Салық – TDK-42

357 МЛН ТЕҢГЕ САЛЫҚ ТӨЛЕНБЕГЕН

Ажар Хамитова — Tue, 21 Sep 2021 11:53:13 +0000

Күні бүгінге дейін 23 700 мыңға жуық оралдық уақытылы салық төлемепті. Бүгінгі таңда олардың бережағы 357 млн 700 мыңды құрап отыр. Бұл туралы мемлекеттік кірістер басқармасының мамандары хабарлайды. Темір тұлпар тізгіндеген жүргізушілер мемлекет қазынасына 315 млн теңгедей қарыз. Сала мамандары салықты уақытылы төлеуді ескертеді. 2020 жылғы жер мен мүліктің салығын азаматтар 2021 жылдың 1-қазанына дейін төлеп үлгеруі керек. Егер төлем кешіктірілсе, күн сайын өсіппұл қосылмақ. Ал, 2021 жылдың көлік салығы 2022 жылдың 1-сәуіріне дейін төленуі шарт. Мамандар салықтан жалтарған жандарды іздестіру үшін арнайы рейд шараларын ұйымдастыруда.

Сурет https://atameken.kz/ сайтынан жүктелді

500 млн. теңге салық өндірілмеген

Ажар Хамитова — Wed, 28 Apr 2021 12:09:33 +0000

Бүгінгі таңда Орал қаласы бойынша мемлекетке салық берешегін төлемей жүрген 30 мыңға жуық тұрғын бар. Олардың қарызы 500 млн теңгені құрап отыр. Сала мамандары салық төлеуден жалтарып жүрген жандарды жолда бағып, тізгіндеген көліктерін полиция қызметкерлерімен бірге анықтап, тоқтатты. Тіпті, бір темір тұлпарды айыппұл тұрағына алып кетті.

Полиция қызметкерлері жолда салық басқармасы мен жеке сот орындаушыларымен бірге арнайы рейд ұйымдастырды. Аталмыш шара барысында салықтан жалтарып жүрген жандар анықталды. Мысалы, мына темір тұлпардың жүргізушісі 200 мың теңгедей салықты төлемегені белгілі болды. Мамандар салық қарызын өндіру мақсатында жүргізушінің қымбат көлігін айыппұл тұрағына алып кетті.

Осы жүргізуші секілді Оралдың 30 мыңнан астам тұрғыны түрлі салық бережағын уақытылы төлемеген. Бүгінде қарыздың көлемі 500 млн. теңгеге жуықтапты. Жеке сот орындаушылары салық, алимент, коммуналдық төлем бойынша қарыздарын өндіру үшін түрлі санкциялардың қолданылатынын айтады.

Салық, жеке сот орындаушылары мен полиция қызметкерлерінің бірлескен шарасы алдағы уақытта да өз жалғасын таппақ.

Бақылау аспаптары қойылатын болады

Evgeni St — Thu, 01 Oct 2020 13:15:53 +0000

Жанармай құю қызметін есепке алатын бақылау аспаптары қойылатын болады. Айта кетейік, БҚО аумағында 136 автожанармай бекеті қызмет көрсетеді. Соның 76-сы Орал, Ақсай қаласында орналасқан. Бүгінде 100 пайызында есепке алатын бақылау аспаптары орнатылған. Ал қалған 60 бекет ауылдар мен кенттерде жұмыс жасайды. Олардың 90 пайыздан астамына есепке алу құралы қондырылды. Барлығы 2021 жылдың 1 қаңтарынан Ұлттық ақпараттық технологиялар АҚ жүйесіне қосылуға дайын. Бұндай қондырғылар салықтың уақытылы өтелуіне сеп болып, кәсіпкерлер мен билік арасындағы ашықтықты арттырады дейді сала мамандары.

Жер мен мүлік салығын 1-қазанға дейін төлеу керек

Ажар Хамитова — Thu, 24 Sep 2020 12:37:23 +0000

Оралдықтардың жер, мүлік және көлік салығы үшін 516 млн теңгедей қарызы бар. 53 мыңнан астам азамат мемлекетке мүліктері үшін тиісті салығын төлемей отыр. Мамандар 1-қазанда мүлік пен жер салығын төлейтін уақыт аяқталатынын айтады. Межелі уақытқа дейін азаматтар салығын толықтай өтеуі шарт. Қазіргі таңда салықты төлеу үшін қала тұрғындары жаппай кезекке тұрып, берешекті өтеуде. Сол себепті мамандар осы сенбіде салықты қабылдайтын бөлім таңғы тоғыздан кешкі беске дейін жұмыс жасайтынын хабарлайды. Және салықтың берешегі туралы ақпаратты колл орталыққа хабарласып білуге болады. Қарыз соммасын екінші деңгейлі банктер мен пошта арқылы төлесеңіз де болады.

