Бұл Мөңкеұлы көшесі 108/1 мекенжайындағы 9 қабатты тұрғын үй. 2013 жылы қолданысқа берілген. 73 пәтер бар. Дәлізі таза, барлық пәтер жылумен қамтылып отыр. Алайда осы үйдегі 31-ші пәтердің иесі жыл сайын төбеден аққан тамшымен күресіп келеді. Жалғызбасты ана 2014 жылы баласының мүгедектігіне байланысты арнайы санат бойынша үйді болыпты. Айына 10-мың теңгеден астам төлем жасайды.

Расымен жоғарғы қабаттан аққан су тамшыларының салдарынан қабырғалар сөгіліп, түс қағаздар ашылып кетіпті. Пәтер иесі не істерін білмей әлек. Қолғанат болар екі ұлы да мүмкіндігі шектеулі жандар санатында.

Су тамшылары жоғарғы пәтерден ағып жатыр дегесін аяқтай барып тексермекші болдық. Құлыптаулы есікті ешкім ашпады. Көршілердің айтуынша, бірден аңғарылмағанымен су ағып жатырғаны рас. Ал құбырлар еденнің астында қалған.
Осы үйдің тұрғыны Айжан Садықованың өз күшімен құбырларды ауыстыруға жағдайы жетпейтін көрінеді. Енді көршісінің үстінен арыз жазамын деп бекініп отыр. Егер арызы қабылданып, мақұлданса, жоғардағы пәтердің иесі құбырларды ауыстыруға міндетті болып қалмақ.

68 жасар Казталов ауданының тұрғыны Хайруллин Мәлік біраз уақыт бұрын жаңа темір тұлпарды тізгіндеуді жоспарлаған. Сол арманы «Pater House тұрғын үй — құрылыс кооперативінің арқасында іске асып отыр. Бастапқы қаражаттың 50 пайызын төлей отырып, азамат су жаңа Шевролет Нива көлігін алды.
«Pater House» тұрғын үй-құрылыс кооперативі Қазақстан нарығында жұмыс жасағанына жыл жарым болған. Осы уақыт ішінде 70-тен аса тұтынушы өз армандарын жүзеге асырып, көптен күткен баспана мен көлікке ие болды. Бағдарлама үй, темір тұлпар аламын деген жандарға өте тиімді.

Альбина Нұралбекова «Pater House» тұрғын үй-құрылыс кооперативінің өкілі

Бүгін біздер Хайруллин Мәлікке жаңа көліктің кілтін табыстадық. Кооператив сіздерге баспана, жер учаскесін, автокөлік сатып алуға, үй салуға және жөндеуге көмектеседі. Мамандар әр клиент үшін ыңғайлы және тиімді бағдарламаны таңдап, ұсынады. Баспананы 10 жылға, ал көлікті 5 жылға бөліп төлеуге болады.

«Pater House» тұрғын үй-құрылыс кооперативінің кеңсесі Хиуаз Доспанова 71 мекенжайы ( бұрынғы Алмазов) көшесінде орналасқан.

Биыл "ТДК-42" телеарнасы өзінің 20 жылдығын атап өтеді. Осы мерейтой қарсаңында арнамызда көрсетілген материалдарға арқау болған кейіпкерлерімізбен кездесуді жөн санадық. 2017-жылы ақпан айында 84 жасар Валентина Дубовская жөнінде сюжет дайындалған болатын. Қыстың суығында кейуана аяғын үсітіп алып, қиын жағдайға душар болды? Бүгінде кейіпкеріміздің жағдайы қалай?

