Мониторингтік топ жұмысы тек хабарлама түскен сәтте ғана тексеру шараларын ұйымдастырады. Бұл туралы мониторингтік топ басшысы Аслан Жармұқанов мәлімдеді. Яғни, бүгінгі күні көпшілік шаралар азайып, көптеген кәсіпкерлік субъектілері "Ашық" мобильді қосымшасы арқылы жұмыстануда. «Ashyq» мобильді қосымшасы арқылы бүгінгі таңда 391 кәсіпкерлік субъектісі жұмысын бастаса, тағы 329 нысанда тестілеу режимі аяқталған. Жаңа жүйе мониторингтік топтар жұмысын жеңілдетіп отыр. Атап айтқанда қосымша арқылы тұрғындардың денсаулыққа қатысты статусы автоматты түрде анықталатындықтан мониторингтік топ бұдан былай тек шағым түскен нысандарға ғана тексеру жүргізе алады. Мониторингтік топтың басшысы Аслан Жармұқановтың айтуынша, бүгінгі күні «Ashyq» қосымшасын орнатқанымен, ол арқылы жұмыс жүргізбей отырған нысандар бар. Ескерту шаралары жүргізілуде. Олқылық екі рет қайталанса, онда кәсіпкерлік субъектісінің бірден екі айға жұмысын тоқтату туралы шешім шығарылады. Оралда 20 мониторингтік топ болса, бүгінде оның 8-і белсенді жұмыс тәртібіне көшкен. Ал облыс бойынша 138 топ жұмыс жасайды.  Жыл басынан бері Оралда құзырлы мекемелерге 184 материал түскен. Санитарлық талаптарды сақтамаған Айбат, Юбейлейный, Алтынбас, Бәйтерек, Қоржын және Самал банкет залдары сот шешімімен екі айға жұмысын тоқтатыпты.

Осыдан бірнеше күн бұрын, оқушының білім беру ұйымында сөмкесімен құлап қалғандығы туралы бейнежазба әлеуметтік желіде кеңінен таралды. Желі қолданушылары бүлдіршіннің құлап қалғандығына байланысты түрлі пікір білдіріп, баланың денсаулығына алаңдайтынын жасырмады. Санитарлық дәрігерлер 1-3ші сыныпта оқитын оқушылар 1 жарым екі келі болатын оқулық пен оқу құралдарын алып жүруі керек,- дейді. Ал, 4-5-ші сыныптың оқушылары 2-2,5 килограммнан аспайтын салмақты көтеруі тиіс.

Жазғы демалыс уақытында балалардың бос уақытын тиімді ұйымдастыруды көздеген демалыс лагерьлері жақын күндері өз жұмысын бастайтыны белгілі. Биылғы жылы да өзге жылдар секілді қала аумағында 4 жазғы лагерь қызмет жасамақ. Инфекционист мамандардың сөзінше, оқушылардың демалыстарын ұйымдастыратын лагерьлердің баршасы  санитарлық тұрғыда тексерілгеннен кейін, арнайы рұқсат қағаздарын алып қызметтеріне кірісіп, бала қабылдайтын болады. Лагерь қызметкерлері медициналық тексерістен өткеннен кейін, жұмысқа жіберіледі. Сондай-ақ, жазғы сауықтыру лагерьлерінде балалардың тамағы да мамандардың бақылауында болмақ. Оларға қойылатын талап та күшті. Әрбір тағамның тиісті маркировакасы мен сертификаты болуы тиіс.