Қазынадан жылда саяси партияларға қомақты қаржы бөлінеді. Премьер-министрдің орынбасары – қаржы министрі Ерұлан Жамаубаев Праламенттегі үш саяси партияны қаржыландыруға жыл сайын бюджеттен 8 млрд теңге бөлінетінін айтты. Сенаттың жалпы отырысынан соң тілшілердің алдына шыққан бас қаржыгерге "Amanat партиясына жылда бір миллиард доллар бөлінеді деген ақпарат рас па?-деген сұрақ қойылған еді. Алайда, вице-премьер бұл мәліметті жоққа шығарды.

ЕРҰЛАН ЖАМАУБАЕВ – ҚР ПРЕМЬЕР-МИНИСТРДІҢ ОРЫНБАСАРЫ, ҚАРЖЫ МИНИСТРІ "Бұл шындыққа жанаспайды. Бізде партиялардың, Мәжілісте отырған барлық партияның қаржыландыруы туралы толық ақпарат бар. Заң жүзінде қабылданған белгілі бір есептеулер бар, солардың негізінде қаражат бөлінеді. Үш партияғ,а бөлінетін жалпы сома 8 миллиард теңге шамасында жаңылмасам. Бұл бір жылға арналған, республикалық бюджетте бар"

Өздеріңізге мәлім, қазір Парламент Мәжілісінде үш сасяи партия бар. Олар -Amanat, Ақжол және Қазақстан халқы партиясы. Яғни бұл партияларды ұстап тұру үшін қазынадан қомақты қаржы бөлініп отыр. Қаражат сайлаудан кейін парламенттегі депутаттар саны бойныша бөлінеді. Яғни «Amanat» партииясы басқаларына қарағанда көбірек қаржы алады. Сасяаттанушылардың айтуынша, бюджетті билік партиясы бақылап отыр. Себебі, қала әкімдері мен ауыл әкімдері түгел сол партияға мүше. Ал қалалық және аудандық маслихаттарда да билік партиясының өкілдері басым. Осылайша, саяси партия мемлекеттен қыруар қаржы ала отырып, парламентте жеті пайыздан артық дауыс жинай алмаған өзге партиялардың алдында көп басымдық ие болады. Саяси беделі де артады. Өйткені жақтаушылары көп. Пратияның бағдарламасын, имиджін жақсарту үшін сарапшылар мен кеңесшілерді тарта алады. Сайлауалды кампаниясын жүргізу барысында БАҚ беттерінде ақылы материалдарын да жариялауға мүмкіндігі бар. Саяси бәсеке жоқ жерде, басымдыққа ие болған партия өз үстемдігін жүрзіге береді дейді саясаттанушылар.