Орал қаласында бейбіт мақсаттағы митинг өтті. Еліміздің түпкір-түпкірінде осындай шеруге рұқсат сұраған наразы топтардардың талап-тілектері Оралда ғана қанағаттандырылды. Мәншүк Мәметова алаңында өткен шеруге шамамен 100- ден аса облыс тұрғыны қатысты.Митингте жиналған тұрғындар мен қоғамдық ұйым өкілдері еліміздегі саяси бастамаларда биліктің халықпен санасуын талап етіп қана қоймай, мәселелердің оң шешілуі үшін өздерінің ұсыныстары мен талаптарын ашық жариялады. Естеріңізге сала кетейік, президент Қасым Жомарт Тоқаев ұлттық кеңесте бейбіт шерулерге рұқсат етілгенін мәлімдеген болатын.
Айта кеткен жөн, бейбіт мақсаттағы шеру осыдан 7 жыл бұрын өткен болатын. Аталмыш акция заңды түрде ұйымдастырылғандықтан тәртіп сақшылары тек алыстан ғана бақылауға алып, шараның соңы келеңсіздікке ұласпауын қадағалады. Бұл жерде өңір үшін де маңызды мәселелер қозғалды. Мәселен, Орал-Атырау тас жолының бойында жол апаттарының көбеюіне байланысты темір жолы байланысын орнату қажеттігі баса айтылды. Бейбіт мақсаттағы митинг шамамен 3 сағатқа созылды. Наразы топтың сауалдарына сала мамандары жауап қатты.

Жастарды патриоттық рухқа тәрбиелеу мақсатында бүгін оқушылар арасында әскери-спорттық шеру өтті. Шеруге қаладағы 49 мектептің оқушылары қатысып, салтанатты түрде сап түзеді.

Шеруде оқушылардың алғашқы әскери дайындық пәні бойынша білік-дағдылары сыналып, патриоттық рухқа тәрбиелеу, әскери-спорттық мерекенің мәнін ұғындыру мақсат тұтылды. Жыл сайын дәстүр бойынша өтетін шараға әскери киім киген ұлдар да, қыз балалар да қатысып, сапқа тұрып, адымдады. Шеру білім басқармасы мен ардагерлер одағының бірлесуімен ұйымдастырылған.

Әскери шеру-оқушылар үшін өздерін отан қорғаушы ретінде сезінуге мүмкіндік береді. Ер балалар әскер қатарына дайындықты мектеп қабырғасынан бастайды. Шеруге қаладағы 49 мектептен командалық құрамда 24 оқушыдан қатысты.