сотталған – TDK-42

ШАРТТЫ ТҮРДЕ БОСАТЫЛҒАНДАР САНЫ 700-ДЕН АСҚАН

Evgeni St — Fri, 21 May 2021 12:02:33 +0000

Орал қаласының жергілікті полиция қызметінің инспекторлары шартты түрде мерзімінен бұрын босатылғандарды тексерді. Басты мақсат - бұрын істі болған адамдардың тарапынан жасалатын қылмыстар мен құқық бұзушылықтарды болдырмау, яки алдын алу. Осы мақсатта тіпті арнайы "Рецидив" атты жедел алдын алу іс шарасы оздырылды. Жалпы Орал қаласы бойынша ішкі істер органдарында 740 бұрын істі болған адам есепте тұр. Шара барысында 200-ден аса жазасын өтеуден шартты түрде мерзімінен бұрын босатылған жандар тексеріліп, олармен түсіндірме жұмыстар жүргізілді. Егер де тәртіп бұзушылық анықталса, хаттама толтырылып сотқа жіберіледі. Ол жерде тұлғаға қатысты шартты жазаны бостандығынан айыру жазасына өзгерту қаралады. Жедел алдын алу шарасы барысында 1 тұлғаға қатысты іс соттың қаулысымен бас бостандығынан айыру түріндегі жазаға өзгертілді. Демек азамат кері темір тордың ар жағына тоғытылады.

БҚО түзету мекемесінде сыбайлас жемқорлық бойынша 5 факті тіркелген

Эльмира Рахмешева — Thu, 31 May 2018 13:15:05 +0000

0:00 / 0:00

Бүгін облыстық сотта өткен конференцияда сыбайлас жемқорлықтың алдын алудың заманауи технологиялары, ресурстары мен механизмдері талқыланды. Қазіргі ел саясаты сыбайлас жемқорлыққа қарсы күресте жазалауға емес, алдын алу, профилактика тәсіліне көшіп отыр. Өтіп отырған ғылыми-практикалық конференцияның мақсаты - қылмыстық атқару жүйесі мекемелерінде сыбайлас жемқорлыққа қарсы іс-қимылдың жаңа технологияларын, жаңа күрес жолдарын, әдіс-тәсілдерін талқылау.

БҚО аумағында орналасқан 3 түзету мекемесінде 843 сотталушы жазасын өтеуде, оларды қадағалау 343 қылмыстық атқару жүйесі қызметкерлеріне жүктелген. 2015 жылдан бастап аталған сала бойынша 5 сыбайлас жемқорлық қылмысы тіркеліп, 3 тұлға жауапкершілікке тартылған. Негізінен қылмыстар сотталған тұлғаларды заңсыз шартты мерзімінен бұрын босату үшін пара алу түрінде жасалған.