суға кету – TDK-42

Тасқынға тосқауыл

Ажар Хамитова — Mon, 25 Feb 2019 09:41:24 +0000

0:00 / 0:00

Өткен демалыс күндері Зашаған кентіне қарасты Сарытау шағын ауданының бірқатар көшелері қардан тазаланды. Аталмыш сенбілікті ұйымдастыруға құрылыс компаниясы көмекке келген. Қалың қардың құрсауында қалған көшелерде бірнеше техника жұмыстанып, ақ ұлпаны тазалап жатыр. Облыс орталығында суға кетуі мүмкін делінген аумақтар белгіленді. Бүгінгі таңда аса қауіпті делінген учаскілердің саны- 22. Бір Зашаған кентінде алты аймақ қауіпті тізімді толықтырып тұр. Жер үйде тұратын оралдықтарды баспанамызды су басама деген ой мазалайтыны жасырын емес.

Бүгінгі таңда комуналдықтар тәулік бойы ақ ұлпаны тазалап жатыр. Күні бүгінге дейін арнайы белгіленген орындарға 720, 583 текше метр қар жинақталыпты. Қала әкімінің сөзіне сенсек, шаһар аумағында 300-ден астам техника жұмыстанып жатыр.

БҚО-да суға кету фактісі бойынша құтқарушылар үстінен тексеріс жүруде

Эльмира Рахмешева — Thu, 23 Aug 2018 12:11:29 +0000

0:00 / 0:00

БҚО-да Коминтерн ауданында бір адамның суға кету фактісі бойынша құтқарушылар үстінен тексеріс жүргізіліп жатыр. Бұл жөнінде БҚО ТЖД хабарлады. Ағымдағы жылы облыста 8 адам суға кетсе, оның екеуі балалар. Сондай-ақ жалпы ауданы 3224 га құрайтын 1 дала өрті мен 5 орман өрті тіркеліпті.

Жаз бойы өрт пен судан келетін қауіп артып, төтеншеліктер күшейтілген режимде жұмыс жасады. Өрт қауіпті кезең басталғалы Зеленов ауданында жалпы ауданы 3224 га құрайтын 1 дала өрті тіркелген. Және Орал қаласы, Зеленов пен Теректі аудандарында жалпы ауданы 80,7 га құрайтын 5 орман өрті болған.

2017 жылы 18 адам тілсіз жаудың құрбаны болып, суға кетсе, оның ішінде 5 жасөспірім болатын. Ал биылғы кезеңде 8 адамның өмірі қиылса, оның 2-еуі бала. Коминтерн ауданында адамның суға кету фактісі бойынша құтқарушылардың міндетін дұрыс орындамауы фактісімен бүгінде қызметтік тексеріс жүргізілу үстінде. Облыс аумағында ғарыштық мониторинг жүргізу үшін «Ғарыш сапары» АҚ-мен соммасы 6,5 млн. теңгені құрайтын келісім шарт жасалған. Батыс Қазақстан облысы аумағында 12 өрт сөндіру бекеті құрылған. От пен су-тілсіз жау. Жаз маусымы аяқталуға таяғанымен төнер қатер сейілмейді. Сондықтан қандай жағдайда болмасын салғырттыққа жол бермей, қауіпсіздікті сақтау маңыды екенін қаперден шығармайық.

Оралда жоғалған жігіттің денесі табылды

Mon, 23 Jul 2018 07:38:40 +0000

Орал қаласында жоғалып кеткен жігіттің өлі денесі табылды. Бұл жөнінде ТЖД хабарлады. 27 жасар Айвар Сәрсембиевтің із-түзсіз жоғалып кеткені жөнінде 22-шілде күні әлеуметтік желіде жарияланған болатын. Оның денесі Шаған өзенінен табылып отыр. Әзірге марқұмның суға қалай батып кеткені белгісіз. Оқиғаның мән-жайын анықтау үшін мүрдесі сот-медициналық сараптамаға жіберіліп отыр. Сол себепті суға кету фактісі ретінде тіркеуге алынбаған. Жалпы облыста осындай 16 қайғылы жағдай болыпты. Барлық жағдайда да сараптаманың нәтижесі күтілуде.

БҚО-да тағы бір адам суға кетті

Эльмира Рахмешева — Fri, 20 Jul 2018 13:26:37 +0000

Төтенше жағдай департаментінің хабарлауынша, оқиға рұқсат етілмеген жағажайда, Шаған өзінінде тіркелген. Марқұмның денесі сот-медициналық сараптамаға жолданған. Оның нәтижесі шыққан соң, азаматтың суға батып кетуіне не себеп болғаны анықталатын болады. Төтеншеліктер қайғылы жағдайлар көбіне ішімдік ішіп шомылу, жүзу білмеу, қауіпсіздік ережесін сақтамау салдарынан тіркеліп отырғанын атап көрсетіп отыр.

БҚО-да тағы бір адамның суға кету жағдайы тіркелді

Эльмира Рахмешева — Mon, 09 Jul 2018 13:21:33 +0000

Коминтерн ауылы маңында Жайық өзеніне суға түсуге барған 1999 жылғы қыз бала тілсіз жаудың құрбаны болып отыр. Сүңгуірлермен қыздың денесі 10 минут ішінде жағаға шығарылыпты. Өкінішке орай, өмірін сақтап қалу мүмкін болмаған. Марқұмның мүрдесі қазір сот-медициналық сараптамасына жолданған. Бұл орайда төтеншеліктер судағы қауіпсіздікті сақтауды тағы да қатаң ескертіп отыр.