БҚО-да несие алып, кәсіптерін дөңгелеткен бизнес нысандарының көмегімен 627 адам жұмыспен қамтылған. Қазіргі уақытта Орал қаласының кәсіпкерлерін қаржыландыру жалғасуда. Іс бастаймын деп мемлекеттен қолдау күткен жандарға жалпы сомасы 500 млн. болатын 50 -ден астам несие берілетін болады. Мемлекеттік бағдарлама бойынша бөлінген қаржының игілігін Подстепное ауылының тұрғыны да көріп отыр.

Подстепное ауылының тұрғыны Мұрат Баймұхамбетов автокөліктер қозғалтқышының бүріккішін жөндеу ісін осыдан бір жыл бұрын бастапты. Кәсібін ашуға ауыл шаруашылығын қаржылай қолдау қорынан 6 пайыздық жылдық мөлшерлемемен 6 млн теңге несие рәсімдеген. Осы қаражатқа еуро стандартты дизель отынмен жүретін техникалардың электронды форсункаларын жөндейтін және жөндеген соң ақау жоғын тексеретін арнайы қондырғы сатып алған. Кәсіпкер жазғы уақытта жұмысы жақсы жүргенін айтады. Ал қазір тапсырыстар біраз азайған. Айта кетейік, "Еңбек" бағдарламасының 4 бағыты бар. Мал және егін шаруашылығы, ауылдық жерде кәсіпкерлікті дамыту, ауыл шаруашылығы өнімдерін қайта өңдеу. Несиелер көп балалы аналар мен жағдайы төмен отбасылаға 4 пайызбен 6 жарым жылға беріледі. Мұрат Баймұхамбетов бағдарлама бағыттарының бірін пайдаланып отыр.

Жеңілдікпен қолдау алу үшін несие тарихыңыз бен басқа қарыздарыңыздың бар-жоғы тексеріледі және кепілге қоятын мүлігіңіз болуы шарт.

1 наурыз - алғыс айту күнінің қарсаңында Теректі ауданының Подстепное ауылында "Біздің жетістігіміз-бейбітшілік пен келісім" атты медиация кабинетінде ашық есік күндері ұйымдастырылды.

Подстепное ауылындағы жаңа мәдениет үйінде өткізілген қайырымдылық шара алдымен "Өткенді сақтай отырып, келешекті қалыптастырамыз" тақырыбындағы көшпелі кітап көрмесімен ашылды. Көрмеге өткен ғасырларда жарық көрген өңірімізге қатысты құнды кітаптар мен авторларының қолтаңбалары қалған әдеби шығармалар қойылған.

Кейіннен мәдениет үйі қабырғасында медиация кабинеті ашылды. 10 мыңнан астам адам тұратын үлкен ауылда бұрын тұрғындар медиаторларға жүгіну үшін қалаға қатынаса, енді бітімгерді алысқа бармай-ақ өз ауылдарынан да таба алады.

Бүгінгі таңда біздің облысымызда 200-дің үстінде медиация кабинеттері жұмыс жасайды. Аймақта барлығы 255 бітімгер болса, олардың 48-і кәсіби, 207-сі қоғамдық медиаторлар. Осы медиаторлардың араласуымен барлығы 2000-нан астам іс оң шешілген.

Басқосу барысында медиаторлар қатысушыларға бітімгершіліктің тиімділігін айтып, артынша шара "Алғыс сөздің асылы" атты қайырымдылық концертімен жалғасты.