Жалғызбасты әжейдің қиын жағдайда, қыстың қақаған суығында қараусыз қалуынан аяғы үсіп кеткен болатын. Мына ұзақ уақыт шығарыомай, үйілген күл-қоқыс арасында пәтерінде төсекке таңылған кейуананың іздеушісі жоқ. Валентина Дубовскаяның жағдайы жөнінде үйінен кіріп-шыққанын көрмей алаңдаған көршілер хабар берген болатын. Зейнеткер пәтерде ит-мысықтармен бірге тұрған. Қасындағы жалғыз алданыштары әлі де солар ғана. Арнамызда көрсетілген бейне материалдан соң кейуанаға еріктілер көмектесе бастады. Олар пәтерден бірнеше көлікке жүк болатын күл-қоқыс шығарған. Үйін жөндеп, жаңа терезе орнатқан. Қыста қарын аршып, қалалық жұмыспен қамту және әлеуметтік бағдарламалар бөлімі арнайы көмекші қызметкер тағайындады.

-"Маған Гуля деген әйел келіп көмектесіп тұрады. Жаңа сендер келгенде сол екен деп ойлап едім. Денсаулығым шыдауға боларлықтай. Сендерге тілерім үнемі мұқтаж жандарға көметесе беріңдер. Мені іздеп келіп, қал-жағдайымды білгендерің үшін алғыс айтамын",- дейді Валентина Дубовская.

"ТДК-42 "телеарнасында көрсетілген бейне сюжеттер арқылы қайырымды азаматтар көмекке зәру жандарға қол ұшын беріп, қоғамды бей-жәй қалдырмайтын мәселелер көтерілді. Кейіпкерлердің тағдыры әрдайым арнамыздың бақылауында. 20 жылдық мерейтой қарсаңында өз кейіпкерлерімізбен қайта жүздесудің сәті түсіп отыр.

Биылғы жылы Оралдағы бір бөлмелі пәтердің құны 5,5 млн теңгені құрап отыр. Сала мамандары бұл баға өткен жылмен салыстырғанда аз-кем өзгеріске ұшырады. Алайда, жылжымайтын мүліктің сауда саттығы бұрынғы көрсеткіштерді құрап отыр,- дейді.

Баспана- талайдың арманына айналды. Өзім үйім өлең төсегім деп, жалдамалы пәтерден пәтерге көшпей, бөгде адамның босағасына тәуелді болмай, ұрпағын өрбітіп, бақытты өмір сүруді армандамайтын адам кем де кем шығар. Ал, Оралдықтардың арманындағы баспана қандай? Азаматтар қиялындағы пәтерге қанша қаражат төлеп беруге даяр?

Біз сұрастырған азаматтардың ой сантүрлі болды. Енді қазіргі таңдағы жағдайға үңілсек. Бүгінгі таңда 1 бөлмелі пәтердің бағасы шамамен 5,5 млн теңгені құрайды. Алайда, бес млн теңгеге жақсы пәтер сатып алуға болады деуден аулақпыз. Сала мамандары баға саясатына түрлі фактор әсер етеді. Олардың қатарында пәтердің орналасқан орны, оның аумағы мен жөндеу жұмыстары, тіпті дәліздің сыйқи бағаның құбылуына алып келмек. Сондай-ақ, пәтердің құнына тұрғын үйдің қай мезгілде саудаланғаны да өз әсерін тигізетін көрінеді.

Бүгінгі таңда, Оралдықтар 2-3 пәтерлі тұрғын үйді көптеп сатып алып жатыр. Олардың нарықтағы орташа бағасы 10-15 млн теңгені құрайды. Сондай-ақ, азаматтар жер үйге көптеп қызығушылық танытып отырған көрінеді.

Сала мамандары пәтер сатып алғысы келетін жандарға арнап бірнеше кеңестерімен де бөлісті.

Көптің арманына айналған баспана құны жыл өткен сайын шарықтап бара жатыр. Бұл фактор қаншама отбасының арманына қол жеткізуіне үлкен кедергі болып отырғандығы ақиқат.

Себебі 2-ші қабаттағы пәтерлердің бірі -жәндіктердің ордасына айналған. Көршілерімен араласпай, есігін тарс жауып отыратын жас азаматаша өз үйін қоқыс аймағына айналдырған және пәтеріне ешкімді кіргізбейтін көрінеді.

