Оралдық таэквондошы Алесандро Карбоне мен Данил Рубцов Грекияда өткен Еуропа чемпионатында алтын медальді қанжығалады. Сайыс Грекияның Ираклион қаласында ұйымдастырылды.

Оралдық екі оғлан Еуропа чемпионатында алтын медальді қанжығалады. Спорт сайысы тхаэквондодан ұйымдастырылды. Ел құрамасына іліккен жас спортшылар намысты қолдан бермей, жеңіс тұғырынан көрінді.

Еуропа чемпионатына оралдық екі спортшы ғана қатысты. Оның бірі-бірнеше жылдан бері әлем чемпионаттарының жеңімпазы болып жүрген Алесандро Карбоне мен болашағынан зор үміт күттірген Данил Рубцов еді. Жас өрендер сайыс алдында жарақат алып, жаттығулары қиынға соққан. Алайда бұған қарамастан жас тхаэквондошылар күніне 2 рет жаттығып, дайындықтарын пысықтапты.

Еуропада көк туды желбіреткен жас спортшылар енді Әлем чемпионаты мен әлем кубогына дайындықты бастап кетті. Келесі сайыс желтоқсанда Белорусь елінде өтпек. Еуропа чемпионатында Қазақстан атынан 15 спортшы ел намысын қорғады. Тхаэквондошылардың 5 алтынды қанжығалап, әнұранды грек жерінде әуелетті. Қазақстан құрамасы жас өрендердің арқасында командалық есепте 26 елдің ішінен 5 орынға табан тіреді.

Азаматтар карантин шектеулерінің бәсеңдеуіне байланысты спортпен шұғылдана алатын мүмкіндікке ие болмақ. Спортшылар да асыға күткен жаттығуларына біртіндеп оралып жатыр. Күшейтілген карантин кезінде ел намысын түрлі байрақты додада қорғап жүрген жандар үйде жаттыққан болатын.

Жаңа талаптарға сәйкес спортзалда жаттығатын спортшылардың баршасы ғимаратқа кіреберісте дене қызуын өлшетіп, санитайзармен қолын дезинфекциялайды. Осындай талаптар барлық спортзалдарда бірдей қолданылады. Жаңа ережелерге сәйкес біртіндеп спорт саласының мамандары жаттығуларын жалғастырып, дайындықтарын бастауда. Дзюдо спортын жанына серік қылған жандар да қызу дайындықтарына кіріскен.

Күшейтілген карантин кезінде барлық спортшылар үйде дайындықтарын жалғастырған болатын. Үйде отырып, спортпен шұғылданып, бабын жоғалтпаған балуандардың бірі-Тоқтар есімді азамат. Ол ел біріншіліктерінде өнер көрсетіп, бас жүлделерді қанжығалап жүр.

Дзюдо спорты олимпиада ойындарына жатады. Сала мамандары боз білемде белдесем деген жас балуандардың саны жыл сайын артып келеді дейді. Бүгінде спортзалда дайындықтарын бастаған спортшылар қарашада өтетін ел біріншілігіне әзірленіп жатыр. Республикалық додада топ жарған саңлақтарымыз Азия мен Әлем біріншіліктерінде өнер көрсетеді.

Қазақстан республикасының V жазғы Паралимпиада ойындарының Республикалық турнирі қыркүйек айының 12-сі мен 18-і аралығы күні Ақтөбе қаласында өткізілді. Аталмыш турнирден Азан Шаймардановтың басшылығымен аймағымыздың паралимпиада спортшылары, өңір топырағына байрақты жеңіспен оралды. Облысымыздан аталмыш Паралимпиада ойындарына аттанған 26 спортшының 7-уі ауыз толтырарлық нәтижеге ие болды. Солардың бірі пауэрлифтинг спорт түрінен өнер көрсетіп, 72 салмақ дәрежесі бойынша алтын медеальге ие болған Назгүл Ізмағамбетова.

Иә, бүгінгі күні аймағымызда 25 мыңнан астам мүмкіндігі шектеулі жан бар болса, олардың көңілдеріне демеу болып, қоғамнан аластатпауда мұндай спорттық шаралардың маңыздылығы ұшан-теңіз екені белгілі. Облыстық әкімдікке қарасты "Мүмкіндіктері шектеулі адамдарға арналған спорт клубы" аталған кембағал жандардың саулығына баса назар аударып,оларды спортқа араластырып келеді. Мәселен, аталмыш клуб ашылғанына небары 3 жыл толса да, онда 200-дің үстенде мүмкіндігі шектеулі жан шынығып, өңір жұртшылығы сүйсіне қарар паралимпиада жүлдегерлеріне айналуда.

