Жақында қаладағы М.Ықсанов атындағы орта мектептің 2001 жылғы түлектері білім нәрімен сусындатқан «алтын ұяларына» оралып, «Рухани жаңғыру» бағдарламасы аясында мектептің ауласына төсемтас төсеп, жаңартты. Түлектер ұстаздарымен кездесіп, жеткен жетістіктерімен бөлісті. Кейінгі жылдары «Туған жерге туын тігіп», атамекеніне игі іс жасауға асыққан жастардың қатары артып келеді. Яғни, мектеп түлектері өздері қанат қағып, ересек өмірге жолдама берген алтын ұя мектептеріне араға жылдар салып оралып, түрлі іс-шаралар өткізуді дәстүрге айналдыруда. Көбіне мұндай ұйымшылдықты ауыл жастары арасынан байқайтын болсақ, енді бұл игі шараны қаладағы түлектер де қош алуда. Құрылыс жұмыстарының басы-қасында жүрген 2001 жылғы мектеп түлектерінің алғашқы ұстаздарының бірі -Нүргүл Абуева шәкірттерінің игі бастамаларына дән риза.Айта кету керек, жобаның жалпы құны - 984 мың теңгені құрайды. Ал төсемтас төселген жалпы аумақ 174 шаршы метр.

2017 жылы Елбасы барша Қазақстандықтарға арналған "Болашаққа бағдар-рухани жаңғыру" мақаласын жариялады. Жаңа мақала қазақ қоғамы үшін ауадай қажет болған кезде жарық көрген еді. Бүгінгі таңда нақты іс-жоспары бекітілген бағдарламалық-мақаланың нәтижесін көруге болады. "Болашаққа бағдар-рухани жаңғыру" мақаласының арқасында әлемнің үздік 100 оқулығы қазақ тіліне аударылады. 2018 жылдың 12-сі сәуірінде мемлекеттік тілге аударылған 18 кітаптың таныстырылымы өткен еді.

Сондай-ақ, еліміз бойынша "Жаңа гуманитарлық білім. Қазақ тіліндегі 100 жаңа оқулық" атты бағдарлама қолға алынғаны мәлім. Өткен жылы 18 кітаптың тұсаукесері болып, еліміздің барлық дерлік жоғарғы оқу орындарына тегін таратылды. Ал, биылғы жылы тағы отыз оқулық мемлекеттік тілге аударылмақ.
"Рухани жаңғыру" бағдарламасының аясында көп жылдан беру назардан тыс қалып жүрген ауыл-аймаққа, туған жерге көңіл бөлініп, жоқ-жітігін түгендеуге арналған жұмыстар іске аса бастады. Атымтай жомарт жандар туған жеріне әлеуметтік нысандар тұрғызып, балаларға арналған спорттық- алаңқайларды жабдықтап, халықтың алғысына бөленіп жүр. Бұл, үрдістен батысқазақстандықтар да қалыс қалмады. Елбасының тарихи мақаласынан соң, облыс орталығында "Рухани жаңғыру" мұражайы ашылған еді. Тәуелсіздіктің торқалы тойында өз есігін айқара ашқан музейде 180 құнды экспонат қойылған. Төрт залдан тұратын мұражайда облыс киелі жерлері картасы да жасақталып, оның тарихымен танысуға болады.

Елбасы жолдаған мақаланың мән-маңызы айтылып, оның орындалу барысына қанығып жүрміз. Тіл жанашыры, профессор Мұрат Бөкенбайұлы рухани құндылықтарды насихаттай бағытында бірқатар жұмыстар атқарылып жатыр,- дейді. Десек те, өскелең ұрпаққа қалдыратын мұра, кітап басу ісі өңірімізде кенжелеп келе жатқандығын тілге тиек етті.

