Облыс орталығында набережная 82 мен тайманова көшесі 221-дені көп қабатты баспаналардың лифтісі биыл жөнделеді. Бұл туралы облыстық тұрғын үй коммуналдық шаруашылығы басқармасының мамандары хабарлады. Бүгінгі таңда облыста 1175 лифт бар, соның ішінде Орал қаласында - 943 лифт, Ақсай қаласында - 232 лифт орналасқан. Лифттердің көпшілігі ескі, тозығы жеткен, себебі олардың пайдалану мерзімі 25 жылдан асқан. Орал қаласында мұндай 190 лифт, Ақсай қаласында 40 лифт бар. Аталған мәселелерді шешу үшін ағымдағы жылы облыстық бюджеттен 323,2 млн. теңге бөлініп, 16 лифт ауыстыру жобасы іске асырылуда. Қаладағы көп пәтерлі баспаналардың бірі — Құрманғазы көшесіндегі 166 мекенжайындағы бес қабатты үй. 1975 жылдан бері жөндеу көрмеген бұл баспана биылғы жылы «Тұрғын үйлерді жаңғырту» бағдарламасы аясында жөнделмек. Үй тұрғындары аталған жаңғырту жұмыстарына дән риза.

Сол себепті пәтер иелері кооперативтеріне төбелерді қар мен мұздан тазарту туралы тапсырма берілген. Бүгін облыс орталығындағы ғимараттардың бірінде арнайы көлікпен сүңгілерді қағу жұмыстары жүргізілді. Ал қауіпті ғимараттар маңы қоршауға алынды.

Күннің райының құбылуы көше бойында аяқ алып жүруді қиындатты. Орталық көшелерді коммуналдықтар аршып, тұз сеуіп, қауіптің бетін қайтарғанымен, қосалқы көше бойларында жаяу жүргіншілер кібіртіктеп әрең қадам басады. Ал үй шатырларынан салбыраған сүңгілер мен төбені басқан қалың қардан келер зардап өз алдына. Сол себепті биік ғимараттар жаны қоршауға алынып, қауіпсіздік шаралары күшейтілген.

Тұрғын үй шатырларындағы қар мен мұздақтарды түсірумен пәтер иелері кооперативтері айналысады. Сондықтан дер кезінде оны ұйымдастырып, арнайы техника жалдау үйге жауаптылардың міндетіне енеді. Ғұмар Қараш көшесінің бойындағы осындай ғимараттардың бірінде бүгін арнайы жұмыс атқарылған болатын.

Қауіптің қайдан дері жоқ. Ендеше тайғақ жолда және айналасы қоршалған ғимараттар маңынан өткенде сақтанып жүруді ұмытпағайсыздар.

Кердері көшесіндегі 125 үйдің шатырынан су кеткелі біраз болыпты. 5 қабаттағы тұрғындардан маза кеткен. Себебі, жаңбыр жауған сайын шатырдан шелектеп су кетеді, кейін бұл судың салдарынан қабырға сөгіліп, баспананы жөндеу қажет болады. Алпысты алқымдаған Нина Блинова да осы қиындықтан мезі болған жандар қатарында. Жаңбыр суынан үйдегі түсқағаздар түсіп, асүйдің көретін жері жоқ.
Бұл үйге қарасты "Нұр" пәтер иелері кооперативіне де арнайы бас сұқтық. Бар мәселеден хабардар төраға зейнеткердің үйіне бірнеше мәрте барыпты.

Александр Лукьянов
Өткен жылы 14 пәтер тұрғынының үйін бірнеше мәрте тексердік барлығы да құрған қолды. Соңғы рет қараша айында барған кезде де барлығы жақсы болатын. Зейнеткер бізден үйдегі жөндеу жұмыстарын да жасауды сұрған. Алайда, біз мұнымен айналыспаймыз.

Алайда, Нина әжей шұрқ-тесік шатырдан көктемде тағы су кете ме деп алаңдайды. Оның алаңдауға да жөні бар, себебі жаңбыран кейін баспана дымқылданып, қара суық баспана ішіне кіретіні жасырын емес.

Нина Блинова

Мен бұл үйде салынғалы бері тұрамын, 42 жыл болды. Осы мәселемен күрескелі көп болды. Түсқағаздарды ауыстыра ауыстыра шаршадым. Су жарық желісіне барып, үйде өрт бола ма деп қорқамын

Ал ПИК төрағасы көктемге таман зейнеткердің үйін тағы бір мәрте тексеруге уәде берді.