Елімізде қоқысты сұрыптау мен оны өңдеу ісі өте өзекті мәселенің бірі. Қоқыстан келетін зардап та көп. Бүгін қатты тұрмыстық қалдықтарды жиыстырып, оны сұрыптап үйренбесек, келешекте бармақ тістеп қалатынымыз анық. Аталмыш мәселені шешу үшін облыс орталығында орналасқан балалар мен жасөспірімдерге арналған туризм және экология орталығы тың жаңалықты қолға алыпты.

Аталмыш орталықтың директоры қоқыстарды сұрыптау ісін Чехияға барып келгеннен соң, қолға алғандығын айтады. Орталық қоқысты сұрыптау үшін арнайы контейнерлер сатып алған. Әрбір жәшік бір қоқыстың түріне арналған. Сұрыптау ісін қолға алған жандар қағаз бен пластикті саудалау ісінде мәселе орын алмағандығын айтады. Сала мамандары осындай жаңашылдықтың арқасында жылына 200 мың теңге көлемінде қаражатты үнемдеп отырмыз,- дейді.

Сала мамандарының қоқысты сұрыптау ісінде қолға алған жаңашылдығы көпке үлгі болары хақ. Кәдімгі қағаз бен пластикалық бөтелкіні жинап, оны саудалау арқылы аз да болса, пайда табуға болады. Қоқысты сұрыптап үйренсек, қоршаған ортаға келетін қауіптің де саны азаймақ.

Елбасы биылғы жылы жолдауында ресурстар мәселесіне байланысты нақты тапсырма жүктеген еді. Әрбір өңір экологиялық жағдайын қолға алып, күл-қоқыспен күресуі шарт. Ақжайық өлкесін қоқыстан тазарту жұмыстарына қан жүгірту үшін арнайы семинар ұйымдастырылды.

Семинар барысында сала мамандары келтірген дерекке сүйенсек, өңірімізде картон, қағаз, пластик пен дөңгелек қабылдайтын орталықтар жұмыс жасап жатыр. Биылғы жылы шаһарымызда қоқыстарды сұрыптайтын 767 контейнер бар. Ал, аудан орталықтарында 317 арнайы жәшік орналасқан. Шаһарымыздағы күл-қоқыс полигонымен финдік компания жұмыстанып жасап жатырғандығы мәлім. 2018-жылдан бастап шетелдік мамандар полигонда қоқысты сұрыптайтын орталық салуды қолға алмақ.

Сала мамандары семинар барысында азаматтар күл-қоқысты сұрыптап үйренбеген. Аталмыш олқылықты жою үшін тұрғындар арасында түсіндіру жұмыстарын қолға алып, өскелең ұрпаққа мектеп қабырғасынан бастап, қоқысты сұрыптап үйрету қажет деген пікірлерін ортаға салды.