Осы айдың соңына дейін 4000-нан аса батысқазақстандық коронавирусқа қарсы вакцина қабылдауы тиіс. Бұл туралы бүгін COVID-19-ға қарсы іс-қимыл жөніндегі жедел штабтың отырысында облыс әкімі Ғали Есқалиев мәлімеді.Жедел штаб отырысында белгілі болғандай өңірде дәрі-дәрмек тапшылығы жоқ. Алайда Орал қаласындағы инфекциялық ауруханалар толымдылығы 90-пайызды құрайды. Облыстық денсаулық сақтау басқармасы басшысының м.а Арман Қалибековтың баяндамасында көрсетілгендей жыл басынан бері коронавирус инфекциясынан - 77 адам қайтыс болса, оның 65-і Орал қаласының тұрғындары.Облыстың бас санитар дәрігері Мұқамғали Арыспаев мутацияланған белгілері бар науқастар облыста тіркелгенін айтты. Британдық және оңтүстік африкалық штамдары бар бұл аурудың қаупі өте жоғары. Және тез жылдамдықпен жұғады.Сала мамандарының айтуынша «Алматы» және «Нұр-Сұлтан» қалаларынан кейінгі "қызыл" аймақтағы біздің өңірде жағдай өте нашар. Сол себепті алдағы күндері ауру көрсеткіші төмендемесе, карантиндік шектеу шаралары бұдан да күшейтілуі ықтимал. Шаһар басшысы Абат Шыныбековтың айтуынша, бүгінде қаладан бөлек кент окургтері аумағында 4 мониторингтік топ жұмыс жасайды. Мәселен, жыл басынан бері - 111 карантиндік талапты бұзу фактісі анықталып, 3,3 млн теңге айыппұл салынса, карантиндік шектеулерді ескермегендер ішінде «Палладиум» сауда үйіндегі «ФСБ» түнгі клубы бар. Аталмыш көңіл көтеру орыны бұған дейін де мониторингтік топ назарына іліккен болатын. Осы орайда қала әкімі бақылау және қадағалау шаралары үздіксіз жүретінін мәлімдеді. Штаб отырысында вакцина қабылдау шаралары туралы түсінік жұмыстарын одан әрі күшейту, тұрғындардың ерікті түрде екпе қабылдауына қажетті дұрыс ақпаратты беру керекті туралы облыстық денсаулық сақтау басқармасы мен қалалық әкімдік мамандарына тапысырма берілді. Айта кеткен жөн, өткен аптада облысқа 4900 Спутник V
препараты келсе, алдағы аптада тағы да вакцина тасымалданатын болады. Бүгінгі күні облыс бойынша барлығы - 6722 адам вакцина қабылдап үлгерсе, олардан препаратқа қатысты теріс пікірелер тіркелмепті.

БҚО бойынша бас мемлекеттік санитарлық дәрігердің келтірген мәліметіне сүйенсек, қарашаның бірі мен бесі аралығында коронавирусты жұқтырған науқастардың саны артқан. Бесінші қарашада 118 жағдай тіркелген. Сала мамандары індетті жұқтырған науқастардың 38 пайызы зейнеткерлер екенін айтады. Вирусты медицина қызметкерлері де жұқтырып жатыр. 8 ақ халаттының індетке шалдыққаны анықталыпты. Облыс аумағында коронавирус індетін көптеп жұқтыру фактісі тіркеле бастағандықтан бас мемлекеттік дәрігер 9-шы қарашадан бастап аймақта қосымша карантин шараларын енгізуді ұсынды.

Бас мемлекеттік санитарлық дәрігер Арыспаев штаб отырысында коронавирусты жұқтырған науқастардың саны артып жатқандықтан, карантин талаптарын күшейтуді ұсынды. Мамандар жаңа қаулыны дайындап қойған. Қаулы ауру көп таралып жатқан Орал қаласына кіріп-шығуға шектеу қоюға арналған.

Санитарлық дәрігердің облыс орталығына блок пост қою ұсынысына байланысты полиция қызметкерлері ойларын ортаға салды. Тәртіп сақшыларының сөзінше, жұмыс күндері базар жұмыс жасағандықтан, ауылдан қалаға тамақ алуға келетін жандардың қалың қарасын тоқтату қиын болады. Полиция қызметкерлері қаланы емес, облысты жабуды ұсынды.

Санитарлық дәрігер ауылдан қалаға келетін жандар әкімдіктерден анықтама алуларына болады,- дейді.

Штаб отырысында сөз алған облыстың бас прокуроры түрлі ұсыныс айтылып жатқанын, бірақ шешімді заңға сүйеніп, қабылдау керек деген пікірін ортаға салды.

Жиынды қорытындылаған облыс әкімі вирустың тез таралып жатқанына байланысты шектеу шараларын енгізу керек дейді. Штаб өкілдері қайтадан бас қосып, ұсыныстарды талқылап, шектеу шараларын 9-шы қарашадан бастап енгізбекші.

Облыстың санитар дәрігері қыркүйекте жұқпалы індетті жұқтырған 111 деректің тіркелгенін хабарлады. Науқастардың көбі Орал қаласы, Бәйтерек, Теректі және Бөрлі аудандарында тіркелген. Сырқатқа шалдыққан жандардың арасында егде тартқан қариялар көп. Еуропа елдерінде қайта тұтанған тәж тажалына облыстың билігі дайын ба? Кездесуде осы сұрақтарға жауап берілді. Жиын барысында аймақтағы жағдай тізбектеліп, атқарылған жұмыстар сараланған болатын. Сондай-ақ қазандықпен жылытатын үйлерге жылуды жақын күндері береді.

Штаб отырысында облыстың бас санитарлық дәрігері коронавирусқа байланысты эпид ахуалды баяндап шықты. Қыркүйек айында БҚО-да 111 вирусты жұқтыру дерегі тіркелген. Оның 43 пайызы Орал қаласында анықталыпты. Санитарлық дәрігер ауырған науқастардың ішінде зейнеткерлер көп екенін айтады. Және вахтада жұмыс жасайтын жұмысшылардың арасында ауру белгілері жоқ науқастар көп,- дейді.

Өткен айда тіркелген жұқпалы вирустың төртеуі шетелден келген. Шетел демекші, Ресейде коронавирус індеті өрши түскен. Күніне 10 мың науқастантан анықтап жатыр. Қазіргі көрсеткіштер мамырдағы жағдаймен пара-пар. Шекара қызметінің хабарлауы бойынша, күн сайын көрші Ресейден жүк көлігімен немесе ем алуға 3000-ға жуық адам өтеді. Мамандар қазір облыста көрші мемлекетте емделем деген жандардың қарасы қалың дейді. Тіпті шекарадан өту үшін жалған жүргізуші куәлігін жасағандар да анықталыпты. Қазіргі таңда алты адамды полиция департаменті тергеп жатыр. Шетелден келетін қауіптен бөлек, азаматтардың қоғамдық орындарда әлеуметтік арақашықты сақтауы мен бетперде тағып жүруі де сөз болды.

Және ешбір тыйым мен ескертуге құлақ аспай, әлі той мен садақа беруін тоқтапағандар бар. Мамандар Сырым, Жаңақала, Қазталов пен Шыңғырлау аудандарында той тыйылмай тұр,- дейді.
Жиынды қорытындылаған облыс әкімі күн райының салқындауына байланысты қазандықтармен жылытатын үйлерге жылу беру керек деп тапсырма жүктеді.