Переметное ауылындағы су шайып кеткен бөгет қалпына келтіріледі.  8 сәуір күні, Зеленов ауданының Переметное ауылындағы су шайып кеткен өткел  қайта  қалпына келтірілетін болды.Бұл туралы облыстық құрылыс басқармасының басшысы Алтынбек Қайсағалиев  мәлім етті. Естеріңізде болса, көктемгі ағын судың салдарынан аталмыш бөгетті су шайып кеткен болаты. Бөгет жобасын  Зеленов ауданының сәулет және құрылыс бөлімі жасаған. 2017 жылы  бөгет құрылысы аяқталған еді. Құрылыс-монтаждау жұмыстары 70 млн.теңге қаржы жұмсалған еді. Бөгетті су шайып кеткеннен кейін жүргізілген техникалық сараптама нәтижесінде жобада  қателік кеткен деген шешім шығарылды. Бүгінде құрылыс басқармасы құрылыс компаниясының, авторлық және техникалық бақылаушы, жобалаушы компаниялар үстінен сотқа шағым түсірді. Сот шешімі екі ай ішінде шығатын болады. 35 млн.теңге бюджетке қайтарылады.Ал кінәлі тұлғаларды сот анықтайтын болады.

Облыс әкімі Қазақстан мен Ресейдің шекарасын жалғайтын тас жолдың құрылысымен танысты. Үш жыл бойы Переметный, Тасқала мен Ресейдің Озинкасын жалғайтын тас жолдың құрылысы биылғы жылдың қарашасында аяқталады деп көзделіп отыр. Қазіргі таңда мердігер компания өкілдері шекара шебінде жол төсеу жұмыстарына дайындықты бастапты. Барлық жұмыстар аяқталғаннан соң, шекара шебінде азаматтарды тексерістен өткізетін екі бекет бой түземекші.

Елімізді көршілес Ресеймен жалғайтын тас жолдың құрылысы қазіргі таңда 95 пайызға аяқталыпты. Енді мердігер компания өкілдері, шекара шебінде орналасқан бекетке жол салу жұмыстарын қолға алмақ. Яғни, шекара бекетінде 600 метрді құрайтын қос жол салынады. Оның өзі 4 жолақты болады деп жоспарланып отыр. Бұл бірінші кезекте, шекара асатын азаматтарға және шекараның қауіпсіздігін күзететін сақшыларға қолайсыздық тудырмай, ыңғайлы болмақ.

Шекара шебіндегі жолдың құрылысымен танысу үшін арнайы ат басын бұрған облыс әкімі мердігер компания өкілдерінен жұмыстың барысын сұрап, атқарылар жұмыстарға тоқталды. Сондай-ақ, шекара күзетінде тұрған сақшылардан жаңа бекет орнаса, қандай жаңашылдықтар болатынын сұрап, мән-жаймен танысты.
Облыс әкімі Қазақстан мен Ресейдің шекарасында Тасқалалық тұрғындардың да мұң-мұқтажына құлақ асты. Тасқала ауданына қарасты Достық ауылының тұрғыны өңір басшысынан ауылға кіреберіс 3 шақырым жерге ескі асфальт төсеп беруін өтініп, ауыл тұрғындарының өтінішісін жеткізді.
Үш жылға жоспарланған Орал-Тасқала -Озенка тас жолдының жалпы ұзындығы 100 шақырымды құрайды. 2015 жылдан бері үкіметтен қыруар қаржы бөлініп келген құрылыс жұмыстары биылғы жылдың қараша айында толықтай аяқталып, халықтың игілігіне берілмек.

Зеленов ауданында 46 күндізгі мектеп, 8 мемлекеттік және 4 жекеменшік балабақша қызмет жасап жатыр. Мектептерде 8000-нан астам шәкірт тәрбиеленіп, білім алып жатыр. Аудан көлемінде білім беру саласындағы жаңашылдықтар толығымен еніп жатқан көрінеді.

Бүгінгі таңда аудан көлемінде 1500-ден астам педагог қызмет жасайды. Биылғы жылдың өзінде оқу бітірген 50 жас маман жұмысқа қабылданыпты. Білім бөлімінің басшысы мамандарды "Дипломмен ауылға" бағдарламасы арқылы баспанамен қамтамасыз ету үшін жұмыстар атқарылып жатқандығын атап өтті. Алайда, баспанаға қол жеткізген азаматтардың арасында ай сайынғы жарнаны төлемейтін жандар да табылады екен.

Аудандағы басты мәселенің бірі балаларды мектепке дейінгі біліммен қамтамасыз ету болып табылады. Статистикалық дерекке сүйенсек, бүгінгі таңда аудан көлемінде 800-ден астам бала балабақша кезегінде тұр.

