самбо – TDK-42

Самбо күресінен және әскери самбодан халықаралық турнир (16.08.2019)

admin — Fri, 16 Aug 2019 15:00:45 +0000

Самбо күресінен және әскери самбодан халықаралық турнир Аскар Шайхиевті еске алуға арналған.

0:00 / 0:00

Самбо күресінен және әскери самбодан ерлер арасында Халықаралық турнир өз бастауын алды

Evgeni St — Tue, 13 Aug 2019 13:50:13 +0000

0:00 / 0:00

Дүбірлі додаға Ресей, Өзбекстан, Армения, Грузия және еліміздің Нұр-Сұлтан, Алматы, Қарағанды, Ақтөбе, Атырау, Маңғыстау, Түркістан, Батыс Қазақстан облыстарынан 200-ге жуық спортшы қатысуда. Айтулы турнирдің ерекшелігі - бас жүлдеге жылдағыдай аса ауыр салмақтағы спортшылар қатыстырылмай, барлығына теңдей мүмкіндік беріліп отыр.

Жарысқа келген балуандардың бірқатары түрлі сайыстарда шындалып, жоғарғы шыңнан көрінгендер. Олар 11 салмақ дәрежесінде боз кілемде белдеспек. Өңір абыройын Нығмет Серікбай, Болатхан Райымқұлов және Бақыт Ерасыл сынды балуандар қорғамақ. Солардың сапында Румения елінің Бухарес қаласындағы чемпионатта Әлем чемпионы, Маңголияда өткен жарыста Азия чемпионы атағын иеленген Нұрбол Серіков те бар. 74 келі салмақта өнер көрсеткен жерлесіміз, 2 белдесуді сәтті артқа тастап, ақтық айналымға жолдама алып отыр.

Асқар Шайхиев – қазақтан шыққан самбо күресінен әлем чемпионы еді. Көзі тірісінде Қазақстанға еңбегі сіңген спорт шебері, Әлем кубогының иегері атанды. Көптеген халықаралық турнирлерде топ жарғаны тағы бар. Бір басына мұншама атақ-абыройды сыйдырған дарабоз балуанның ғұмыры қысқа болды. Оның спорт саласына сіңірген өлшеусіз еңбегі ғасырлар бойы жаңғырары сөзсіз.

Дүбірлі дода

Ажар Хамитова — Thu, 08 Aug 2019 11:57:42 +0000

0:00 / 0:00

Орал қаласында тамыздың 13-і мен 14-і күндері самбодан әлем чемпионы Асқар Шайхиевті еске алуға арналған дәстүрлі турнир ұйымдастырылмақ. Байрақты дода биыл да халықаралық деңгейде болады. Ақ жайық өлкесінде Шайхиевті еске алуға арналған жарыс 2000 жылдардан бері оздырылып келеді. Алайда, 2014 жылдан бастап халықаралық сипат алды.

Биыл аталмыш дода халықаралық деңгейде бесінші мәрте өтеді. Күреске Ресей, Қырғызстан, Грузия, Армения, Өзбекстан елдерінің палуандары қатысуға өтініш беріп үлгерген. Спортшылар 11 салмақ дәрежесі бойынша боз кілемде белдеспек. Байқаудың ұйымдастырушылары бас жүлдеге қойылған көліктің иесін жеребе тарту арқылы анықтаймыз,- дейді.

Асқар Шайхиев- Сырым топырағының тумасы. Марқұм көзі тірісінде КСРО- мен халықаралық сайыстың жеңімпазы атанып, әлем чемпионы ретінде ел намысын талай додада қорғады.

Жалпы Ақ жайық өлкесінде 800-ден астам балуан самбомен шұғылданады. Сала мамандары халықаралық сайыс Азия мен Әлем чемпионатында бақ сынауы үшін тапсырмас мүмкіндік,-дейді. Ал, мықтылар белдесуін екі күн бойына теннис орталығында тегін тамашалауға болады.