Бұл Жәңгір хан 55 мекен-жайындағы тарақандардан зардап шегіп отырған тұрғын үй. Күн жылынғалы тұрғындар көрші үйден тарап, пәтерлерінің қабырғаларында жорғалаған жәндіктерден үрейленіп болған. Ал тарақанды улап, көзін құрту мүмкін емес. Себебі бунақ денелілердің ошағы болып табылатын пәтерге ешкім кіре алмайды. Пәтер иелері кооперативі де, тіпті учаскелік полициясының да көмегіне жүгініп көрген. Бірақ еш көмек болмапты. Өйткені томаға тұйық үй иесі пәтеріне жан баласын жуытпай отырған көрінеді.

Тұрғындар дизенфекция қызметін шақырған. Одан еш нәтиже болмаған соң әкімдік пен прокуратураға да шағымданыпты. Пәтер иелері кооперативі шарасыздық танытып отыр. Бөгде біреудің пәтерінің есігін бұзу кіруге құқымыз жоқ дейді. Өз пәтерін тарақандардың ордасына айналдырып, көршілерін мезі қылған азаматшаға биліктен бір шара қолдануды сұраған тұрғындар тарақандардың түрлі жұқпалы ауруларды таратуынан үрейленеді.

Толқын Исатайқызы - өмірдің қиындығын көп көрген жалғызбасты ана. Бес баланың анасы 2009 жылы өкпенің қатерлі дертіне шалдығып, жұмысқа жарамсыз болып қалыпты. Содан бері қамкөңіл жанға облыс жамағаты қол ұшын созып келеді.

Пәтерден-пәтерге көшіп шаршаған жанды "Қарекет" қайырымдылық қоры шаттыққа бөледі. Құрылғанына алты ай болған олар бүгін міне, еліміз бойынша үшінші баспананың кілтін табыстап отыр. Қайырымды жандардың көмегімен Толқын Исатайқызы қала маңындағы Озерный ауылынан кең үйге қол жеткізді. Қор жетекшісі Алғадай Әбілғазыұлы осылайша қазақтың "жылу" сынды ескі дәстүрі жаңғыртпақ ниетте.

Елге танымал "Өнер қырандары" театрының ұжымы да "Қарекетке" ашылғалы бері ақпараттық қолдау көрсетіп келеді. Ұжымның белді мүшесі Сырымбет Бибосынов та қуанышты жағдайға куә болды.

Осынау игі шараның басы қасында жүрген қайырымды жандарға облысымыздың бас имамы Еркебұлан Ибрайымұлы да алғысын білдіріп, қор жұмысына береке тіледі.

Облыстық мешіт жамағаты болса, Толқын Исатайқызына берілген үйге жиһаз-жабдықтар алып, материалдық көмек бермек.

Көп балалы ана баспаналы болды. Балалар үйінің түлегі Екатерина Скворцоваға ат-жөнін құпия сақтауды сұраған қайырымды жан 3 бөлмелі пəтерді сыйға тартты. 6 баланың анасы бұл жағдайға əлі сене алар. Өңім бе, əлде түсім бе деп қуаныштан еріксіз көзіне жас алды. Осыған дейін тас жолға 3 шақырым қашықтықтағы саяжайда тар бөлмеде күн көріп келген отбасы қазір көшудің қамымен жүр. Қайырымдылық жасаған РФ-ның азаматшасы болып шықты. Ол 6 млн.теңгеге Подстепное ауылынан үйді таңдап жүріп алғызған. Іші жөнделген, жуынатын бөлмесі мен əжетханасы бар болуын талап еткен. Өзі 4 баланың анасы көрінеді. Ал үйді сатқан адам Екатеринаға жұмсақ жиһаздар мен ас үй жиһаздарын, кір жуатын автомат машинкесін тегін қалдырып, балаларға ойыншықтар əкеліп беріпті. Скворцова қазір балабақшаға кезек, емханаға тіркелу жұмыстарын қолға алып жатыр