31-мамыр- саяси қуғын-сүргін және ашаршылық құрбандарын еске алу күні. Қазақ жерінде репрессия өткен ғасырдың жиырмашы жылдарында басталды. Сол кезде Голощекиннің саясатының кесірінен млн.-даған адам ашаршылық кезінде көз жұмып, ату жазасына кесіліп, жер аударды. Алаш арыстарының рухына тағзым еткен қазақ елі қанды қырғынның құрбандарын тебірене еске алды. "Ақ жол" партиясының өкілдері марқұмдардың аруағына құран бағыштап, ескерткішке гүл шоқтарын қойды.

"Ақ жол" партиясының өкілдері саяси-қуғын сүргін мен ашаршылық құрбандарын еске алды. Партия өкілдері ең алдымен ұлт-азаттық көтерілісте ерлікпен қаза тапқан батырлар Махамбет пен Исатайдың ескерткіші басына барып, бабалардың рухына бас иіп, тағзым жасады.

Кейін "Ақ жолдықтар" саяси -қуғын сүргін мен ашаршылықтан қаза тапқан боздақтарға арнап қойылған ескерткішке Алашордалықтардың суреттерін ала келді.

Партия өкілдері өткен ғасырда ел үшін жандарын пида қылған бабалар рухына құран бағыштады.

"Ақ жолдықтар" бүгінгі шараның мақсаты ауқымды,- дейді. Олар кешегі күні ел үшін опат болған азаматтардың ерлігін бүгінгі ұрпаққа насихаттап, түсіндірудің маңызы зор деп есептейді.

Қазақ халқына тарих сахнасынан жоғалып кету қатері бірнеше мәрте төнді. Соның бірі -өткен ғасырдың 25-ші жылы басталған репрессия еді. Голощекиннің саясатының кесірінен 25 мың адам ату жазасына кесілді. Атылған жандардың ішінде ел үшін табанды еңбектеніп, азаттық үшін күрескен алып тұлғалар жазықсыз жаланың құрбаны болды. Алашорда үкіметінің көрнекті тұлғалары атылып, қазақ халқының қабырғасы қайысты. Олардың ел үшін атқарған өлшеусіз еңбегі бүгінгі тәуелсіз Қазақстанның іргетасын қалады. Ауыр нәубет жылдары млн.-даған адам ашаршылықтың кесірінен көз жұмып, мыңдаған адам жазықсыз сотталды. Оларды қамауда ұстау үшін Қазақстан аумағында 11 түрме бой түзеді. Жазықсыз жала арқалаған азаматтардың жанұялары да зардап шекті. 1925 жылы басталған "Кіші қазан" революциясы ашаршылықпен жалғасып, өзге ұлт өкілдерінің елімізге қоныс аударған болатын.

Өткен жексенбі күні оралдықтар саяси қуғын-сүргін мен ашаршылықтан қайтыс болған жандарды еске алып, зират басына барып, марқұмдардың рухына тағзым етті. Марқұмдарға арналған ескерткіш басында құран бағышталып, шіркеу қызметкерлері діни жоралғысын жасады. 1997 жылдың 31-ші мамырынан бастап Елбасының жарлығына сәйкес, солақай саясаттың құрбаны болған жандарды еске алу шарасы ұйымдастырылып келеді. Зұлматты жылдарда мыңдаған адамға жазықсыз жала жабылып, млн.даған боздақ өмірімен қош айтысты.

Қазақ халқы ғасырлар бойына түрлі қиындықтарды еңсеріп, талай зұлматты жылдарды бастан кешті. Тарихтан белгілі "Ақтабан шұбырынды, Алқакөл сұламадан" басталған кешегі "репрессияға" дейінгі зобалаңда қазақ ұлт ретінде жойылып кетудің аз-ақ алдында қалды. Жаппай қуғын-сүргінді Филипп Глощекин орнатып, қазақтың жүздеген зиялы қауымын ату жазасына кесті. Солақай саясат орын алған 1921 жылдан бастап 1954 жылдар аралығында КСРО-да шамамен 3 млн 700 мың күнәсіз азамат қуғын-сүргінге ұшырады, оның 600 мыңға жуығына өлім жазасы берілді. Ал қалғандары ұзақ мерзімге бас бостандығынан айрылды. Осы боздақтардың рухына тағзым жасап, құран бағыштап, гүл шоқтарын қойды.

Қазақстан өткен ғасырда млн.даған халқынан айырылып, ашаршылықтың зардабын тартып, жазықсыз жаза арқалап, темір торға қамалғанына қарамастан, жер аударылып көшіп келген өзге ұлт өкілдеріне пана болып, қолындағы барымен бөлісті. Тарихта таңбаланған әрбір ерлік бүгінгі ұрпаққа үлгі.

Жақында президент Қасым-Жомарт Тоқаев зобалаң жылдардың құрбаны болған жандарды ақтау үшін арнайы мемлекеттік комиссия құру туралы шешіп қабылдаған болатын.