"Рухани жаңғыру" мақаласы қас қағым сәтте дамып жатырған жаһандану заманында жұтылып кетпей, ұлттық болсымызға мән беріп, келешекке ұрпаққа мұра қалдыратын, рухани құндылықтарды түгендеп, оны дамыту үшін керек екендігі даусыз. Екі жыл бойы қазақстандықтардың санасын жаңартып, руханиятына бет бұрғызған мақаланың заңды жалғасы өткен жылы "Ұлы даланың жеті қыры" атты мақаласы жарияланды.

БҚО Ақжайық ауданында ағайынды Қоспаевтар бір ауылдың көшесін жарықтандыру ісін қолға алған. Нақтырақ айтсақ, осы ауданға қарасты Бударин ауылында бұрын-соңды көшеде шамдар болмапты. Ауыл тұрғындарының қараңғы түскен мезетте жүрісі қиындап, бала - шағаның берекесі кететін-ді. Енді ондай қиындық болмайды, қазір ауыл көшесінің кіреберіс беті мен орталық көшеге тиісті шам бағаналары орнатылып үлгерген. Бұл Ақжайық ауданына қарайтын Бударин ауылы. Қалмурзиева Марзиа апай осы ауылдың ежелгі тұрғыны. Ғұмырының 35 жылын бала оқытуға арнаған жан. Қазір енді өзі қызмет еткен мектепке немересін әкеліп жүр.

"Ауыл бұрынғымен салыстрығанда көркейіп, жағдайымыз жақсарып келеді",- дейді Марзия апай.

Қазір ауылда 1600 - ден астам адам тұрады.Ауылда әлеуметтік нысандардың бәрі жұмыс жасап тұр. Ауылға керек дүние көшелердің жарықтандырылуы болатын. Қазір ол сұрақ та күн тәртібінен түскелі тұр, себебі ауылдың көркеюіне осы ауылдан шыққан ағайынды кәсіпкерлер қол ұштарын беріп жатыр. Атап айтсақ ауылға жарық тартып жатыр, қазір жарық бағаналары орнатылып қойған, әне - міне іске қосылады деп отыр. Бұдан бөлек те ауылда кәсіпкер азаматтардың қолдауымен жасалған жұмыстар легі жетерлік.
Қай ауылдың да сәнін келтіретін ол қазыналы қарттары. Бұл орайда Бударин ауылы құр алақан емес. Ауылдың мәдениет үйінде әжелер ансамблі жұмыс жасап тұр. Ансамбльге 10 жыл биыл, көз алдарында көркейіп келе жатқан ауылдан үлкен кісілердің көшкісі жоқ.
Қазір әжелер ансамблі өздерінің 10 жылдық мерейтойларына дайындықты бастап кеткен. Дайындық жұмыстары мәдениет үйінде күнде жүреді.
Тірлігі қайнап, бірлігі жарасып тұрған ауылдардың бірі Алғабас ауылы.Осы ауылда да Елбасының рухани жаңғыру бағдарламасы шеңберінде ауыл тұрғындары мектепке қажетті барлық заттарды сатып алып берген. Қазір солардың қызығын Алғабас орта мектебінің оқушылары мен мұғалімдері көріп отыр.
Туған жердің қадірін түсініп, оның көркеюіне үлес қосып отырған азаматтардың арқасында Алғабас ауылында осы ойын алаңы салынған.
Алғабас ауылы негізінен мал шаруашылығын дамытып отырған ауыл. Бұл ауылда 70 шаруа қожалығы жұмыстанып келеді. Сол кәсіпкерлердің шапағаты тиіп отыр,- дейді ауыл әкімі. Ауылдағы саябақтың көлемін де осы кәсіпкерлердің арқасында кеңейткен.
Қазір бұл саябақтың қоршауы жаңартылған. Енді бұл жерге қажетті ағаштар отырғызылып, алда үлкен демалыс орталығына айналдыру жоспарда бар.

