Бүгін соңғы қоңырау-оқу жылының соңғы күні. Облыс орталығындағы С. Сейфуллин атындағы дарынды балаларға арналған №11 облыстық мамандандырылған мектеп-интернатында соңғы қоңырау салтанатты іс-шарасы өтті. Оған облыс әкімі Ғали Есқалиев қатысып, жас түлектерге сәт сапар тіледі.Салтанатты жиын 11 жыл бойы білім алып, республикалық, халықаралық білім додаларының жеңімпаздары атанған мектеп түлектерін құрметтеп қарсы алумен басталды. Соңғы қоңырау салтанатына арнайы келген облыс әкімі Ғали Есқалиев 25 мамыр есте қалатын ерекше күндердің бірі екендігін атап өтті.Бір қызығы, 69 түлектің осы қалайы жоқ, бәрі де білім, өнер байқауларында жетістікке жетіп, жеңімпаз атанып үлгергендер екен. Қоңырау үнін сағынып келген Сәкен мектебінің 2002 жылғы түлектері білім ордасы ұжымына шынайы алғыс білдіріп, 1 000 000 теңгенің сертификатын табыстады. Ұстаздар мен шәкірттерді мерекемен құттықтаған ардагер мұғалім Ерсайын Сапаров мектепте жабылып қалған бастауыш сыныптарды қайта ашу қажеттігін облыс әкімінің назарына ұсынды. Салтанатты іс-шарада жыл бойы жоғары жетістікке қол жеткізген ұстаздар мен шәкірттер алғыс хаттармен, арнайы сыйлықтармен марапатталды. Ал балаларын білім нәрімен сусындатқан ұстаздарға ата-аналардың айтар алғысы шексіз.

Бүгін оралдық 2285 оқушыға соңғы рет қоңырау соғылды. Мектеп түлектерінің жадында мәңгі сақталатын салтанатты шара биыл барлық санитарлық талаптарды сақтай отырып, ұйымдастырылды. Күні кеше ғана мектеп табалдырығын аттаған бүлдіршіндер бүгін 11 жыл білімін тәмамдап, үлкен өмірге қадам басты.

Мұқағали Мақатаев "Мектебің мынау класың ,
Осында он жыл тұрасың .
Тарыдай болып кіресің,
Таудай болып шығасың " деп жырламақшы, бүгін мектеп түлектері алтын ұя мектептерімен қоштасты. Биыл жұқпалы індеттің өршуіне байланысты соңғы қоңырау салтанаты үш түрлі форматта өтті.

11-сыныпты аяқтаған оқушылар үшін салтанатты шара таза ауада ұйымдастырылды. Олар мектеп ауласында соңғы рет сап түзеді. Соңғы қоңырау салтанатында мектеп түлектеріне сабақ берген мұғалімдері, ата-аналары жүрек жарды, ақжарма тілектерін білдірді. Үлкен өмірге қадам басқалы тұрған жас өрендер де алғыстары мен ыстық ықыластарын өлеңмен жеткізді.

11 жыл білім нәрімен сусындап, енді арман қуып талай қияға сапар шеккелі тұрған мектеп түлектерін сөзге тарттық.

Салтанатты шара соңғы қоңырау сыңғырымен өз мәресіне жетті.

Жалпы Орал қаласында биыл 2285 оқушы мектепті аяқтады. Оның 111-і "Алтын белгі" төс белгісіне үміткер. Енді оқушылар емхитандарын тапсырып, алған білімдерін ҰБТ-да дәлелдейді.

Қазақстанда 9 және 11 сынып түлектері үшін соңғы қоңырау салтанатын өткізуге рұқсат берілді. Ал облыс мектептері бұл рәсімге дайын екендерін жеткізді.Соңғы қоңырау 25 мамырда офлайн режимде оқып жатқан 9 және 11 сынып түлектері үшін өткізіледі. Сондай-ақ, санитария талаптарын қатаң сақтай отырып, 25 мамырға арналған іс-шаралар, соңғы қоңырау және биыл маусымның ортасында өтетін аттестат тапсыру офлайн режимде өтеді деп жоспарлап отыр. Айта кетейік, 2020 жылы Қазақстан мектептеріндегі соңғы қоңырау рәсімі ата-аналардың қатысуынсыз ашық аспан астында өткізілген болатын. Мәселен, Оралдағы №1 ЖББОМ-тен биыл 61 түлек қияға ұшатын болады. 2020-2021 оқу жылында облыс бойынша мектептерде 111 мыңға жуық оқушы білім алды. Олардың 6 мыңға жуығы 11 (12) сыныпты тәмамдайды. Оның ішінде Орал қаласы мектептерінен 2367 оқушы түлеп ұшқалы отыр. Енді «Алтын белгі» төсбелгісіне үміткерлердің емтихан жұмыстарын білім басқармалары жанындағы комиссиялар қарайтын болады. Мектептер бұрынғыдай оқу озаттарының тізімін өздері жасай алмайды. Комиссия емтихан жұмыстарын тексергеннен кейін нәтижелерін білім беру ұйымдарына жолдап, мектеп директорының бұйрығымен төсбелгі иегерлерінің тізімі бекітіледі. Биыл 11 сынып оқушыларының мектеп бітіру кезіндегі мемлекеттік емтихандары 2021 жылғы 1-10 маусым аралығында өтеді. 12 маусымға дейін емтихан жұмыстарының қорытындысы шығарылып, «Алтын белгі» иегерлерінің тізімі бекітіледі.

