Көктем туғалы Орал қаласында санитарлық тазалық жұмыстары басталды. Қар астында жатқан көң-қоқыс, құрылыс қалдықтары мен құлаған ағаштардан көз сүрінеді. Шаһарда бейсенбі күні тазалық шаралары жүргізілген еді. Сенбілік ертең де өтеді деп жоспарланып отыр. Мәселен, 14 сәуір күні қала маңындағы 1 -ші және 2 -ші саяжай аумағын тұрмыстық қалдықтардан тазарту іс -шарасын ұйымдастырылды. Қала келбетін көркейтіп, жасыл желекпен көмкеру жұмыстарына мейлінше көп халықты жұмылдыру көзделген. Осы мақсатта арнайы акциялар іске асуда. 13-ші сәуір күнгі сенбілікке жоғары және арнайы оқу орындарының барлығы 1000 жуық студенті жұмылдырылған. 1502 қап қоқыс жиналып шығарылған. Оған қоса бизнес объектілеріне сенбілікке шақыру жөнінде 832 хабарлама таратылыпты.