Жаңа тынымбақтың құрылыс жұмыстары осы жылдың тамыз айында басталған. Міне бүгін тынымбық қолданысқа беріліп отыр.Салтанатты ашылу сәтіне қатысқан қала әкімі Мұрат Мұқаев ,бүгінгі игі іс жайлы өзінің тұшымды ойымен бөлісе отырып,шахарымызда 50-ден аса көшелер жөндеуден өткенін жеткізді.

Демалыс орыны рухани жаңғыру бағдарламасы аясында салынған болатын.Жалпы аумағы 2500 шаршы метрді құрайды. Тынымбақты қала тұрғындарына жаны жомарт кәсіпкердің бірі өз қаржысы есебінен салып берді. Жалпы кеткен қаржы есебі 34 млн теңге.

Музей 4 экспози­циялық залдан тұрады. Музейдегі ерекшелік-«Батыс Қазақстан облысының киелі жерлері», «Қазақ ұлттық баспасөз тарихы», «Алаш қозғалысының тарихы» және «Тәуелсіз Қазақстан» деп аталатын залдарға орнатылған электронды карта арқылы мұражайға келуші өз бетімен жәдігерлер жөнінде мағлұмат ала алады.

19 ғасырдың аяғында бой көтерген тарихи ғимаратта орналасқан "Рухани жаңғыру" музейінің аумағы 260 шаршы метрді құрайды. Электронды дүңгіршектер арқылы осында тұрған адам БҚО тарихи-өлкетану музейі мен басқа да мұражайды бармай-ақ тамашалап, қалаған ақпаратын алуына, жәдігерлерді тамашалауына болады. Тарихи ескерткіштер жөнінде сыр шертетін орынның электронды форматқа көшуі заман талабына сай цифрлық жүйеге енудің бір көрінісі десек болады. Киелі мекендер жөнінде ауқымды мәлімет осы музейде жинақталып отыр.

БҚО-да «Рухани жаңғыру» бағдарламасы аясында биыл 500ге жуық шара өткізу жоспарланды. Елімізде «Рухани жаңғыру» бағдарламасы жарияланғалы бері өңірде 200-дің үстінде іс-шара ұйымдастырылды. Бұл шаралардың басым бөлігі жергілікті демеу­шілердің қолдауымен жүзе­ге асқан болатын. "Жаңғыру - жетістік жолы" атты дөңгелек үстел рухани жаңғыру бағдарламалық мақаласынан туындайтын тапсырмалар сапасын талқылау, шаралардың жоғары деңгейін қамтамасыз ету мен осы жұмыстардың тиімділігін арттыруға арналды. Шараға сараптама кеңесінің мүшелерімен қатар, қала әкімдігінің бөлім басшылары да қатысып отыр.

ҚР президенті Н.Ә.Назарбаевтың "Болашаққа бағдар: Рухани жаңғыру" бағдарламасы жоғары оқу орындарында қалай жүзеге асырылып жатыр? М.Өтемісов атындағы БҚМУ атқарылған жұмыстардың есебін берді. Аймақтық коммуникациялар қызметінде өткен брифингте білім ордасы латын қарпіне көшу, "Туған жер" жобасы шеңберінде жасалған ғылыми-танымдық жұмыстар жөнінде мәлім қылды.

Президенттің "Болашаққа бағдар: Рухани жаңғыру" мақаласы 2017 жылдың 12-сәуірінде жарық көрген болатын. Бағдарламаны жүзеге асыруда білім беру саласының қосар үлесі ауқымды. Мәселен, М.Өтемісов атындағы БҚМУ-де осы мақсатта арнайы тұжырымдама дайындалып, "Жол картасы" қабылданған. "Рухани жаңғыру" тақырыбында 100-ге жуық ғылыми-әдістемелік мақала, 10-нан астам монография жарық көрген.

