Санаулы күндерден кейін яғни 26-ы шілдеде Франция астанасы Париж қаласының төрінде XXXIII жазғы Олимпиада ойындары алауы тұтанады. Бұл додада қазақстандық спортшылар да бақ сынайтын болады. Қазақстан спортшылар 25 спорт түрінен 80 лицензия жеңіп алды дейді спорт министрі. Біздің спортшылар бокс, дзюдо, спортттық гимнастика, жеңіл атлетика, байдарка мен каноэде есу, оқпен ату, семсерлесу, күрес түрлерінен, садақ ату, теннис, велосипед айдау, жүзу сияқты спорттың тағы басқа түрлерінен Олимпиада ойындарына қатысады.

Туризм және спорт министрлігінің хабарлауынша, жекелеген спорт түрлері бойынша қазақстандық боксшылар ең көп жолдаманы жеңіп алды. Ерлер құрамасында Олимпиадаға толық құрамда 7 боксшы, ал әйелдер құрамасынан 3 боксшы, жалпы 10 боксшы сынға түспек. Ең көп жолдаманы палуандар жеңіп алған. Сондай-ақ, жеңіл атлеттеріміз де көш бастап 7 спортшы қатысады деп күтілуде. Бірақ Париж Олимпиадасына ауыр атлетеріміз бен әйелдер күресінен бірде-бір спортшымыз жолдамаға қол жеткізе алмаған. Осылайша Париж төрінде 80 спортшымыз ел намысын қорғамақ. Ал 2016 жылы Рио-де-Жанейро Олимпиадасына әскер спортшылары 8 лицензия алса, 2021 жылы Токиода — 18 болған. Осыдан үш жыл бұрын Токио Олимпиадасында Қазақстан медаль саны бойынша 82 орында болып, бір алтын бұйырмай, спортшыларымыз 8 қола медальмен ғана оралған болатын. Ендігі мәселе лицензияны алуы алып, спортшыларымыздың қанжығасы медальдармен майланып келсін деген тілек бар.