Былтырғы су астында қалған саяжайларды тазарту жұмыстары жалғасуда. Орнына демалыс орны бой көтермек. Иә, апат айтып келмейді. Оның салдарын жоюмен қатар зардабын шеккен халыққа жағдай жасау оңай болмады. Енді міне, су астында қалып, жарамсыз жағдайға түскен үй қалдықтарын тазалау шаралары жалғасуда. Бір жылдың ішінде 30 мердігер 1800 үйдің орнын тазаласа, әлі де 900 осындай жарамсыз тұрғынжай бар. Бұл — үшінші саяжайдың аумағы. Мұндағы жалғыз баспанасы бар халық қоқыс айналған көрші үйлердің орындары жиналса дейді. Өйткені күл-қоқыс мазаларын әбден қашырыпты. Енді сүрілген баспаналар жері толықтай мемлекет меншігінде. Сол себепті болашақта бұл орындарда жасыл белдеу қалыптасып, тұрғындар тынығатын саябақ бой көтермек. Бұл туралы әкімдік өкілдері хабарлады. Ал саяжай аумағындағы қауіпсіздікті қалтықсыз орындау — өзекті мәселе. Полиция департаменті кезекшілік барын айтады. Қаңырап қалған үйлер саяжайлардың сәнін кетіріп тұрғаны да жасырын емес. Еуропаға қақпа саналатын қаламыздың кіре берісінде осындай көріністің тұрғыны өкінішті, әрине. Бірақ орнына жайқалған жасыл саябақ бой көтерсе, құпталық іс әрине.