Бағдарламадағы негізгі бағыттардың бірі-"Қазақ тіліндегі жазуды латын әліпбиіне көшіру" жобасы. Оқу орнының лингвист ғалымдары жобаның іске асуына ғылыми-әдістемелік жағынан атсалысып, әдістемелік құралдар дайындау қолға алынуда. Былтыр қыркүйек айында аталмыш бағыттағы жұмыстарды жүйелі ұйымдастыру үшін "Рухани жаңғыру" институты ашылған болатын.
Ал "Туған жер" бағдарламасы бойынша ғылыми-танымдық экспедицияларға білім ордасының оқытушылары мен студенттері белсенді қатысып, "Қазақстанның 100 киелі мекені" тізіміне енген орындарға тәжірибесі мен жетістігі мол зерттеу сапарлары ұйымдастырылған.

Адамзат өмірінің ең маңызды бөлшегі оның жанұясы екендігі даусыз. Әрбір адам үшін оның отбасы баға жетпес байлығы. 1994 жылдан бері БҰҰ-ның шешіміне сәйкес мамырдың бел ортасы халықаралық отбасы күні деп бекітілген болатын. Осы орайда, еліміздің барлық мектептерінде ұлттық ата-аналар жиналысы ұйымдастырылды. Ата-аналар жиналысына біздің арнамыздың тілшісі де қатысып келген болатын.

Бұл, облыс орталығында орналасқан облыстық көру қабілеті бұзылған балаларға арналған мектеп-интернат. Бүгінгі таңда, білім беру ордасында 150-ден астам оқушы тәлім алуда. Мектеп интернат қабырғасында ұйымдастырылған ұлттық ата-аналар жиналысына келген ата-аналардың қарасы қалың болды.

Жиын барысында педагогтар "Рухани жаңғыру" бағдарламасы бойынша атқарылып жатқан істерді тізіп, оқу процесіндегі жаңашылдықты да түсіндіріп берді. Ұлттық ата-аналарға арналған жиналысқа ана-аналар, мектептің қорғаншылық кеңесінің төрайымы да қатысқан болатын.

Еліміздің ертеңі саналатын жастарды тәрбиелеуде ата-ана мен мектеп бірлесе жұмыс жасауы тиіс. Ұлттық жиналысқа қатысқан ата-ананың мектепке берген бағасы мынандай:

Бүгінгі мектеп қабырғасында білім алып жатқан шәкірт, ертеңгі елдің болашағы. Жастардың бәсекеге қабілетті, тәрбиелі болуы бүгінгі ата-ана мен педагогқа жүктелген міндет.

Елбасымыздың "Болашаққа бағдар: Рухани жаңғыру" бағдарламалық мақаласының аясында облысымызға қарасты Қазталов ауданының Қайыңды ауылында "Қызғалдақ көктем" атты халықаралық фестиваль басталды. Екі күнге созылатын шара аясында келген қонақтар Қайыңды ауылы маңындағы "Қызыл кітапқа" еңген ерекше қызғалдақ алқабын тамашалап, келешекте гүлді алқапты дамытып, оларды дүйім елге таныту жолдарын талқылады. Сонымен қоса, аталмыш фестиваль аясында тұңғыш рет халықаралық эстрадалық әндерді орындаушылар байқауы мен далалық ұлттық ойындар мен мерекелік шаралар ұйымдастырылды.

Қазталов ауданына қарасты Қайыңды ауылы біздің аймақтағы қызғалдақтың отаны десек, асыра айтқандығымыз емес. Себебі, 3-4 гектар аумақты алып жатырған гүлді алқапта алақанның үлкендігіндей қызғалдақтардың 10 түрлі түстісі өседі. Бүгінгі "Қызғалдақ көктем" фестивалы да осынау алқаптағы «Гүлдер клайдоскопы» көрмесін тамашалаудан бастады.
Құрамына ұлттық салт-дәстүрімізден бастап, қолөнер бұйымдарын, ұлттық спорттық ойындар мен пікір алмасу жиынын және халықаралық эстрадалық әндер орындаушылар конкурсын тоғыстарған ауқымды алғашқы фестивалға, Ресей Федерациясының көршілес облыстарынан арнайы қонақтар мен конкурсанттар да шақырылған. Шараны ашқан аудан әкімі Абат Шыныбеков қонақтарға қош келдіңіздер айтып, ізгі тілегін білдірді.

