Батыс Қазақстан облысының бас шыршасының шамы жағылды.Мерекелік шырша облыс орталығында тұңғыш президент алаңында орналасқан.

Жыл сайын батысқазақстандықтар тәуелсіздік мерекесін атап өткен соң жаңа жылды мерекелеуді бастайды. Өткен жылдары мейрамға орай, қала көшелері безендіріліп, жаңа жылдық шыршаны күні бұрын құрып, өнерпаздардың концертімен шырша шамдарын жағатын еді. Биыл үрдіске біраз өзгерістер енді. Ауа райының қолайсыздығынан ба екен, шырша сенбі күні кешкі жетіге дейін құрылды. Сағат алтыға жоспарланған мерекелік шара бір сағат кешігіп басталды.

Шырша құрылғасын өнерпаздардың концерті басталды. Өнер иелері сахнаға шығып, әндерін шырқап, қала тұрғындары мен қонақтарына тамаша көңіл-күй сыйлады.

Боранға қарамастан шыршаның шамдарын жағуға келген жандардың көңіл-күйі көтеріңкі. Мерекелік шараны тамашалаған оралдықтарды сөзге тарттық.

Сала мамандарының таратқан ақпарына сүйенсек, 31-желтоқсан күні мерекелік концерт ұйымдастырылмақ. Тұңғыш президент алаңында өтетін шара отшашумен қорытындыланады.

Эстетикалық бағыттағы мектеп-гимназиясы өз жұмысын 1993 жылы бастады. Ол кезде оқушылар ескі балабақша ғимаратында білім алуға мәжбүр еді. Өткен жылы білім ордасы жаңа ғимаратқа көшті. Мектептің құрылысына «КПО б.в.» компаниясы есебінен 1,7 млрд. теңге қаражат кеткен болатын. Биыл зәулім ғимаратта жаңа оқу жылын 1395 оқушы бастады. Қазақ сыныптары да артып келеді. Алғаш кезде жеті қазақ сыныбы болған еді. Биыл мемлекеттік тілде білім беретін 17 сынып ашылып отыр.

Мектепте сапалы білім беруге барлық жағдай жасалған. Оқушылар бос уақытында хореография, көркем өнер үйірмелерімен қамтылады. Оған қоса білім ордасында «Менің аулам – менің бағым» жобасы жүзеге асуда. Жобаға шаһардағы 7 білім ордасы қатысуға ниет білдірген. Әрқайсысына сұрыбы әр түрлі алма ағашының 10-20 түбі берілген.

Сонымен қатар, мектеп ауласына 600 дана раушан гүлі егілген. Оған қоса, 12 түп алма ағашы және 15 шырша отырғызылған. Жаз маусымында оқушылар күтіп-баптау жұмысына тартылды. Олар гүлдерді суарып, арам шөптен тазартып, көгалдандыру жұмыстарына атсалысты. Алма бақтарында еңбек ететін шәкірттерге қалалық жұмыспен қамту орталығы арқылы 42 500 теңгеден төленген еді.

Айта кетсек, 1-4 сынып оқушылары толық күнмен қамтылып, үш мезгіл тамақ ішеді. Осы жерден тапсырмаларын орындап, үйлеріне тек тынығуға барады екен. Бұл ата-аналарға өте ыңғайлы жағдай екені анық. Мектепте 77 ұстаз болса, соның 53%-ы жоғары санатты.

Тұңғыш Президент атындағы алаңдағы шырша жүздеген түрлі-түсті шамдармен және ойыншықтармен безендірілген оның биіктігі 24 метрді құрайды. Қалалықтарды келе жатқан жаңа жылмен құттықтаған қала әкімі Мұрат Мұқаев биылғы жылдың жемісті болғанын атап өтіп, бірқатар атқарылған оң істерді баяндады.

Шығыс күнтізбесі бойынша, табалдырықты аттағалы тұрған жыл - доңыз жылы. Халық даналығында бұл жайлы жыл болып есептеледі. Халық та осыған үміт артып, 2019-шы жылы еліміздің толағай табыстарға қол жеткізетініне күмәнданбайды.

Қала бойынша биыл 5 шырша орнатылады. Олар қала көркінің сәнін келтірері хақ. Ал жаңа жылдық шаралар үшін 10,5 млн теңге қарастырылған. Шырша шамын жағу сәті түрлі қызықты ойындармен көңіл көтерілер шаралармен жалғасты.

Бүгін облыс орталығында Президент шыршасы өтті. Аталмыш шара жыл сайын ұйымдастырылып, жүздеген оқушыға жаңа жылдық тамаша көңіл-күй сыйлап, балалық шақтың естелігіне айналғандай. Биылғы жылы 180 батысқазақстандық оқушы Елбасының құттықтауын тыңдап, Президенттің тартуына ие болды. Еліміздің басты шыршасына арнайы келген оқшылардың 120-сы ауылдық өрендер, отыз шақты бүлдіршін облыстық мектептерде білім алып жатыр. 

Барлық оқушы жаңа жыл мерекесінің қарсаңында президент шыршасын асыға күтеді. Жыл сайын ұйымдастырылатын салтанатты шара биылғы жылы 180 бүлдіршіннің басын қосты.

Түрлі мультфильм кейіпкерлері мерекеге жиналған бүлдіршіндерге тамаша көңіл күй сыйлады. Олар шыршаны айналып ән шырқады.

Мерекелік кеш барысында оқушылар елбасының құттықтауын тыңдап, жаңа жылдық сыйлықтарға ие болды. Жалпы балақайларға арналған сыйлық үшін 16 млн теңгедей қаражат бөлінген. Әрбір балаға қысқы киім, мектеп формасы мен тәтті кәмпиттер сыйға тартылды.

Президент шыршасына келген әрбір бүлдіршінің көңіл-күйі көтеріңкі еді. Балақайлар өз өнерлерін ортаға салып, барша қазақстандықтарды құттықтады.

Президент шыршасынан кейін, барлық оқушылар "Сити центр" ойын-сауық орталығында орналасқан "Фанкитаунға" бармақшы.