Қаламыздағы көздің жауын алар субұрқақтардан неше түрлі инфекциялар табылуы мүмкін. Сол себепті де қалалық санитарлы-эпидемиологиялық бақылау басқармасының мамандары қала аумағындағы субұрқақтардан су сынамаларын алып, тексеріске жіберді.

Қалалық санитарлы-эпидемиологиялық бақылау басқармасы әркез тазалыққа баса назар аударады. Осы орайда қала аумағындағы субұрқақтар да назардан тыс қалмайды. Ағымдағы жылдың 6-маусым күні Мемлекеттік тапсырысқа сәйкес: Ж.Молдағалиев көшесінде орналасқан және Пугачев, Лермонтов, С.Датов, Чапаев, сондай-ақ тұңғыш Президент саябағындағы фонтандарға мониторинг жүргізіліп, су сынамалары алынды. Жаздың аптап ыстығында жұртшылық субұрқақтарды паналауды әдетке айналдырады. Қаламызда бұндай 25 нысан бар. Фонтан сулары ешқайда ақпай, бір жерде тұрғандықтан тез ластанады. Мұндай суға бір сүңгіп шыққан баланың жұқпалы дертке шалдықпасына ешкім кепіл бола алмайды. Әрине ойын балалары мұны еш ескермейді. Қаламызға көрік беріп тұрған бұл субұрқақтардың қауіпті жақтары да жоқ емес. Сол себепті оларда шомылуға болмайды. Мәселен, осыдан бірер жыл бұрын Қазақстанда субұрқақтарға шомылып, тоққа соғылған жағдайлар көптеп кездескен. Құрметті қала тұрғындары, өзіңіздің және жақындарыңыздың денсаулығына зиян келмегенін қаласаңыздар, жазғы уақытта фонтан суларына түспеулеріңіз және тұтынбауларыңыз сұралады.

Шаһар тұрғындары бағдаршамдардың жұмысына наразы. Айтуларынша, басым бөлігі мүлде жасамайды. Қалғандары да жиі істен шығып жатады. Ал ол өз кезегінде бұл темір тұлпар иелеріне қауіпті. Салдарынан жол апаты да артып кеткен. Жаяу жүргіншілер болса жолдан өтудің өзі мұңға айналғанын айтады. Қала бойынша жол белгілерін салу мен бағдаршамның мүлтіксіз жұмыс жасауына "Жайық Жарығы" ЖШС жауапты. Осы мақсатта мердігер компаниямен құны 400 млн. теңге болатын үш жылға келісім жасалған. Жоспар бойынша биыл бөлінген қаражатттың 177 млн. теңгесі игерілуі керек екен. Алайда мердігер компанияның кестеден қалыс қалғаны былай тұрсын, жасаған жұмыстары да сапасыз болып шыққан.

Ал мердігер компанияның басшысы кеткен қателіктер мен ақаулардың бар екенін мойындады. Тек жоспардан қалуға белгілі бір себептер түрткі болғанын жеткізді.

Биыл әсіресе қала аумағын абаттандыру жұмыстары ақсап тұр. Гүлзарлардың бәрі жұтап, қурауда. Ал субұрқақтардың басым бөлігі мүлдем іске қосылмай құрғап қалған. Орал қаласында 25 субұрқақ болса, бүгінде тең жартысы ғана жұмыс жасап тұр. Оған қоса айналасы күл-қоқысқа толып, азып-тозып кеткен.

Субұрқақтарды күтіп ұстау жұмыстары бойынша аталмыш мекемеге 63 млн. теңге бөлінген. Қаражат ай сайын уақытылы аударылып отырады. Алайда субұрқақтардың жағдайы сын көтермейді. Мекеме басшысы бұған ауа райын сылтау етіп, жақын арада кемшіліктер жойылады деп сендірді.

Естеріңізге салсақ, тұрғындардың да көңілінен шықпай, наразалық танытуына себеп болған мәселелерді шешуге қала әкімі тамыз айына дейін уақыт берген еді. Енді екі тарап арасындағы түйткілді мәселе сотта қаралатын болады.

Тұрғындардың наразылығын естіп-біліп жүрген шаһар басшысы жауапсыз мердігерлердің өз істеріне салғырттығын сынап, осылайша біраз ескерту жасады. "Бірдің кесірі бірге тиеді",- демекші, мемлекеттің тапсырысын алған соң мердігерлер жұмысының мардымсыздығы мен сапасының сын көтермеуінен өзге мамандардың абыройына нұқсан келіп, көпке топырақ шашылатыны мәлім. Биыл әсіресе қала аумағын абаттандыру жұмыстары ақсап тұр. Гүлзарлардың бәрі жұтап, қурауда. Ал субұрқақтардың басым бөлігі мүлдем іске қосылмай құрғап қалған. Жарықтандыру мәселесі өз алдына бір бөлек әңгіме. Ымырт түсе орталық көшелер қара түнекке айналады. Орал қаласында 25 субұрқақ болса, бүгінде соның тек 8-і жұмыс жасап тұр. Қалғанының қашан қосылары белгісіз, айналасы күл-қоқысқа толып, азып-тозып кеткен.
Әкімнің бұлайша мердігерлерді жағадан алуы тегін емес. Айта кетейік, субұрқақтарды күтіп ұстау жұмыстары бойынша "ЖАЙЫҚ ЖАРЫҒЫ" ЖШС-мен 3 жылдық келісім шарт жасалған. Осы құжат бойынша мекемене 63 млн. теңге бөлінген. Қаражат ай сайын уақытылы аударылып отырады екен. Алайда субұрқақтардың жағдайы сын көтермейді. Мекеме басшысы бұған толассыз жауған нөсер себеп болды дегенді алға тартты.
Тұрғындардың да көңілінен шықпай, наразалық танытуына себеп болған мәселелерді шешуге қала әкімі тамыз айына дейін уақыт берді. Егер сол кезге дейін субұрқақтардың барлығы іске қосылып үлгермесе келісімшарт бұзылады деп қадап айтты. Сондай-ақ жиында көпжылдық және біржылдық жасыл көшеттерді күтіп ұстаумен айналысатын "Уланов" шаруа қожалығына да ескерту жасалды. Әсіресе, Зашаған кентінде егілген көшеттердің жағдайы мүшкіл. Күтіп-баптау жұмыстары жүйелі жүргізілмей, біразы қурап қалған. Қатаң ескерту алған қос басшы мәселе шешімін табады деп уәде етті.