Облыста жарияланған тазалық сенбілігі аясында өткен сенбі күні дәстүрлі тазалық шарасы өтті. Оған 30 мыңға жуық адам ат салысты.Қала 24 аумаққа бөлініді. Тазалық шарасына мемлекеттік және бюджеттік сала қызметкерлері, ардагерлер, спортшылар, өнер адамдары мен қала жастары қатысты.Көп салалы жол пайдалану кәсіпорны қоқыс тасу үшін 40  автокөлік бөлді, бұдан басқа мекемелер де тыс қалмады. Сенбілік кезінде қала көшелерін, скверлерді, тынымбақтарды тұрмыстық қоқыстардан, құрғақ бұталар мен жапырақтардан тазарту жұмысы жүргізілді. Тбиғат жанашырлары жол жиегін қураған шөптен тазартып, ағаштардың түбін әктеді. Сынған бұталарды жинастырып, күл-қоқыстан тазартты.

Көктем туғалы Орал қаласында санитарлық тазалық жұмыстары басталды. Қар астында жатқан көң-қоқыс, құрылыс қалдықтары мен құлаған ағаштардан көз сүрінеді. Шаһарда бейсенбі күні тазалық шаралары жүргізілген еді. Сенбілік ертең де өтеді деп жоспарланып отыр. Мәселен, 14 сәуір күні қала маңындағы 1 -ші және 2 -ші саяжай аумағын тұрмыстық қалдықтардан тазарту іс -шарасын ұйымдастырылды. Қала келбетін көркейтіп, жасыл желекпен көмкеру жұмыстарына мейлінше көп халықты жұмылдыру көзделген. Осы мақсатта арнайы акциялар іске асуда. 13-ші сәуір күнгі сенбілікке жоғары және арнайы оқу орындарының барлығы 1000 жуық студенті жұмылдырылған. 1502 қап қоқыс жиналып шығарылған. Оған қоса бизнес объектілеріне сенбілікке шақыру жөнінде 832 хабарлама таратылыпты.