сақ болыңыздар – TDK-42

Былтыр темір жол апатынан 3 адам қайтыс болған

Ажар Хамитова — Thu, 25 Feb 2021 12:56:44 +0000

БҚО-да темір жолда 7 адамның қатысымен апат болған. Соның салдарынан 3 адам қаза тапты. Бұл туралы көліктік бақылау инспекциясының мамандары хабарлайды. Темір жолдағы апатты азайту мақсатында мамандар арнайы рейд ұйымдастырған еді. Шараның мақсаты- шойын жолда апатты болдырмай, азаматтарға қауіп туралы ескерту. Қазіргі қолданыстағы заңнамаға сәйкес темір жолды арнайы белгіленбеген жерден кесіп өткен жандар әкімшілік құқық бұзушылық бойынша жауапқа тартылады. Әуелі оларға ескерту беріледі. Кейін тәртіп бұзушылық қайталанса, айыппұл салынады.

Сурет https://www.gov.kz/ сайтынан жүктелді

Сақ болыңыз!

Айнур Құрмашева — Tue, 11 Feb 2020 12:06:13 +0000

0:00 / 0:00

Көктайғақ салдарынан тайып жығылғандар қатары күрт артқан. Облыстық аурухананың жарақат бөліміне күніне шамамен 500- ден адам аса түрлі дене жарақатымен келіп ем алуда. Қолайсыз ауа райының салдарымен коммуналдықтар да күні-түні күресіп жатқанын айтады.Аяғы тайып, қолын зақымдап алған зейнеткер Зәуреш коммуналдық қарызды төлеуге шыққанын айтады. Енді кейуана бірнеше ай бойы дәрігерлер бақылауында болмақ.Жерге жығылып түрлі деңгейде жарақат алғандар қатары көп дейді дәрігерлер. Мәселен, қалалық және облыстық аурухана қатар жұмыс жасағанның өзінде бір тәулікте облыстық ауруханада 500-ге жуық адамға ем-дом жасалады.Ауа райының қолайсыз болатыны туралы ақпарат өткен демалыс күндері смс хабарлама арқылы таралған болатын. Қардың түсу көлемі өткен жылмен салыстырғанда 5 есеге аз. Алайда шаһар территориясынан «Жайық таза қала» ЖШС-нің күшімен 99 444 метр куб қар шығарылған. Көктайғақтың салдарымен де күресу жұмыстары жүргізілуде.Облыстық денсаулық сақтау басқармасының баспасөз хатшысы Айнагүл Сақпосынованың таратқан мәліметіне сүйенер болсақ, ақпан айының 1-і мен 9-ы аралығында жарақат пунктіне 254 адам жүгінген. Пациенттер арасында үсік шалып, күйгендер тіркелмеген.

Сақ болыңыздар!

Ажар Хамитова — Wed, 20 Feb 2019 13:30:55 +0000

Темір жолдан келетін қауіп көп. Сала мамандары темір жол тораптарында қауіпсіздік шараларын естен шығаратын жандардың саны артып келеді,- дейді. Мәселен, 2018 жылы мыңдаған азамат белгіленбеген темір жол тораптарын кескендігі үшін айыппұл төлепті. Биылдың өзінде 200-ден астам азамат әкімшілік жауапкершілікке тартылған. Абырой болғанда өткен жылы қайғылы оқиға орын алмапты. Алайда, 2017 жылы екі азамат белгіленбеген жерде, яғни отарба жүретін жүріп келе жатқан тұста тораптан өтіп, бақилық болған. Темір жолдағы тәртіп үшін жауапты мамандар азаматтар қауіпсіздік ережелерін естен шығарып, құлаққаппен музыка тыңдап, рельсті кезіп, діттеген жеріне баруды көздейді,-дейді. Алайда, уақыт ұтам деген тұста қайғылы жағдай орын алуы мүмкін. Сол себепті мамандар арнайы белгіленген жерлер арқылы темір жолдан өтпеуге кеңес береді. Бірақ, азаматтар үшін белгінген орынның өте аз екендігін айта кеткен жөн болар. Сондай-ақ, арнайы белгіленген орындар тұрғын үйлерден қашық орналасқандықтан да азаматтардың сұранысына ие емес.

