Шымкент – TDK-42

Шымкентте ұшақ бортында табылған 111 мың доллар мемлекет кірісіне өткізілді

admin — Thu, 04 Oct 2018 05:52:08 +0000

Шымкент әуежайы © otyrar.kz

Шымкентте Ыстанбұлдан ұшып келген ұшақ бортынан табылған 111 мың доллар мемлекет кірісіне өткізілді. Бұл туралы Timeskz.kz Шымкент көлік прокуратурасына сілтеме жасап хабарлады. Қыруар ақша 2011 жылы табылған. Сол уақытта контрабандаға қатысты қылмыстық іс қозғалған болатын. Шетел валютасын тасымалдағандардың кім екені ақыры анықталмады - қылмыстың ізі суымай да, кейін де, сотқа дейінгі тергеуде де. Ведомство өкілдерінің мәліметінше, қылмыстық іс заңнамадағы өзгерістерге сәйкес тоқтатылған. Шымкенттің көлік прокуратурасы мағлұмдамасы жоқ валютаны мемлекет кірісіне өткізу туралы сотқа талап арыз берді. Абай аудандық соты талап арызды мақұлдады.

Дереккөз: https://kaz.tengrinews.kz/kazakhstan_news/shyimkentte-ushak-bortyinda-tabyilgan-111-myin-dollar-292482/

Оралдық науқас баланың ата-анасы алаяқтарға алданып, ақшасынан айрылды

Эльмира Рахмешева — Mon, 10 Sep 2018 13:25:19 +0000

Жығылғанға жұдырық! Шымкенттік алаяқтар науқас балаға деп қайырымды жандардардан жиналған ақшаны ұрлап кетті. Орал қаласының Серебряков кентінде тұратын денесінің сау тамтығы жоқ "хрустальды бала" жөнінде телеарнамыздан бейне материал көрсетілген болатын. Туа біткен жетілмеген сүйек дамуы дертінен зардап шегіп, төсекке таңылған Әділхан Бисембайұлының жағдайы ешкімді бей-жәй қалдырмады. Мұны көрген қайырымды жандар мүгедек баланының ата-анасының шотына ақша аударып, қаржылық көмек көрсеткен болатын. Бір күні қоңырау шалған белгісіз азамат балаға қажетті отаны тегін жасап беретінін айтып, Шымкент қаласына шақырады. Қуаныштары қойнына сыймай Шымкентке жеткен отбасыны қарсы алған адам өзін дәрігермін деп таныстырып, дәріге қажетті 145 мың теңгені шешіп беруін сұрайды. Жалдап алған пәтерде көмектесемін деген адамды күтіп шаршаған отбасы алданғандарын кеш сезеді. Абырой болғанда пәтер иесі жағдайды түсініп, оларды үйіне тегін паналатып отыр. Ал оның заңгер құрбысы қиындыққа тап болған отбасыға қол ұшын созып, құқықтарын қорғауға тырысуда. Ішкі істер органына арыз жазып, тергеу жұмысы қолға алынған болатын. Бүгінгі күні алаяқтардың біреуі анықталды деген хабар бар.

Орал қаласында "Евро-Азия 2018" турнирі өтіп жатыр

Tue, 03 Jul 2018 12:47:01 +0000

0:00 / 0:00

50 -ге тарта спортшы волейболда шынығуда. Оралдағы «Евро-Азия 2018» турнирінде Перьм, Самара, Шымкент, Қызылорда қалаларынан ат терлетіп келген жасөспірімдер кездесіп, бақтары мен баптарын сынап жатыр. Халықаралық деңгейдегі турнир Елордамыз Астананың 20 жылдығына арналып отыр. Дүбірлі додадан арна тілшісі хабардар етеді

«Евро-Азия 2018» турнирі жыл сайын өтетін дәстүрлі жарыс. Биылғы дүбірлі додада 8 команда бақ сынап жатыр. 2003-2004 жылғы жасөспірімдер Ресей Федерациясының Набережные Челны, Перьм, Самара қалаларынан және еліміздің бірқатар облыстарынан арнайы келген.
Ресейдің Қазан қаласынан ат терлетіп келген ойынның бас төрешісі де командалардың дайындығының мықты екендігін айтады. Спортшы қыздар жеңіске жетуге бар күш-жігерлерін салуда.
Төрт күнге созылатын халықаралық турнир соңында үздіктердің үздігі анықталып, арнайы марапатталмақ.