Игерілмеген жерлер

Evgeni St — Tue, 21 Jul 2020 06:23:13 +0000

Батыс Қазақстан облысында 2019-2020 жылдары 871 мың га жер пайдаланылмай жатқандығы анықталды. Мемлекет қарамағына 95 мың га болатын пайдаланылмай жатқан жер қайтарылды. Осы қайтарылған жерлердің ішінен ауыл шаруашылығы айналымына 28 мың га енгізілді. Игерілмеген жерлердің үлесі бойынша Сырым және Тасқала аудандары алдыңғы орындарда. БҚО жер қатынастары басқармасының бастығы Мұрат Өмірәлиевтің сөзі бойынша уақытылы игерілмей жатқан жерлерді анықтау бойынша жұмыстар қатаң түрде жүргізіліп жатыр екен.
Уақытылы пайдаланбаған жер анықталғаннан кейін иесіне бір жыл көлеміндегі мерзімде мүмкіндік беріледі. Осы уақыт ішінде жер игерілмесе әкімшілік шаралар қолданылады. Үшінше ретте жерді әділет органдары арқылы тәркіленіп, конкурстық негізде басқа жұмыс істейтін шаруашылықтарға беріледі. Өз кезегінде салық төлеушілермен уақытылы жұмыстану арқасында Үкіметке 15 миллион теңге көлемінде жер салығы аударылды. Жиынға қатысқан Ғали Есқалиев алған жерді ретімен пайдаланбай отырған кейбір агроқұрылымдарды жете тексеру керектігін атап өтті
Аймақтағы жер инспекциясының тексерісі 20-шы шілдеден басталады.

Түбіртекті талап ет, жүлдені ұтып ал!

Ажар Хамитова — Thu, 16 Jul 2020 10:46:55 +0000

Биыл да түбіртекті талап етіп ақшалай сыйлық ұтып алуға болады. Жыл сайын салық комитеті ұйымдастыратын акция өз жалғасып тапқан. Науқан 12-ші мамырдан 31-ші желтоқсанға дейін ұйымдастырылады. Мамандар түбіртекті "Wipon" бағдарламасына жүктеп, күн сайын 200 теңгеден бастап, 500 мың теңгені ұтып алуға болатынын айтады. Және биыл түбіртекті қасақана бермейтін кәсіпкерлермен күресу үшін қоғамдық бақылау жүзеге аспақ. Бұл акцияның мақсаты-құқық бұзушылықты видеоға түсіріп, бағдарламаға жүктеп, ұялы телефонға 1000 теңге ақшалай сый алуға болады. Бүгінгі күнге дейін 450 өтініш келіп түскен. Сала мамандары түбіртекті бермеген кәсіпкерлерге бірінші ескерту беріліп, айыппұл салынатындығын хабарлайды.

Сурет ғаламтордан жүктелген

Салық төле!

Ажар Хамитова — Thu, 18 Jun 2020 11:07:08 +0000

0:00 / 0:00

33 мыңнан астам оралдық көлік, мүлік және жер салығын уақытылы төлемей, мемлекетке 350 млн теңгедей бережақ. Бұл туралы мемлекеттік кірістер басқармасының мамандары хабарлайды. Мамандар салықтан жалтарған жандарды анықтап, бережақты қайтару үшін арнайы рейд шараларын ұйымдастыруда.

Мемлекеттік кірістер басқармасының таратқан ақпарына сүйенсек, 33 мыңнан астам оралдық дер кезінде салық төлемей отыр. Азаматтар жер, көлік және үй салықтарының төлемін кешіктіріпті. Қазіргі таңда бережақтың құны 350 млн теңгені құрап отыр. Ең көбі темір тұлпарды тізгіндеп жүрген жандарға тиесілі.

Салықты өндіру үшін мемлекеттік кірістер басқармасы, полиция қызметкерлері мен жеке сот орындаушылары арнайы рейд шараларын ұйымдастыруда. Мамандар "Ураган" полиция көлігімен салықтан жалтарып жүрген жандарды анықтап, олардың көлігін тоқтатады. Сол бойда қалтасында тиісті қаражаты бар жүргізушілер бережағын төлеп те жататын көрінеді.

Күні бүгінге дейін рейд шарасы барысында салықтан жалтарып жүрген жандардың тоғыз көлігі айыптұрағына қойылған. Қазіргі таңда тоғыз темір тұлпардың иесі бережағын толықтай өтепті. Салықты үш айдан артық төлемей жүрген жандардың шетелге шығуына, көлігі және жылжымайтын мүлігіне шектеу қойылып, жалақысының бір бөлігін ұстап қалу сынды шаралар қолданылады.

