"Бұл үйде 8 кіреберіс бар. Жылда 8 кіребірстің 3 жертөлесі суға толып кетеді. Құбыр ескі, еш жаңаланбаған. Қандала қаптап тұр. Үй-үйге кіріп, баларды шағып жатыр. Мәселе шаш етектен", - деп ашынады сол баспананың тұрғыны Галина Халина.

Соңғы 10 жылда шатырына бір шеге қағылмаған, қыбырғасына қалақ сылақ жағылмаған баспана жағдайымен пәтер иелері кооперативі жақсы таныс. Алайда, жөңдеуге асығар емес, - деген тұрғындар қаражатты өз қалталарынан шығарып, баспананың шұрық тесігін шамалары келгенше жаңалап, жамаған.

"Біздің жертөледе жағымсыз иістер шыға бастады. Тозығы жеткен құбырларды ауыстыру керек. Баспанаға жауапты пәтер иелері кооперативіне жағдайды айтып келеміз, бізге құлақ асудан қалды", - дейді тұрғын Ирина Егорова.

Тұрғын үй қорының қызмет көрсету саласында пәтер иелері кооперативтерінің жұмысына қатысты бірқатар мәселелер жеткілікті. ПИК-тері жұмыс істейді, бірақ көбінің қызметіне азаматтардың көңілі толмайды. Бұл үйреншікті жағдай, - дейді мәселеге себепкер "Механик" ПИК төрайымы Татьяна Петровна. Аталған мекеме тұрғын үй кіреберісіндегі жөңдеу жұмыстары мен жөртөле жағдайына жауапты еместіктерін айтып, бастарын ала қашты. Кооператив міндетіне тек үй-үйге су мен жылудың уақытылы берілуі жатса керек.

  "Кердері көшесіндегі 143- үйдің барлық жағдайымен хабардармын. Дегенмен, ПИК қызметіне ай сайын төленетін төлемақы мәселенің жыртығын жамауға келмейді. Барлық ПИК қызметі үшін бірыңғай төлем жүйесі болуы керек.Сонда ғана тұрғындардан мұндай мәселе туындамас еді" , - дейді "Механик" ПИК төрайымы Татьяна Лукина.

Қазіргі таңда арнамызға шағымданған тұрғындардың 30 пайызы ПИК қызметіне қарыздар көрінеді. Ал, кооператив жетекшісін ауыстыру тұрғындардың өз қолында. Оны жалпы жиында барлығы бірауыздан шешуіне болады.

Кердері көшесіндегі 125 үйдің шатырынан су кеткелі біраз болыпты. 5 қабаттағы тұрғындардан маза кеткен. Себебі, жаңбыр жауған сайын шатырдан шелектеп су кетеді, кейін бұл судың салдарынан қабырға сөгіліп, баспананы жөндеу қажет болады. Алпысты алқымдаған Нина Блинова да осы қиындықтан мезі болған жандар қатарында. Жаңбыр суынан үйдегі түсқағаздар түсіп, асүйдің көретін жері жоқ.
Бұл үйге қарасты "Нұр" пәтер иелері кооперативіне де арнайы бас сұқтық. Бар мәселеден хабардар төраға зейнеткердің үйіне бірнеше мәрте барыпты.

Александр Лукьянов
Өткен жылы 14 пәтер тұрғынының үйін бірнеше мәрте тексердік барлығы да құрған қолды. Соңғы рет қараша айында барған кезде де барлығы жақсы болатын. Зейнеткер бізден үйдегі жөндеу жұмыстарын да жасауды сұрған. Алайда, біз мұнымен айналыспаймыз.

Алайда, Нина әжей шұрқ-тесік шатырдан көктемде тағы су кете ме деп алаңдайды. Оның алаңдауға да жөні бар, себебі жаңбыран кейін баспана дымқылданып, қара суық баспана ішіне кіретіні жасырын емес.

Нина Блинова

Мен бұл үйде салынғалы бері тұрамын, 42 жыл болды. Осы мәселемен күрескелі көп болды. Түсқағаздарды ауыстыра ауыстыра шаршадым. Су жарық желісіне барып, үйде өрт бола ма деп қорқамын

Ал ПИК төрағасы көктемге таман зейнеткердің үйін тағы бір мәрте тексеруге уәде берді.

Оралда электронды пәтер иелері қауымдастығын іске қосуға бағытталған дайындықтар жалғасуда. Бүгінде бұл жұмыстардың бірінші кезеңі жүзеге асып, оларды тіркеу басталып кетті.Қаладағы пәтер иелері қауымдастықтарының басшылары жаңа жүйені үйренуге күн сайын күш салуда. Арнайы мамандар пик жұмысы туралы ақпаратты қалай қай жерге салу керектігін сөз жүзіде ғана емес, іс жүзінде де көрсетуде. Әзірше тек тіркеу жұмыстары ғана, ал екінші кезеңде басшылардың белсенділігі тексеруден өтіп, содан соң бұл жұмыстардан бұқара халық та құлағдар етілмек. Қазір шаһарда 404 пик қызмет атқаруда, десе де тіркеуден олардың барлығы бірдей өтпейді екен. Себебі қауымдастықтардың кейбірінде компьютерлер де жоқ, ал жазбалар әлі күнге дейін бұрынғыдай журнал арқылы жүргізіледі. Ал кейбір басшылар электронды порталмен айналысуға қауқарларының жоқтығын айтады. Ал сайт іске қосылғаннан кейін, тұрғындар ай сайынғы төлеп отырған жарналарының қайда жұмсалып жатқандығын бақылай алмақ.