Биыл Ұлттық бірыңғай тестілеу 26-шы маусымда басталады. Қазіргі эпидемологиялық жағдайға байланысты ҰБТ-ны ұйымдастыруда біраз өзгерістер бар. Мектеп түлектерінің киімдері тест тапсырмастан бұрын арнайы зарарсындандырылып, әрбір оқушының дене қызуы өлшенеді.

Биыл Ұлттық бірыңғай тестілеуді ұйымдастыруда өзгерістер бар. Мамандар ҰБТ кезінде барлық санитарлық талаптар сақталады деп отыр. Мәселен, тест тапсыратын түлектің дене қызуы ғимараттың кіреберісінде өлшеніп, киімдері залалсыздандырылады.

Биылғы жаңашылдықтың бірі ҰБТ уақыты 4 сағатты құрап отыр. Бұрын түлек тапсырмаларын 3 сағат 50 минут уақытта тапсыратын еді. Сала мамандары тесттің форматы өзгермегенін айтады. Бірақ тестегі сұрақтардың 30 пайызы өзгеріске ұшырапты. Және 4-ші тоқсанда өткен тақырыптар бойынша сауалдар қойылмайды. Тест тапсыратын түлектер жоғарғы оқу орынында оқу үшін кемінде 50 баллды жинауы керек.

ҰБТ-ге байланысты туындаған аппеляциялық сұрақтарды түлектер сынақ тапсырғаннан кейін екінші күні жолдай алады. Мамандар комиссия жауаптарды тексеріп, министрлікке жолдайтынын айтады. 2020 жылғы ҰБТ 26-шы маусымнан басталып, 3-шілдеге дейін өтеді деп жоспарлануда.

Сурет ғаламтордан жүктелді

Батыс Қазақстандық шаруалар субсидия беру мәселесінің тез өзгеріске ұшырауына наразы. Олардың мемлекеттік қолдаудың жыл сайын, кейде тіпті, жылына екі мәрте өзгеріп отыратындығына көңілдері толмай отыр. Министрлік шаруаларды қолдауға беретін қаражатты алу тәртібін биыл да өзгертпек. Батыс Қазақстандық шаруалар жағдай бұлай жалғаса берсе, отандық өнім тоқырауға ұшырап тынады деп дабыл қағуда.

Мемлекет мал шаруашылығында кәсіп ашып, оны дөңгелентіп отырған кәсіпкерлерге субсидия беріп, қолдап келеді. Бірақ, мемлекеттік қолдаудың талаптары мен тілектері жиі өзгеріске ұшырап, құбылып отырады. Бұл ата кәсіпті қолға алған кәсіпкерлердің дамуы үшін кедергі келтіруде.

Қазіргі таңда субсидия берудің алты түрі бар. Биылдан бастап, мемлекеттік қолдаудың үш түрін алу қиындай түспек. Ал, субсидияның екі түрі кәсіпкерлердің кәсібін дөңгелетуге септігін тигізеді-мыс. Мәселен, шетелден сатып алған аналақ асыл тұқымды сиыр үшін берілетін субсидия 225 мың теңгеден 300 мыңға дейін көбеймек. Бірақ, кәсіпкерлер шаруаларға қолдауды мақсат тұтқан көмектің болашағы бұлыңғыр,- дейді. Олар біздің елдегі субсидия мөлшері артқанмен, жағдайды бақылап отырған шетелдік сатушылар түрлі сылтауды желеу етіп, сиырдың бағасын қымбаттататынын атап өтті.

Өңірлік кәсіпкерлер палатасында бас қосқан кәсіпкерлер субсидия беру мәселесінде тұрақтылық қажет,- дейді. Мемлекеттік қолдаудың жиі өзгеріске ұшырауының кесірінен жас кәсіпкерлер зардап шекпек. Сала мамандары бұқараны азық-түлікпен қамтып отырған салаға жас кәсіпкерлер келмесе, ата кәсіптің болашағы бұлыңғыр болып, шетелдік өнімге деген тәуелділіктің арттатындығы сөзсіз дейді. Өңірлік кәсіпкерлер палатасының өкілдері шаруалардың назын білетіндігін, оларды толықтай қолдайтындығын айтып, тиісті ұсыныс-пікірлерін министрлікке жолдайтындығын жеткізді.

2019 жылдың 1 қаңтарынан бастап мемлекеттік сатып алу заң жобасына өзгерістер енді. Аталмыш жаңашылдықты бірінші болып, мемлекеттік сатып алуға ниетті тұтынушылар айқын сезінуде. Бұдан былай мемлекеттік сатып алулар жарияланатын портал ақылы түрде қызмет жасайды.

Мемлекеттік сатып алу процесін жеңілдету ісінде енгізілген жаңашылдық бір көзден сатып алатын шекті сомманың көлемін ұлғайтылуға мүмкіндік береді. Мәселен, бұрын аталмыш сомма 100 айлық есептік көрсеткішті құраған еді. Қазір бұл сомма 500 айлық есептік көрсеткішке дейін көбейтіліп отыр. Сондай-ақ, тапсырыс берушілер баға ұсыныстармен бірге тауардың қандай фирмадан болу керектігін де көрсете алады. Сала мамандары бұл тапсырыс сапасының артуына үлес қосады деседі.

Биылғы жылы орын алған жаңашылдықтардың қатарында қаржылық тұрақтылық атты кретерий қолданысқа енді. Яғни, бұл жаңашылдық мемлекеттік сатып алуға ниет білдірген компаниялардың салық төлеуі, негізгі қаржысының болуы мен еңбекақының төленуі сынды параметрлерді анықтауды көздейді. Жоғарыда аталған ақпараттарды мемлекеттік кірістер департаментінен алынатын болады. Бұл өз кезегінде салықтың көлемін арттыруға мүмкіндік береді. Аталмыш жаңашылдықтардың қалай қолданысқа еніп, нәтиже беретіндігі әзірге уақыттың еншісінде қала бермек.