыс жасауда. Коммуналдықтардың айтуынша, ұзындығы 75 метр болатын құбыр істен шығып, жарамсыз деп танылып отыр.

Қаланың бірнеше бөлігінде су тек бір сағатқа ғана беріліп, қайта ажыратылыпа отыр. Тұрғындар үйлеріне қашан су берілерін "Батыс су арнасы" ЖШС сайтынан қарап біле алады.

Қаланың сусыз қалуы-алаңдатарлық жайт. Сондықтан жұмыс барысын билік қатаң бақылауға алып отыр. Жөндеу күрделі болғандықтан қолда бар күш пен жалдамала техниканың көмегі толықтай тартылған.

Басты мақсат- апатты ауыздықтап, халықты сумен қамтамасыз ету. Бүгінде жаңа кәріз құбырын салу мәселесі қарастырылып жатыр. Сол себепті алда жобалық сметалық құжат жасақталатын болады.