Махамбет Өтемісұлы атындағы Батыс Қазақстан университетінде «Рухани жаңғыру» институтының ұйымдастыруымен «Тәуелсіздік - тәуекелі тұратындардың еншісінде» тақырыбында 2-ші облыстық әдістемелік семинары өтті. Шараның басты мақсаты-Алаш тұлғаларының тәуелсіздігімізге тірек болар қанатты қағидаларын жаңа ұрпақ бойына сіңірту. Өңірге белгілі тұлғалар мен педагог мамандардың қатысуымен өткен жиынға облыстық мәслихат депутаты Бағдат Ізмағанбет те қатысып, мемлекеттік тіл дәрежесі туралы түйдекті ой қозғады.

Орал қаласында алғаш рет заңнамалық және заңға тәуелді нормативтік актілерде сыбайлас жемқорлыққа жол бермес үшін арнайы сараптама жасайтын сарапшыларды жасақтауға арналған арнайы семинар өтті. Шараға қорғаушылар, сыбайлас жемқорлыққа қарсы арнайы мониторингтік топ мүшелері мен белсенді азаматтар қатысты. Мақсат: біреу жемқорлыққа жол бермей, заң жобаларының тиімділігін арттыру.

Биылғы жылдан бастап барлық қабылданатын заңнамаларға жіті сараптама жасалмақ. Бұл өз кезегінде жаңа нормативтік құжатта жемқорлыққа жол бермес үшін керек. Сараптаманы арнайы сарапшылар корпусы зерттейтін болады. Қазіргі таңда осы сарапшы боламын деген жандарға арналған семинар ұйымдастырылып жатыр.

Сарапшы болам деп ниет білдірген жандар екі-үш кезеңді қамтитын семинардан өтіп, алған білімдерін растайтын сынақта тест тапсырады. Кейін, сарапшылар заңнамаға толықтай сараптама жасай алады. Бірақ, сарапшыға қысым көрсетілмес үшін талдау жасап жатқан жанның аты-жөні құпия болмақ. Оның сараптама материалы дайын болғаннан кейін, бұқаралық ақпарат құралдарында жарияланады. Бірақ, заңнаманы немесе жергілікті жерде заңнамалық құқықтық актілерді қабылдап отырған тарап, сарапшының ойымен келіспеуі мүмкін.

Сыбайлас жемқорлыққа қарсы іс-қимыл департаментінің мамандары жүргізген сыртқы талдаудың нәтижесінде облыс көлемінде жемқорлыққа жол беретін 3 дерек анықталыпты. Қазіргі таңда оларды түзету жұмыстары басталған.

Батыс Қазақстан облысында 140-қа жуық медиатор қызмет жасайды. Олар араздасқан азаматтармен жүздеседі. Кейін, мәселені анықтай отырып, қос тараптың көңілінен шығатын шешім қабылдап, түйінді сотқа дейін шешуге жұмыстанады. Бұл өз кезегінде сотта қаралатын істердің санын азайтып, бітімгершіліктің қанат жаюына мүмкіндік береді. Өркениетті елдерде медиация саласы 20- ғасырда кеңінен дамып, Ақш, Австралия мен Ұлыбритания сынды елдерде өз бастауын алған. Түйіткілді мәселені оңтайлы жолмен шешу үрдісі Қазақстанда 2011 жылы қабылданған заң жобасына сай жұмыс жасай бастады. Десек те, көне тарихтың парақтарына үңілсек, ертеректе, күрделі мәселелерді билер шешіп, әділдігін айтып, дауласқан тараптарды татуластырып отырды. Дала өркениетінің бір бөлігі бүгінгі күнде көрініс тапқанын Орал қаласына арнайы медиаторлардың кәсіби біліктілігін арттыруға келген мамандар да растап отыр. Еліміздің аумағында медицина мен білім саласында қаралатын түрлі даулардың медиация тәртібімен өз шешімін табуы үшін Нұр-сұлтан мен Қарағанды қалаларында арнайы тәжірбие қолға алынған. Аталмыш бастама биылғы жылдың аяғына дейін ұйымдастырылады деп жоспарланған. Сала мамандары жоба аясында туындаған жанжалдардың тең жартысы медиация тәртібімен қаралғандығын айтады.