Итке қабылған жандардың саны артып отыр

Ажар Хамитова — Thu, 10 Jan 2019 13:04:14 +0000

2018 жылы 960 адам ит пен мысықтың шабуылынан зардап шегіп, медициналық көмекке жүгінген. Бұл өткен жылғы көрсеткішпен салыстырғанда 23 жағдайға көп. қала көлемінде азаматтар арасында құтыру дерегі тіркелмегендігін айтып, 3 ит осы кеселге шалдыққандыпты. Сала мамандары ит қапқан жандар 1 тәуліктің ішінде медициналық көмекке жүгіну керек,- дейді. Дер кезінде ем-дом қабылдау арқылы өлімге апарып соғатын кеселге тойтарыс беруге болады.

Күн суытады

Айнур Құрмашева — Thu, 06 Dec 2018 12:26:42 +0000

Аяғы тайып, жерден таяқ жегендер қатары соңғы екі тәулікте күрт көбейіпті. Соңғы екі күнде қол аяғы сынып жарақат алғандар қатары күрт артқан. Бір күнде ауруханада 280 адамға түсірілім жасалған.Сала мамандары бұл жағдайды ауа райының күрт суытуымен байланыстырады. Аталмыш мәселе комуналдықтар үшін тосын сый емес. «Орал таза сервис» ЖШС –нің 300 ден аса қызметкері атқа қонып, күні бүгінге дейін шаһар ішіне 3500 текше метр тұз аралас құм себілген. Ал синоптиктер болса ертең облыстың кей жерелерінде қар жауып келесі аптада аязды ауа райы орын алады деп болжап отыр. Ендеше сақтық шаралары сіз бен бізге байланысты болмақ.

Алаяқтардан сақ болыңыздар!

Ажар Хамитова — Wed, 18 Jul 2018 06:31:28 +0000

Шаһарымызда ғаламтор желісі арқылы азаматтарды алдайтын алаяқтық фактілері тыйылмай тұр. Жыл басынан бастап, азаматтардың сеніме кіріп, кейін қаражатын жымқырған 350-ге жуық қылмыс тіркеліпті. Сала мамандары өткен жылғы деректермен салыстырсақ, алаяқтық деректерінің азайғанды. Алайда, әлеуметтік желі арқылы азаматтардың сеніме кіріп, қаржысына иеленіп болып, ізін суытып отырған жандардың қарасы азаймай тұр,-дейді. Көп жағдайда алаяқтар жалған хабарлама таратып, ұтысқа ие болдыңыздар деп ақпар тарататын көрінеді.

Сақтық шараларын естен шығармаған жөн

Ажар Хамитова — Tue, 27 Mar 2018 05:28:42 +0000

Сақ болыңыздар, биік ғимараттардың шатырынан мұз сүңгілері басыңызға құлап кетуі мүмкін. Ауа температурасының жылынуына байланысты биік ғимараттардың төбесіндегі қар еріп жатыр. Алайда, кешқұрым ауа температурасы нөлден төмен болған кезде, түсте еріген қар суы мұзға айналатыны бесенеден белгілі. Осы орайда, төтеншеліктер түрлі мемлекеттік мекемелер, ойын-сауық орталықтарының иелері мен пәтер иелері кооперативтеріне тиісті кеңестерін үлестіріпті. Олар өз ғимараттарындағы мұз сүңгілерін жоюы тиіс. Десек те, сала мамандары тұрғындарға сақтық шараларын естен шығармауды ескертеді. Сондай-ақ, олар көктем мезгілінде өзен мен көлдерді кесіп өтіп, жол қысқартатын автокөлік иелеріне мұзға шықпауға кеңес береді.