Шараның келесі бөлігінде шақырылған қонақтар "көненің көзі" атты этноауылды тамашалап, қазақ халқының ежелгі қолөнер бұйымдарымен, ұлттық тағамдар мен спорттық ойындарымен және салт-дәстүрлерімен танысты.

Қызғалдақты алқапта қазақ халқының ұмыт болып бара жатырған ұлттық ойындары - садақ ату, арқан тарту, күрес, күш сынасу сынды спорт түрлерінен көріністер ұсынылып, жеңімпаздарға түрлі сый сияпаттар тапсырылды.

Фестивальде тек көрме мен ойын-сауықтар ғана орын тауып қоймай, табиғатты қорғауға арналған "Бірге қорғаймыз" тақырыбындағы сұхбат алаңы келешек үшін күш салар амалдардың жоспарын белгіледі. Жиында экологтар мен табиғат қорғаушылары гүлді алқапты халыққа таныту мақсатында атқарылар жұмыстарды айтып, өз ойларын жеткізді.

Ал "Гүлдер әуені" атты концерттік бағдарламада 100-ге жуық орындаушы қатысушылар алдында күй орындап, ақындар Қайыңды қызғалдағына арналған өз туындыларын оқыды. Және ертеңгі күнге жоспарланған эстрада әндерін орындаушылардың тұңғыш халықаралық байқауының 30 үміткері жеребе суырды.

Елбасының «Рухани жаңғыру» бағдарламасы аясындағы «Жаңа гуманитарлық білім. Қазақ тіліндегі 100 жаңа оқулық» жобасы бойынша қазақ тіліне 18 кітап аударылғаны белгілі. Аударылған оқулықтар жуырда елбасымызға таныстырылып, келер жылдан бастап жоғарғы білім ордаларының бағдарламасына енгізілмек. Аталмыш жобаның ұтымды тұстарын батысқазақстандықтар да құптап отыр.

Елбасы тапсырмасымен түпнұсқадан қазақ тіліне аударылған кітаптар гуманитарлық ілімдерді қамтиды. Қазақстанның алдыңғы қатарлы оқу орындары мен 100-ден аса маман тәржімалаған оқулықтар әлеуметтану, тарих, Менеджмент, Тіл білімі тақырыбында. Баспадан шыққан су жаңа кітаптар бүгінде жоғары оқу орындарына таратылуда.

Келер жылғы оқу жылынан бастап бұл оқулықтарды жоғары білім беру жүйесіне енгізу жоспарлануда. Ал қазір кітаптар студенттерге таныстырылып, оқытушылар арасында да насихатталып жатыр. Бұл оқулықтар көпшілік үшін кітап түрінде, электрондық онлайн нұсқасында және үздік лекторлардың ашық дәрістерінің видеотекасы сияқты үш форматта қол жетімді болмақ. Осылайша, ел жастары, қандастарымыз әлемдік ғылым салаларына бір табан жақындай түспек. Білім саласындағы жаһандық бәсекеге неғұрлым бейімделген мамандарды даярлау - болашаққа жасалатын ең басты бағдар. Ауқымды жоба бірер жылдан-ақ өз жемісін бере бастайды. Бұған жастар да қолдауларын білдіріп отыр. Айта кетейік, оқу құралдарын қазақ тіліне аудару жұмыстарының нәтижесінде мемлекеттік тіл қоры 3 мың жаңа терминмен және ұғыммен толықтырылды. Сонымен қатар 2018 жылы тағы 30 кітап қазақ тіліне аударылады.