Санитарлық талаптардың күшейтілуіне негізгі себеп - дерттің дендеуі. Мәселен, 16-шы наурыздан бері өңір ауру таралу көрсеткіші бойынша қызыл аймақтар тізімінде. Сол себепті Орал қаласының кіреберісіне және Ақжайық, Бөрлі, Бәйтерек, Теректі, Қазталов және Шыңғырлау аудандарында блок-бекеттер қойылды. Блок-бекеттер Орал қаласы аумағындағы жеті орында жұмысына кірісті. Мәселен, әр блок-бекеттен күніне шамамен 700-800 қатынайды. Бұл қаланың «Желев» бағытына қойылған блок-бекеті. Облыс орталығына қызмет бабымен қатынап жүрген тұрғындар өткен жылға қарағанда бірқатар мәселенің бар екенін айтады. Анығын айтқанда таңғы және кешкі уақытта ұзын-сонар кезектің кесірінен жұмысқа кешігіп жүргендерін жеткізді. Әзірге шектеудің қашанға дейін созылары белгісіз. Блок посттар арқылы күніне шамамен үш мыңға жуық көлік өтеді. Ал блокбекеттерден құрылымдық күштер мен денсаулығына байланысты емделу мекемесіне арнайы жолдамен жіберілгендер кедергісіз өте алады.

Тұрғындардың қорғаныш имунитетін көтеру бағытында барлық шаралар қолға алынуда.  Санитарлар болса  дүрлігіп жатқан халықты сабырға шақырады. Дәріханалардағы медициналық маскалардың тапшылығы тек қана өңірге емес еліміздің барлық аймақтарына тән мәселе болып отыр. Өйткені, медициналық маска өндіретін фармацевтикалық кәсіпорныдар саусақпен санарлық. Дайындалған өнім ел тұрғындарын толықтай қамтамасыз ете алмай отыр. Оның үстіне қорғаныш құралына сұраныс нақ осы сәттегідей болмаған. Ал, санитарлар болса дәл осы жағдайды құлқының қамы үшін пайдалынып отырғандардың бар болуы мүмкін екенін жоққа шығармайды. Яғни біреуге мал, біреуға жан қайғы. Дәріхана кіреберістерінде медициналық масканың жоқ екені туралы хабарлама ілініп тұр.Сақтансаң сақтармын демекші, облыста науқастарды оқшаулайтын арнайы орындар дайындала бастады.  Солардың бірі Теректі ауданындағы Ақжайық шипажайы.  Осыған алаңдаған жұрт жергілікті дәрігерлердің қауіпті кеселге қарсы тұра алмайтынын айтуда. Көңілі күпті тұрғындармен кездескен шенеуніктер карантинге шетелден келген облыс тұрғындары жатқызылады деп, сабырға шақыруда.Бұл тек дайындық жұмыстары деп сендірді шенуніктер.  Яғни, шетелді шарлап келген азаматтар 14 күнге карантинге жатқызылады. Ал олардан ауру белгілері байқалса, бірден Оралдағы инфекциялық ауруханаға алып кетеміз деп отыр. «Бірақ кез келген жағдайға дайын болу үшін ауыл-аймақтағы ауруханалардан орын дайындап қою міндетіміз», - дейді сала мамандары. Облыста індет жұқтырған азаматтар тіркелмеген. Бірақ желтоқсан айынан бері 100-ден астам тұрғын карантиннен өткен екен. Ал қазір шет ел аумағыннан келген 50 батысқазақстандық үй жағдайында оқшауланған. Күн санап күдікке іліккендер қатары азайып келеді,- дейді дәрігерлер.