Бүгін "AQ JOL" демократиялық партиясының ұйымдастырумен қысқы спорттық ойындардан шаңғы додасы ұйымдастырылды. Шаңғы арқылы шеберліктерін шыңдаған 20-дан аса қатысушы кім мықтыны анықтау үшін өзара бәсекеге түсті.Қысқы спорттық шара "AQ JOL" демократиялық партиясының ұйымдастыруымен өткізілді. Аяқтарына шаңғы байлаған 20-дан аса қатысушы бақтарын сынады. Ауа-райының қолайлығына байланысты ашық аспан астында өткен шараға қатысуға ниет танытқандар қатары көп болғанымен эпидемиологиялық жағдайға байланысты жас ерекшеліктеріне қарамастан 20 адамның қатысуына ғана рұқсат берілді.Белгіленген тәртіп бойынша, жылдамдықты талап еткен сында қатысушылар 2 шақырым қашықтықта жарысты. Әсіресе қариялар өздеріне көңіл бөлінгеніне дән риза. Олар үшін бастысы -жарыста орын алу емес, көңіл көтеріп, табиғатқа етене жақындай түсу. Ал жастар болса: "Мұндай шаралар көптеп ұйымдастырылса",- дейді.Ұйымдастырушылар қатысушылардың дайындығын жоғары бағалады. Шаңғышылардан ерлер арасында жүлделі орынды Радмир Ахмедшин иеленсе, әйелдер арасында Мария Бровкова жеңісті қолдан бермеді.

Қаламызда алғаш рет  әртүрлі санаттағы мүмкіндгі шектеулі балалар арасында шаңғымен жүгіруден қалалық жарыс өтті. «Динамо» спорттық  базасында өткен спорттық додаға  ауа- райының суықтығына қарамастан, 40 тан аса салауатты өмір салтын ұстаған балалар қатысты. Аяқтарына шаңғы байлап алаңға жиналғандардың бәрі де көңілді. Мамандардың айтуынша мұнда олар тек бір-бірінің күшін сынап қана қоймай, жаңа достар да тауып, рухани дами түседі.Бұл күнгі жарысты қалалық дене шынықтыру бөлімінің қолдауымен, Орал спорттық кешенінің ұжымы ұйымдастырды.  Ұлдар -1500 метр, ал қыз балалар -800 метр қашықтықта  сынға түсті. Шаңғы жарысына  бағын сынаушылардың ішінде бұған дейін чемпион атанғандар да бар. Солардың бірі - Айлуна есімді қыз бала.Жарыс қорытындысы бойынша Мейрамбек Аманша, Айбол Арыстанов, Дина Иржанова, Актілек Душева, Нұрқайыр Еркіновтер үздіктер қатырынан табылды. Тағдырдың сынынан сүрінбей өтіп, қоғамда өз орнын таба білгендер ұйымдастырушылар тарапынан сыйлықтармен марапатталды

Қаламызда ардагерлер арасында  қысқы  қалалық спартакида жалауын көтерді. Сайысқа  салауатты өмір салтын сақтаған 50 ден  аса ардагер қатысты. Дәстүрлі қысқы спартакиада «Орал » спорт клубы мен  қалалық  спорт және дене шынықтыру  бөлімінің ұйымдастыруымен өткізілді. Онда  аяқтарына шаңғы байлаған қариялар бақтарын сынады. Ауа-райының қолайлығына байланысты өткен жылдағыға қарағанда жарысқа қатысушылар қатары көбейген.Белгіленген тәртіп бойынша,жылдамдықты талап еткен сында ерлер 3 шақырым қашықтықта сынға түссе,әйелдер 1 шақырым қашықтықта жарысты.Қариялар өздеріне көңіл бөлгендігіне  дән риза.Олар үшін бастысы жарыста орын алу  емес, көңіл көтеріп,табиғатқа етене  жақындай түсу.Ұйымдастырушылар қатысушылардың дайындығын жоғары бағалады. Шаңғышылардан ерлер арасында жүлделі орынды Александр Туркот пен Раниль Қудряқов иеленсе, әйелдер арасында Ирина Храмцова мен Лариса Платицына жеңісті қолдан бермеді.