Биыл 2020 жылы қазақстандық мектептерде соңғы қоңырау онлайн түрде соғылды. Республиканың барлық аймағында министрлік бекіткен нұсқаулыққа сәйкес 1-10 сынып аралығында тәрбие сағаты ғаламтор желісінде өтті.

Биыл әлемдік пандемияға байланысты оқушылар мен студеттер сәуірден бастап қашықтан білім алу форматына көшті. 25-ші мамырда 1-10 сынып оқушылары үшін "Соңғы қоңырау" онлайн форматта өтіп, оқу жылы қорытындыланды. Оралдық Шынар Балешова есімді педагог осы оқу жылында мектеп табылдырығын аттаған 1- сынып оқушылары мен ата-аналарымен бірге оқу жылын қорытындылап, соңғы тәрбие сағатын ұйымдастырды.

Педагогтар биылғы пандемияға байланысты шәкірттеріне білім беруін жалғастырып, түрлі платформаны меңгеріп, баланы қашықтан отырып, оқытқан еді.

Сондай-ақ,  оралдық педагогтар көпқабатты үйлердің ауларына барып, оқу жылындағы соңғы қоңырауды сыңғырлата соқты.

Жалпы БҚО-да биылғы оқу жылын 108 мың астам оқушы аяқтады. 5142 оқушы мектеп түлегі атанып, түлектердің 362-сі "Алтын белгіге" және 223 оқушы "Үздік аттестатқа" ие болды.

Бүгін барлық мектептерде соңғы қоңырау соғылды. Облыста 5203 оқушы алтын ұя мектептерінен түлеп ұшып, үлкен өмірге қадам басты. Аймақтағы Назарбаев зияткерлік мектебіндегі соңғы қоңырау салтанатына БҚО әкімі Алтай Көлгінов арнайы қатысып, түлектерге арнаған тілектерін жеткізді. Биыл аталмыш білім ордасы түлектерінің 6-уы "Алтын белгіге" үміткер болып отыр.

Соңғы қоңырау салтанаты облыста 381 мектепте өтіп жатыр. Солардың бірі-Назарбаев зияткерлік мектебіндегі салтанатқа облыс әкімі Алтай Сейдірұлы арнайы қатысты. БҚО-ның Назарбаев зияткерлік мектебінде 7-12 сынып аралығында оқитын 520 оқушы оқу жылын тәмамдап отыр. Оның ішінде 85 түлек мектеп бітіруде. Аталмыш оқу орнында 120 оқытушы жұмыс жасаса, оның 10-ы шетелдік маман. Қазіргі таңда білім ордасының 14 түлегі алыс-жақын шетелдік университеттердің гранттарын иеленіп отыр.

Облыста биыл 5203 оқушы мектеп бітірсе, оның 3752-сі ҰБТ-ге қатыспақ. Зияткерлік мектептің шәкірті Талапов Азиз "Жылдық үздік оқушысы" атанды. Ал 8-ші сынып оқушысы Арсен Тастанов- "Үздік оқырман", Нұрбақыт Жоламан- "Үздік уикипедияшы" сынды номинацияларымен марапатталды. Салтанатты шара соңында "Бала шақтан болашаққа" деп аталған композициялық қойылым мен "Қоштасу" вальсі орындалып, түлектер үшін соңғы қоңыраудың үні сыңғырлады.

Мыңнан астам шәкірт білім алатын қалалық №1 мектептен биыл 56 түлек үлкен өмірге қадам баспақ. Оларға сәт-сапар тілеп, ізгі лебізін білдіруге қала әкімі Мұрат Рахметұлы да арнайы келді. Жиында сөз алған мектеп директоры барша оқушыларға ыстық ықыласын жеткізді. Биыл қала мектептеріндегі 1700ден астам түлек 11 сыныпты тәмамдайды. Оның 1300-і Ұлттық Бірыңғай тестте білімдерін сынап көрмек ниетте. 11 сыныптар үшін бүгін ерекше күн. 11 жыл бойы білім алған оқу ордаларынан алыстап, алтын ұяларынан түлеп ұшпақ. Болашақтарынан көп үміт күттіретін олардың арманы асқақ. Салтанатты шара соңында соңғы қоңырау сыңғырлап, талапты шәкірттер өз өнерлерін ортаға салды.