Орал қаласында 35 мың адам салық төлемеген

Ажар Хамитова — Thu, 14 May 2020 10:44:22 +0000

2020 жылы оралдықтар жер, көлік және мүлік салығы бойынша мемлекетке 353 млн теңге қарыз болыпты. 35 мың адам төлеуге тиіс бережағын әлі күнге төлемей жүр. Сала мамандары салық кодексіне енгізілген соңғы түзетулерге сәйкес, 2019 жылғы жер мен мүлік салығын биылғы жылдың бірінші қазанына дейін төлеуі тиіс. Ал темір тұлпардың салығын көліктің иелері 31-ші желтоқсанға дейін төлеуі шарт. Сала мамандары салықты уақытылы төлемеген жандар бережақтың үстіне өсімпұлды бірге төлейтіндігін ескертеді. Жеке сот орындаушылар бережақты қасақана төлемей, мемлекетке қарыз болған жандардың ісімен айналысады.

Сурет ғаламтордан жүктелген

Жарнама жарылқай ма?

Fri, 12 Apr 2019 10:50:34 +0000

0:00 / 0:00

Жарнама беру енді ақылы болады.Бұрын көшенің кез -келген бұрышына жарнама жапсыра беретіндердің аяғына енді тұсау салынады.Себебі ҚР Жарнама туралы заңына өзгерістер еніп, заң күшіне енді.Енді кез - келген кәсіпкер, ол тіпті табысты кәсіпкер болсын, жұмысты жаңадан бастаған жас кәсіпкер болсын әр жарнамаға ақша төлейді.Атап айтсақ, көшедегі LED экрандардағы жарнаманың әр қайсысы ақылы болады.Таяқтың екі ұшы болатыны секілді бұл заң жобасы да екі жақты ,пайдалы тұсы да бар, бизнеске тигізер кесірі де бар.Бұл заң жобасы кәсіпкерлер үшін тиімсіз болса да, қала тазалығы үшін жақсы болмақ.Бұрын көшенің кез - келген жеріне жалбыратып жарнама ілетіндер енді азайатын болады.Одан қалса әріп қатесіне көз сүрінетін тақтайшалар мен сұрықсыз жарнамалар сүйікті қаланың көркін кетіріп жүрген .Жарнама туралы заңға енген өзгерістен кейін енді әр жарнама жапсыру үшін сіз ақша төлейтін боласыз.
Заң жобасында жарнамаға не жатады, не жатпайды бәрі анық көрсетілген.Қабырғада, есіктерде ілулі тұрған жұмыс графиктері, ақпараттық мақсаттағы жадынамалар жарнама болып саналмайды.Бұрын кәсіпкерлер LED экрандарда жарнама беру үшін бір мәрте төлем жасап келсе, енді сол LED экрандағы әр жарнамаға ақша төлейтін болады.Одан бөлек кез - келген кәсіпкер жарнама беру үшін алдымен рұқсат алу керек болады.
Бұл заң жобасы кәсіпкерлер үшін қиын соққалы тұр.Енді әр қадамы үшін ақша төлеу керек болады. Тіпті өзінің жеке мейрамханасы мен дүкенінің сыртына да жарнама іле алмайды.Өзімдікі деп өзеуреуге болмайды. Жарнама бердіңіз, ақша төлейсіз.Себебі жарнама ол табыс шақырушы құрал.Енді әр табысыңыз үшін салық төлеуге міндетісіз.Жарнама агенттіктері үшін енді бәрі қиындай түседі. Айтпақшы әлеуметтік желіде отырып алып, ананы -мынаны жарнамалайтындар да ақша төлейтін болады.
Жарнама бергеніңіз үшін ақша төлейсіз, егер ол ережені бұзсаңыз айппұл төлейсіз. Егер жарнамада дөрекі сөздер, ғайбаттаулар болса 1 мил дейінгі аралықта айыппұл төлейсіз.Бәрін айт та, бірін айт, бәрі үшін ақша төлейсіз.Елбасы бизнесті дамытындар, кәсіпті қолдаңдар деп қақсап жатқанда, бұл заңның қайдан шыға келгенін апам да, жездем де білмей отыр.

Кассалық құралдар түгел болуы тиіс

Айнур Құрмашева — Thu, 22 Nov 2018 07:46:56 +0000

Бұл жолы Алтын алма базарындағы жеке кәсіпкерлер нысанаға алынды. Мәселен түрлі ойыншықтар мен көздің жауын алатын қызылды жасылды жаңажылдық бұйымдарды саудаға шығарған бұл кәсіпкерде ешқандай кассалық апарат болмады.Кассалық апарат пайдаланбайтын саудагерлер заң алдында жауап беруі тиіс,- дейді мамандар. Бұл шара сыбайлас жемқорлықтың алдын алуға бағытталғандықтан, кәсіп иесіне салық органның мамандары ескерту жасады.
Заң бойынша енді барлық сауда орындары, тіпті ойын сауық орталықтары да кассалық апараттарды орнатуы тиіс. Соның ішінде постерминалдарды қою да бүгінгі күннің басты талабы. Мамамандар бұған да баса назар аударды. Арнайы үн парақтар таратып түрлі кеңестер берді.
Бір жолғы ескерту шараларларын ескермегендер 30 айлық есептік көрсеткіш бойынша айұппұл төлейтін болады.