Клубтың 20 спортшысы спорт құрамасының мүшесі атанса, 5 спортшы халықаралық класс шебері, ал 6 спортшы спорт шебер, 8-інің спорт шеберінің кандитаты атағы бар.

Бүгін "Сити Центр" ойын-сауық кешенінде кәсіпқой аралас жекпе-жектен өтетін «OCTAGON GLOBAL-2» халықаралық турниріне қатысушылар салмақ өлшеу рәсімінен өтуде.
Ал, негізгі кәсіпқой аралас жекпе-жек 2019 жылдың 14-қыркүйегінде сағат 19.00-де Орал қаласында «Мұз спорт сарайында» өтпек.Турнирге Ресей, Армения, Өзбекстан, Қырғызстан және Қазақстанның әр түкпірінен жекпе-жек майталмандары қатысатын болады.

Оралдықтардың сүйікті мекеніне айналған нысанның бірі-"Жастар" стадионы. Аталмыш стадион 40 жылдан астам Ақ жайық өлкесінде қысқы спорт түрлерін дамыту үшін білек сыбана жұмыстанып келеді. Биылғы жылы күрделі жөндеуден өткен нысан халықаралық стандарттарға сай жабдықталыпты.

Оралдықтарға 40 жылдан астам уақыт қызмет жасап келген "Жастар" стадионы биылғы жылы күрделі жөндеуден өтті. Жөнделуіне қыруар қаржы жұмсалған нысан бүгінде халықаралық стандарттарға сай.

Сала мамандары бірінші желтоқсаннан бастап, қала тұрғындары үшін конькимен сырғанау маусымын ашатындықтарын мәлімдеді.

Қазіргі таңда халықаралық стандарттарға сай келетін алаңда хоккейшілер жаттығуларын бастап та кеткен. Команда құрамында 18 адам жаттығып, шеберліктерін шыңдауда.

Биылғы жылы жөндеуден өткен стадион келер айда хоккейден Қазақстан біріншілігін қабылдамақ.

Теректі ауданына қарасты Подстепный ауылының тұрғындары арасында таэквондоға деген қызығушылық айқын байқалады. Бұл жердегі бес жастағы бала мен жиырма бестегі азамат та осы спорт түрін жанына серік қылған. Аталмыш спорт секциясы осыдан үш жыл бұрын өз жұмысын бастапты. Қазіргі таңда, бұл спорт түрі бойынша отыздан астам Постепныйлық өрендер шеберліктерін шыңдау үстінде. Елорда күніне орай ұйымдастырылған сайысты тамашалау үшін «Ақ жол» партиясының өкілдері де арнайы табан тіреді.

Ауылдық жерде таэквондо спорт түрінен балаларды тәрбиелеп жүрген жаттықтырушылар бұл салада да қордаланған мәселе аз емес. Ауылдық жерде бұл спорт түрінің кең қанат жаюына ғимараттың таршылық етуі қол байлап тұр,-дейді. Бапкерлер мен ата-аналардың көмектесуінің арқасында тозығы жеткен ғимарат біраз жөндеу көріп, балалар сүйікті секциясында шеберліктерін шыңдап жатыр.

Балалар - біздің болашағымыз. Ауылдық жерде өмір сүретін балалардың спортқа деген қызығушылығын арттыру үшін қолға алынып жатқан істер де аз емес. Алайда, облыс орталығының іргесінде орналасқан ауылға бір спорт кешенінің бой түзеуі артық етпесі анық.

1992-жылғы маусым айының 4-ші жұлдызы Қазақстан Республикасы тарихындағы ерекше мәртебелі күн. Бұл күн еліміздің мемлекеттік рәміздері - Туы, Елтаңбасы, Әнұраны дүниеге келген күн ретінде аталып өтіледі. Салтанатты шарада ұлттық гвардия сарбаздарымен тұңғыш президент алаңына жеткізілген көк байрағымыз жоғарыға көтерілді. Көк туымызды әлемдік додаларда биіктерден желбіретіп, еліміздің абыройын асқақтатып жүрген спортшылар мен қоғам тыныштығына үлесін қосқан жандарға марапат көрсетілді.

Жаңа алаңда орнатылған ҚР-ның туының көлемі 10 да 20 метр болады. Көк аспанда тербеле желбіреген байрақ патриоттық әндер әуеніне бөленген шараға қатысушыларға ерекше рух сыйлады. Шара концерттік бағдарламен жалғасын тапты.