Жақында Зеленов ауданына қарасты Трекин мен Достық ауылында қос мектептің құрылысы басталмақ.

Ағымдағы жылдың 21 шілдесі күні Зеленов ауданы орталығы Переметный ауылында толассыз жауған жауынның салдарынан 21 үй апатты жағдайда қалып төтенше жағдай жарияланды. Бүгінде төтенше жағдайлар жөніндегі штаб мүшелері қауіптің сейілгенін айтады. Толығарақ алдағы бейнеметериалда.

Бұл 21-нен 22-ші шілдеге қараған түні толассыз жауған жаңбыр суының баспаналарды басып жатқан көрінісі. Көне көз тұрғындардың сөзінше мұндай жаңбыр соңғы 50 жылда жаумаған.
тілсіз жаудан зардап шеккен мына тұрғын үй паналауға келмейді. Өздеріңіз көргендей үйдің қабырғалары үгіліп түсіп, мүліктердің барлығы жарамсыз күйде. Ал оны жалға алып, паналап тұрып жатырған Жансұлу Хайрошева бүгінде далада қалып, қайтадан пәтер іздеп көше кезіп жүргінен айтады.

Осы орайда жауапты сала мамандары аудан әкімдігінің төтенше жағдайлар жөніндегі кезекшілік бөліміне түнгі сағат 23.00 шамасында Переметный ауылының Гагарин және Орал көшелерінің тұрғындарынан су басу қаупі төнгендігі жөнінде ақпарат-дабыл түскен. Осы орайда төтенше жағдайлар жөніндегі штаб мүшелері жиналып, қауіптің алдын алу бағытындағы жұмыстар жүргізген. Су жүретін арықтар кеңейтіліп, өтініш білдірген әр тұрғын үй мен аулалардан мотопомпа, су сорғыштар арқылы судан тазарту шаралыры жүзеге асырылған. Сонымен қатар, аудан орталығына таяу орналасқан Белес, Зеленый, Железнов, Шалғай, Мичурин ауылдық округтерінен қосымша жасақ тартылып, табиғи апаттың салдарымен мүмкіндіктерінше күрескендерін айтады.

Төтенше жағдайға байланысты аудандық жас туристер стансасында тұрғындарды эвакуациялау пункті ұйымдастырылғанмен үй иелері өз еріктерімен бас тартқан. Қазіргі уақытта жағдай бірқалыпты.

Переметное ауылы, Гагарин көшесі 7 мекен-жайындағы үйде өрт тұтанғаны жөнінде хабар төтеншеліктерге түнгі 23:53 те келіп түскен. Өрттің шатырдағы жалпы аумағы 90 шаршы метрді құрайды. Үйдің төбе жабындысы жанып, шыққан қою түтінге үйдегі адамдар тұншығып қалған. Оқиға орнынан 2 адам аудандық ауруханаға жеткізілген. Қара түтінге тұншығып, ағзасы уланып қалған азаматтың бірі абырой болғанда жаны аман қалған. Қазір ауруханада соңғы емін алып жатыр. Қазіргі кезде өрттің шығу себебі мен келтірілген шығын және кінәлі тұлғалар анықталып жатыр.

Батыс Қазақстан облысы, Зеленов ауданының маңындағы Переметное ауылындағы бөгетті еріген қар суы жырып кетті. Нысанды «Орал Строй инвест» мердігерлік мекемесі өткен жылдың күзінде ғана жөндеуден өткізген болатын. Негізгі және су құятын дамба құрылысына бюджеттен 71 млн теңге бөлінген.

Сәуірдің сегізі күні қар суы жиналған бөгеттің кей жерлері жарыла бастаған. Тәулік бойы аққан су бетонды тақталардың басқа бөліктерін де жырып кеткен. Келген шығын көлемін арнайы комиссия анықтайды. Облыс басшысының тапсырмасына сай, мердігер кепілдендірілген міндеттемеге сәйкес барлық ақауларды ретке келтірмек. Өңір басшылығының баспасөз қызметінің берген мәліметіне сүйенсек, нысанды жобалаушы да жауапкершілікке тарылмақ.

Қазір нысан орнында мердігер мекеменің арнайы техникасы жұмыс істеуде. Ал дамбаға жүрер жолды жергілікті полиция қызметі әзірге жауып тастапты.

Айта кетелік, Бұл бөгет 5 миллион текше метр суды сақтау үшін салынған. Жиналған су егістікті жазғы маусымда суландыру үшін пайдаланылады.