Назарбаев зияткерлік мектебінің оқу әдісін басқа мектептерге үйрету қажет. Себебі оқушылардың қазіргі заманға сай білім алуы керек. Бұл ретте қала мектептерінен бөлек алыс аудандар мен ауылдық жерлердегі мектептердің өзі осы Назарбаев зияткерлік мектебінің әдісімен білім беріп бастаулары қажет. Сондықтан да Орал қаласындағы Назарбаев зияткерлік мектебінің мұғалімдері аудандарды аралап семинарлар өткізіп жүр.Осы жолы зияткерлік мектептің ұстаздары мен оқушылар Ақжайық ауданында болды.Қазіргі заманда баланың жақсы білім алуы үшін ата - аналар барын салып жақсы мектеп іздейді.Орал қаласындағы бір ғана Назарбаев зияткерлік мектебі бүкіл облыстың балаларын қамти алмасы белгілі.Сондықтан да жақсыны көрмекке, білмекке дейтін ұстаздар үшін Назарбаев зияткерлік мектебінің мұғалімдері арнайы семинарлар өткізіп тұрады.
Семинар барысында оқушыларға арнайы тапсырмалар беріліп жұмыс жүргізілді. Баланың шығармашылық ойлауы мен тұлғалық қалыптасу үшін қажетті делінетін әдістер мұғалімдер үшін атап айтылды.Бұдан бөлек мектеп директорларының орынбасарлары үшін де арнайы дәріс оқылды. Бұл жерде біліммен қоса тәрбие жұмысын алып жүру мәселесі талқыға салынды.
Қазір орта мектептердің бәріне осы Назарбаев зияткерлік мектебінің әдісін енгізу мәселесі қолға алынып отыр.Ол үшін алдымен мектеп мұғалімдерінің өздері арнайы семинарлардан өтеді.
Заманға сай тәрбие мен білім беру ісін қолдайтын Назарбаев зиятерлік мектебінің ұжымы өткізген бұл семинар Ақжайық ауданының мұғалімдері мен оқушылары үшін тиімді болғаны сөзсіз.

Қала ішінде қатынайтын жүргізушілер қайтадан жол жүру ережесін естеріне түсіру және кәсіби шеберлігін шыңдау үшін арнайы семинар-тренингке қатысты. Басты мақсат - жолаушыларды тасымалдайтын қоғамдық көліктердің қауіпсіздігін арттыру . Атыраудан келген жаттықтырушылар мұндай тапсырыстар жиі келіп түседі. Біздер әсіресе, медицина саласы қызметкерлерінің біліктілігін шыңдауға көмектесеміз,- дейді.

Қазіргі таңда, қаламыздың ішінде қатынайтын қоғамдық көліктердің қатысуымен жол көлік оқиғалары жиі орын алып тұрады. Ал, автобустарды тізгіндеген жүргізушілер болса, ертеректе, біздерге өзге жүрзушілер жол беруші еді. Қазір сыйластықтан ештеңе қалмады. Мұндай семинар-тренингтер әсіресе, жас жүргізушілерге керек,-дейді.

Қала тұрғындары қоғамдық көлікке көңілдері толмай отыр. Тұрғындардың сөзінше, автобустардың іші шаң болып, бір-бірімен жарысуларын доғармайтын көрінеді.

Атыраудан келген жаттықтырушылар бұл семинар- тренингтен кейін, жол көлік оқиғаларының орын алуы сирей түседі деп болжайды. Аталмыш семинардан соң, қаламыздың тас жолдарында жол көлік оқиғалары азаяр деп сенейік!

Екі күнге жоспарланған «Білім беру мазмұнының жаңару аясында педагогикалық мамандарды даярлау мәселелері» тақырыбындағы республикалық семинарға жиналған мұғалімдер кадр тапшылығы, «білім бейінінің» ерекшелігі, жаңартылған 12 жылдық білім мазмұнын талқыламақ. Білім саласындағы тағы бір жаңалық - колледж студенттерінің «қолданбалы бакалавриат» дипломына қол жеткізу мүмкіндігі болып отыр. Бұл колледж студенттерінің нарықтағы бәсекеге қабілеттілік қасиеттерін нығайтуға сеп болмақ.