прокурорлық тексеріс – TDK-42

Прокурорлық тексеріс

Ажар Хамитова — Mon, 16 Mar 2020 12:31:52 +0000

2019 жылдың 11 айында қалалық әкімдікке 18000 арыз -талап келіп түскен. Олардың 16000 жеке тұлғалардың шағымы. Қалалық прокуратураның қызметкерлері осы арыз-шағымдардың қаралу тәртібі мен олардың уақытылы орындалуына байланысты тексеріс жүргізген. Сала мамандары тексеріс нәтижесінде көптеген лауазымды тұлға жұмысын ауыстырып, өзге салаға ауысуына байланысты айыпты тұлғаларды жауапкершілікке тарту қиын екендігін атап өтіпті. Десек те, 5 лауазымды тұлға олқылықтар үшін жауап берген. Мұндай талап бұзушылықтар қалалық прокуратурада өткен коллегияда белгілі болды.

Прокурорлық тексеріс

Ажар Хамитова — Mon, 14 Oct 2019 10:16:16 +0000

0:00 / 0:00

БҚО мемлекеттік сатып алу мәселесінде олқылық анықталды. Облыстық прокуратураның келтірген дерегіне сәйкес, Бөкей Ордасы аудандық білім беру бөлімі жатақхана ғимаратын бір кәсіпкермен келісіп, жөндеу жұмыстарын жүргізеді. Бірақ, мемлекеттік мекеме нысанды жөндеместен бұрын мемлекеттік сатып алу туралы конкурсты ұйымдастырмай, тіпті, жатақхананың жобалық сметалық құжаттарын да дайындамапты. Жөндеу жұмыстары аяқталғаннан соң, екі айдан кейін, мемлекеттік сатып алу туралы конкурс ұйымдастырылған. Аталмыш заң бұзушылыққа жол берген бөлім басшысының міндетін атқарушы С. есімді азамат мемлекеттік қызметке кір келтіріп, теріс қылық жасағаны үшін тәртіптік жазаға тартылыпты.

Прокурорлық тексеріс

Ажар Хамитова — Thu, 10 Jan 2019 13:04:30 +0000

Батыс Қазақстан облысының прокуратурасы заңды аяққа таптаған колледжерді анықтады. Прокурорлық тексеріс нәтижесінде оқу ордалары студенттерді жатақханамен қамтамасыз етпей, сабақты дұрыс жүргізбей, қаражатты негізсіз пайдаланған деректер тіркеліпті. Облыс көлемінде жұмыстанып жатырған білім ордаларының алтауында өзге қаладан келіп оқитын студенттеріне арналған жатақханалардың жоқтығы анықталыпты. Ал, мемлекеттің тапсырысы арқылы қызмет жасап отырған білім ордалары аталмыш талапты орындауы шарт. Сондай-ақ, Ақсай техникалық колледжі оқушы санын негізсіз артырып, бюджеттен заңсыз 3 млн теңге алыпты. 116 тұлғаға көбейтілген тізімнің құрамында бұрын оқу ордасын тәмамдап кеткен түлектер мен оқудан шығып қалған студенттер болыпты. Заң бұзушылықтардың қатарында сабаққа қатыспай, тұрақты жұмыс жасап жүрген студенттерге шәкіртақы төленген деректер де тіркеліп отыр. Мұндай фактілер Бөкейорда, Жалпақтал, Қаратөбе, Теректі, Сырым мен Шыңғырлау аудандарында орын алған.