Іріктеу сайыс

Ажар Хамитова — Wed, 17 Apr 2019 13:04:01 +0000

Полиция қызметкерлері боз кілемде белдесіп, үздік палуандарды анықтады. Құқық қорғау саласының қызметкерлері самбо күресінен физикалық дайындығын пысықтаған болатын. Шараға 24 команда қатысты. Мақсат біреу: құқық қорғау саласындағы үздік команданы анықтап, республикалық сайысқа іріктеу. Жеңіске жеткен спортшылар тамыз айында Талдықорған қаласында ұйымдастырылатын республикалық додаға жолдама алады.

Қалалық турнир

Ажар Хамитова — Tue, 16 Apr 2019 12:21:47 +0000

Облыс орталығында спорт ардагері, шеберлер арасында екі дүркін әлем чемпионы атанған, полиция полковнигі Мұхамбетжан Төреғалиұлы Төреғалиевті еске алуға арналған самбо күресінен спорттық дода өтті. Аталмыш сайыс жасөспірімдер арасында ұйымдастырылып отыр. Турнирге арнайы Ақтөбе мен Атырау қаласынан келген командалар мен 12 аудан және қалалық спортшылар боз кілемде белдесіп, шеберліктерін шыңдады. Он бес команда сабында 8 балуан күресіп, чемпиондыққа таласты.

Ресейлік палуан автокөлікті тізгіндеді

Ажар Хамитова — Fri, 17 Aug 2018 09:35:52 +0000

Екі күнге жалғастан палуандардың сайысы өз мәресіне жетті. Аталмыш торқалы тойға Армения, Қырғызстан, Ресей, Грузия мен Қазақстанның 200 палуаны қатысқан болатын. Ақ жайық өлкесі самбоның туған жері саналғандықтан да, Асқар Шайхиевті еске алуға арналған халықаралық турнир биылғы жылы бесінші мәрте ұйымдастырылып отыр. Сайыстың екінші күнінде абсолютты салмақта Ресейдің Рустем Арсланов есімді палуаны қарсыластарынан айласын асырып, жарыстың басты ұтысы автокөлікті тақымдады. екінші орынды Батыс Қазақстандық Олжас Сүйлеменов иеленсе, жүлделі үшінші орынды қазақстандық палуандар қанжығалады.

Оралда самбодан xалықаралық чемпионат салтанатты түрде ашылды

Ажар Хамитова — Wed, 15 Aug 2018 11:20:17 +0000

Ақжайық өлкесінде Асқар Шайxиевті еске алуға арналған xалықаралық турнир басталды. Самбо мен әскери самбодан ұйымдастырылып отырған аламан жарыс биылғы жылы бесінші мәрте болып өтпек. Халықаралық белдесуде Қазақстанның 17 облысынан келген және бес елдің палуандары өнер көрсетіп жатыр. Бұл жарыстың басты жеңімпазы автокөлікті тақымдамақ. Халықаралық турнир екі күнге жоспарланып отыр.

Оралда Асқар Шайхиевті еске алуға арналған самбодан турнир өтеді

Ажар Хамитова — Tue, 14 Aug 2018 11:55:43 +0000

Облыс орталығында самбо мен әскери самбодан халықаралық турнир ұйымдастырылмақ. Аталмыш шара КСРО кубогының иегері, Кеңес одағының чемпионы, әлем чемпионы Асқар Шайхиевты еске алуға арналған. Бұл турнирге алыс жақын шетелмен Қазақстанның 17 облысынан ат артып спортшылар келмекші. Аламан додада 200-ден астам палуан өнер көрсетіп, кім мықтыны анықтамақ. Биылғы жылы бесінші мәрте ұйымдастырылатын сайыстың басты ерекшелігі абсолюттық салмақ дәрежесінде белдесулер болып отыр. Бұл белдесуден жеңген палуан автокөлікті қанжығаламақшы.