Биылғы жылдың 7 айында өңірдегі банктердің бөлімдері 119 млярд теңге несие берген.Бұл блтырғымен салыстрғанда 23 пайызға көп.Бұл туралы Ұлттық банктің облыстық филиалының мамандары айтып отыр.Оның ішінде жеке тұлғаларға 58 млярд теңге сомасында несие берілген.Ал, депозиттер көлемі 11 пайызға артқан.

Батыс Қазақстандықтар несие алуды көбейткен. Биылғы жылдың алты айында жергілікті филиалдар 120 млрдқа жуық несие беріпті. биылғы жылдың бірінші шілдесіне кредит бойынша берешек сомасы 234 млрд теңгені құрады. Берешектер де өткен жылмен салыстырғанда шамамен 16 пайызға артып отыр.

Биыл валюталық заңнаманы сақтау бойынша 6 уәкілетті ұйымдардың қызметі тексеріліп, бастапқы статистикалық деректерді беру тәртібін бұзу мәселелері бойынша 3 әкімшілік іс қозғалып, 3 әкімшілік жаза қолданылыпты.

2018 жылғы жағдай бойынша облыс экономикасының нақты секторы мониторингіне қатысушылар саны 159 кәсіпорынға тең. бұл республика бойынша қатысушылардың жалпы санының 5,3 пайызын құрайды.

Енді аталмыш бағдарламамен тұрғын үй алуға берілетін несиенің бастапқы жарнасы 20 пайызды құраса жеткілікті. Ал бұрын жарна 30 пайыз болып келген еді. Бұл жөнінде бүгін өңірлік коммуникациялар қызметінде өткен брифингте "Тұрғын үй құрылыс жинақ банкі" АҚ БҚОФ директорының міндетін атқарушы Айгүл Наурзалиева мәлімдеді. Енгізілген өзгерістер-халықтың әлеуметтік аз қамтылған тобын баспанамен қамтуды көздеп, әр отбасыға тұрғын үйдің қолжетімділігін арттыруға бағытталған.

-"Тұрғын үй құрылыс жинақ банкінің салымшылары үшін жағымды жаңалық. "Нұрлы жер" бағдарламасына өзгерістер енгізіліп отыр. Енді салымшылардың жылдық мөлшерлемесі 5 пайыз болатын жеңілдетілген заемді алуы үшін шоттарында үй бағасының 20 пайызын құрайтын бастапқы жарна болса жеткілікті. Банк салымшыларына мемлекеттік бағдарлама аясында бой көтерген Зашаған кентіндегі жаңа дамып келе жатқан "Көктем" атты ықшамауданнан тұрғын үй ұсынуға әзір. Мұндағы пәтерлердің бір шаршы метрінің бағасы 131000-140000 теңге аралығында",-дейді "Қазақстанның тұрғын үй құрылыс жинақ банкі" АҚ БҚОФ директорының міндетін атқарушы Айгүл Наурызалиева.

Бір бөлмелі пәтердің бағасы 5 млн. 639 мың теңгені құраса, бастапқы жарна 1 млн. 127 мың теңге болуы тиіс. Несие бойынша ай сайынғы төлем алғашқы 8 жылда 41 мың теңгені құраса, кейін ол 26 мың теңгеге төмендеп, тағы 11 жылда өтеп отыруға бөлінеді. Алдағы 2 жылда бағдарлама аясында тұрғын үй құрылыс жинақ банкі салымшылары үшін 1903 пәтерден тұратын 13 үй салынбақ. Бұл өткен жылдарға қарағанда 2 есеге көп.

Банк салымшыларына арналған тағы бір бағдарлама "Өз үйім" деп аталады. Қатысушыларға жылдық мөлшерлеме 7 пайызға, алғашқы жарна 20 пайызға төмендеп отыр. "Өз үйім" бағдарламасының артықшылығы-банк қатысушылардың меншігінде мүліктің бар-жоғына қарамайды.